ആ​ദി​വാ​സി​ക​ളെ വ​ട്ടംക​റ​ക്കി പ​ഞ്ചാ​യ​ത്ത്: ഒ​ടു​വി​ൽ കെ​ട്ടി​ട ന​മ്പ​ർ

കാ​ളി​കാ​വ്: കെ​ട്ടി​ട ന​മ്പ​ർ ന​ൽ​കാ​ൻ പ​ഞ്ചാ​യ​ത്ത് ത​യാ​റാ​വാ​ത്ത​തി​നാ​ൽ വീ​ട് പ​ണി വൈ​കി​യ ആ​ദി​വാ​സി​ക​ൾ​ക്ക് ഒ​ടു​വി​ൽ അ​ശ്വാ​സം. ചോ​ക്കാ​ട് പ​ഞ്ചാ​യ​ത്ത് നെ​ല്ലി​യാം​പാ​ടം, ക​ള​ക്കു​ന്ന് കോ​ള​നി​ക്കാ​രാ​ണ് കെ​ട്ടി​ട ന​മ്പ​ർ കി​ട്ടാ​ത്ത​തി​നാ​ൽ വ​ല​ഞ്ഞി​രു​ന്ന​ത്. ക​ള​ക്കു​ന്ന് കോ​ള​നി​യി​ലെ ശ്രീ​നി​വാ​സ​ൻ, ശാ​ര​ദ, സു​രേ​ഷ്, രാ​ധി​ക എ​ന്നി​വ​രു​ടെ വീ​ടു​ക​ൾ​ക്കാ​ണ് പ്ര​ശ്ന​മു​ണ്ടാ​യി​രു​ന്ന​ത്. ഇ​വ​രു​ടെ ആ​ധാ​ര​ത്തി​ൽ പ​റ​മ്പ് എ​ന്നും എ​ന്നാ​ൽ വി​ല്ലേ​ജ് രേ​ഖ​യി​ൽ നി​ല​മെ​ന്നു​മാ​ണ് കാ​ണു​ന്ന​ത്.

2015ൽ ​സ്ഥ​ലം ല​ഭ്യ​മാ​യ​തും വീ​ട് വെ​ച്ച​തു​മാ​ണ്. എ​ന്നാ​ൽ, ഇ​തു​വ​രെ വീ​ട്ടു​ന​മ്പ​ർ ന​ൽ​കി​യി​രു​ന്നി​ല്ല. ഇ​തോ​ടെ ഫ​ണ്ട് ല​ഭ്യ​ത​ക്ക് ത​ട​സ്സം വ​ന്ന് വീ​ട് ന​വീ​ക​ര​ണം മു​ട​ങ്ങി. നെ​ല്ലി​യാം​പാ​ടം കോ​ള​നി​യി​ലെ ഒ​ടു​ക്ക​ന്റെ ഭാ​ര്യ ച​ക്കി, പെ​ര​ക​ന്റെ മ​ക​ൾ ത​ങ്ക എ​ന്നി​വ​രു​ടെ വീ​ടാ​ണ് നി​ർ​മാ​ണം പൂ​ർ​ത്തി​യാ​ക്കാ​നാ​കാ​തെ കി​ട​ക്കു​ന്ന​ത്. കോ​ള​നി വീ​ടു​ക​ൾ​ക്ക് ലൈ​ഫ് പ​ദ്ധ​തി​യു​ടെ നാ​ലു​ല​ക്ഷ​ത്തി​ന് പു​റ​മെ ര​ണ്ടു ല​ക്ഷ​വും ല​ഭി​ക്കും. ഇ​തി​ന് പ​ഞ്ചാ​യ​ത്തി​ന്റെ വീ​ട്ടു​ന​മ്പ​ർ ന​ൽ​ക​ണം.

ഈ ​ന​മ്പ​റി​ന് അ​പേ​ക്ഷ ന​ൽ​കി​യെ​ങ്കി​ലും ഭൂ​മി​യു​ടെ ഉ​ട​മ​സ്ഥാ​വ​കാ​ശം കാ​ണി​ക്കു​ന്ന രേ​ഖ ന​ൽ​കി​യി​ല്ല എ​ന്നു​പ​റ​ഞ്ഞ് ന​മ്പ​ർ ന​ൽ​കാ​ൻ പ​ഞ്ചാ​യ​ത്ത് സെ​ക്ര​ട്ട​റി ത​യാ​റാ​യി​രു​ന്നി​ല്ല. എ​ന്നാ​ൽ, വീ​ട് നി​ർ​മാ​ണ​ത്തി​ന് പെ​ർ​മി​റ്റ് ന​ൽ​കി​യ​ത് ഇ​തേ പ​ഞ്ചാ​യ​ത്ത് ത​ന്നെ​യാ​ണ്. വാ​ർ​ഡ് മെം​ബ​ർ​മാ​രാ​യ ഷാ​ഹി​ന ബാ​നു, കെ.​ടി. സ​ലീ​ന, സി.​പി.​എം ബ്രാ​ഞ്ച് സെ​ക്ര​ട്ട​റി കെ.​ടി മ​ജീ​ദ് എ​ന്നി​വ​രു​ടെ ഇ​ട​പെ​ട​ലാ​ണ് ആ​ദി​വാ​സി​ക​ൾ​ക്ക് തു​ണ​യാ​യ​ത്.