ബാ​വു​ക്ക​യു​ടെ മ​ര​ച്ച​ക്കി​ന് പാ​ര​മ്പ​ര്യ​ത്തി​ന്റെ പ​രി​ശു​ദ്ധി

പ​ര​പ്പ​ന​ങ്ങാ​ടി: ത​ല​മു​റ​ക​ൾ കാ​ത്തു​സൂ​ക്ഷി​ച്ച പ​രി​ശു​ദ്ധ എ​ണ്ണ​യു​മാ​യി ചെ​ട്ടി​പ്പ​ടി​യി​ലെ വി.​കെ. ബാ​വു​ക്ക. വ്യ​വ​സാ​യി വെ​ട്ടി​കു​ത്തി ബാ​വു​ക്ക എ​ന്ന ഹ​സ്സ​ൻ​കോ​യ പി​താ​വി​ൽ​നി​ന്ന് ഏ​റ്റെ​ടു​ത്ത എ​ണ്ണ മ​ര​ച്ച​ക്ക് കാ​ല​ത്തി​ന്റെ കു​ത്തൊ​ഴു​ക്കി​ലും കൈ​വി​ടാ​തെ കാ​ത്തു​സൂ​ക്ഷി​ക്കു​ക​യാ​ണ് ഇ​ന്നും. ചെ​ട്ടി​പ്പ​ടി​യി​ലെ വെ​ട്ടി​കു​ത്തി വീ​ട്ടി​ൽ എ​ള്ളി​ൽ​നി​ന്ന് ന​ല്ലെ​ണ്ണ​യും കൊ​പ്ര​യി​ൽ​നി​ന്ന് വെ​ളി​ച്ചെ​ണ്ണ​യും മ​ര​ച്ച​ക്ക് തി​രി​ച്ച് വേ​ർ​തി​രി​ച്ചെ​ടു​ത്ത് നാ​ടി​ന് സ​മ്മാ​നി​ക്കു​ന്ന കു​ല​ത്തൊ​ഴി​ൽ ബാ​വു​ക്ക​യു​ടെ നേ​തൃ​ത്വ​ത്തി​ൽ മു​ട​ങ്ങാ​തെ തു​ട​രു​ന്ന​ത് മു​ക്കാ​ൽ നൂ​റ്റാ​ണ്ടു ക​ഴി​ഞ്ഞു. വ​ർ​ഷ​ങ്ങ​ൾ​ക്കു​മു​മ്പ് ച​ക്ക് ക​റ​ക്കാ​ൻ പ​ശു​വി​ന് പ​ക​രം മോ​ട്ടോ​ർ സ്ഥാ​പി​ച്ചു എ​ന്ന​തൊ​ഴി​ച്ചാ​ൽ വ്യ​വ​സാ​യ​ത്തി​ൽ ബാ​വു​ക്ക ഒ​രു മാ​റ്റ​വും വ​രു​ത്തി​യി​ട്ടി​ല്ല.

വീ​ട്ടു​വ​ള​പ്പി​ലെ മി​ല്ലി​ൽ ഉ​ൽ​പാ​ദി​പ്പി​ക്കു​ന്ന എ​ണ്ണ വി​റ്റ​ഴി​ക്കാ​ൻ ചെ​ട്ടി​പ്പ​ടി ടൗ​ണി​ലെ സ്വ​ന്തം കെ​ട്ടി​ട​ത്തി​ൽ തു​ട​ങ്ങി​യ എ​ണ്ണ വി​ൽ​പ​ന​ശാ​ല​ക്കും പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. ബാ​വു​ക്ക​യു​ടെ മാ​യ​മേ​ശാ​ത്ത എ​ണ്ണ​യും പി​ണ്ണാ​ക്കും തേ​ടി​യെ​ത്തു​ന്ന​വ​ർ​ക്ക് ഈ 87​കാ​ര​നി​ൽ​നി​ന്ന് ല​ഭി​ക്കു​ന്ന നാ​ട്ട​റി​വു​ക​ൾ ചെ​റു​ത​ല്ല. വി​ദ്യാ​ർ​ഥി​യാ​യി​രി​ക്കെ താ​നൂ​രി​ലെ കോ​ൺ​ഗ്ര​സ് നേ​താ​വും സ്വാ​ത​ന്ത്ര്യ സ​മ​ര സേ​നാ​നി​യു​മാ​യി​രു​ന്ന ടി. ​അ​സൈ​നാ​ർ കു​ട്ടി സാ​ഹി​ബി​ന്റെ പ്ര​സം​ഗ​ത്തി​ൽ ആ​കൃ​ഷ്ട​നാ​യി ബ്രി​ട്ട​നെ​തി​രെ ന​ട​ന്ന സ്വാ​ത​ന്ത്ര്യ സ​മ​ര പോ​രാ​ട്ട​ങ്ങ​ളി​ലും പ​ങ്കാ​ളി​യാ​യി​ട്ടു​ണ്ട്.