പൂട്ടുകണ്ടത്തിൽ പോത്തുകൾക്കൊപ്പം കുതിച്ച് കുഞ്ഞുട്ടിയുടെ ആവേശം

കൊ​ള​ത്തൂ​ർ: വ​യ​ൽ​വ​ര​മ്പി​ൽ ആ​വേ​ശ​ത്തി​ര തീ​ർ​ക്കു​ന്ന പോ​ത്തു​ക​ൾ​ക്കൊ​പ്പം കു​തി​ച്ചു​പാ​യു​ക​യാ​ണ്​ കു​ഞ്ഞു​ട്ടി​യു​ടെ ആ​വേ​ശ​വും. കൊ​യ്​​ത്തൊ​ഴി​ഞ്ഞ പൂ​ട്ടു​ക​ണ്ട​ത്തി​ലെ ആ​ർ​പ്പു​വി​ളി​ക​ൾ​ക്കൊ​ടു​വി​ൽ മൂ​ർ​ക്ക​നാ​ട് തെ​ന​യി​ലെ പി.​കെ. കു​ഞ്ഞു​ട്ടി​യു​ടെ സ്വീ​ക​ര​ണ​മു​റി നി​റ​ഞ്ഞു​ക​വി​ഞ്ഞ​ത്​ 200ഓ​ളം കൂ​റ്റ​ൻ ട്രോ​ഫി​ക​ളാ​ണ്. മ​ല​പ്പു​റം, പാ​ല​ക്കാ​ട് ജി​ല്ല​ക​ളി​ലാ​യി ന​ട​ക്കു​ന്ന മ​ത്സ​ര​ങ്ങ​ളി​ലെ​ല്ലാം കു​ഞ്ഞു​ട്ടി​യു​ടെ ക​ന്നു​ക​ൾ​ക്കാ​ണ് ആ​ധി​പ​ത്യം. 300 മ​ൽ​സ​ര​ങ്ങ​ൾ ഇ​തി​ന​കം പി​ന്നി​ട്ടു.

60 മു​ത​ൽ 70 വ​രെ ജോ​ടി പോ​ത്തു​ക​ൾ പോ​രി​നി​റ​ങ്ങു​ന്ന​താ​ണ് മി​ക്ക മ​ത്സ​ര​ങ്ങ​ളും. വെ​റും കൈ​യോ​ടെ ഒ​രു ക​ണ്ട​ത്തി​ൽ നി​ന്ന്​ ക​യ​റി​യി​ട്ടി​ല്ല. സ്വ​ർ​ണ​ക്ക​പ്പും ബൈ​ക്കും ഉ​ൾ​പ്പെ​ടെ വാ​രി​ക്കൂ​ട്ടി​യ​ത്​ ഒ​ട്ട​ന​വ​ധി സ​മ്മാ​ന​ങ്ങ​ൾ. ക​ർ​ഷ​ക​നാ​യ പി​താ​വ് പാ​ല​ക്കാ​വ​ള​പ്പി​ൽ സെ​യ്താ​ലി​യോ​ടൊ​പ്പം ചെ​റു​പ്രാ​യ​ത്തി​ൽ ത​ന്നെ മ​ണ്ണി​ലി​റ​ങ്ങി തു​ട​ങ്ങി​യ​താ​ണ്. പി​ന്നെ പോ​ത്തു​പൂ​ട്ടി​െൻറ ഗോ​ദ​യി​ൽ ചു​വ​ടു​റ​പ്പി​ച്ചു. കു​ഞ്ഞു​ട്ടി​യു​ടെ ക​ന്നു​ക​ളു​ടെ കു​തി​ച്ചോ​ട്ടം കാ​ണാ​ൻ ദൂ​രെ നി​ന്നു​പോ​ലും പോ​ത്തു​പൂ​ട്ടു പ്രേ​മി​ക​ൾ എ​ത്താ​റു​ണ്ട്. നാ​ല് ജോ​ടി ക​ന്നു​ക​ളെ ഇ​റ​ക്കു​ന്ന കു​ഞ്ഞു​ട്ടി മി​ക്ക​യി​ട​ത്തു​നി​ന്നും ആ​ദ്യ ര​ണ്ട് സ്ഥാ​ന​ങ്ങ​ൾ നേ​ടി​യാ​ണ് മ​ട​ങ്ങു​ക. കാ​ൽ​പ​ന്തു​പോ​ലെ പോ​ത്ത് പൂ​ട്ട് നെ​ഞ്ചേ​റ്റു​ന്ന ഒ​രു ത​ല​മു​റ ഇ​പ്പോ​ഴും ന​മ്മു​ടെ നാ​ട്ടി​ലു​ണ്ടെ​ന്ന് ഇ​ദ്ദേ​ഹം പ​റ​യു​ന്നു.

അ​വ​രു​ടെ ആ​ർ​പ്പു​വി​ളി​യും ആ​വേ​ശ​വു​മാ​ണ് ത​െൻറ ഉൗ​ർ​ജ​മെ​ന്നും കു​ഞ്ഞു​ട്ടി പ​റ​യു​ന്നു. പോ​ത്ത് ഫാ​മും കൃ​ഷി​യു​മാ​ണ് വ​രു​മാ​ന​മാ​ർ​ഗം. സാ​മ്പ​ത്തി​ക​മാ​യി ന​ഷ്​​ട​മാ​ണെ​ങ്കി​ലും ആ​വേ​ശം സി​ര​ക​ളി​ൽ ഒ​ഴു​കു​ന്ന കു​ഞ്ഞു​ട്ടി മ​ത്സ​രം നി​ർ​ത്താ​ൻ ഒ​രു​ക്ക​മ​ല്ല. ഭാ​ര്യ​യും നാ​ല് മ​ക്ക​ളു​മ​ട​ങ്ങു​ന്ന​താ​ണ് കു​ടും​ബം.

ലേഖകൻ: കെ.കെ. മൊയ്തീൻ കുട്ടി