ഹോ​ട്ട​ൽ തൊ​ഴി​ലാ​ളി പൊ​ള്ള​ലേ​റ്റ് മ​രി​ച്ച സം​ഭ​വം: ദു​രൂ​ഹ​ത​യെ​ന്ന്​ കു​ടും​ബ​വും പ്ര​ദേ​ശ​വാ​സി​ക​ളും

എ​ട​വ​ണ്ണ (മലപ്പുറം): എ​ട​വ​ണ്ണ​യി​ൽ ഹോ​ട്ട​ൽ തൊ​ഴി​ലാ​ളി പൊ​ള്ള​ലേ​റ്റ് മ​രി​ച്ച സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്ന് ബ​ന്ധു​ക്ക​ളും നാ​ട്ടു​കാ​രും. ബു​ധ​നാ​ഴ്ച വൈ​കീ​ട്ട്​ 6.30ഓ​ടെ​യാ​ണ് ചാ​ത്ത​ല്ലൂ​ർ പ​ള്ളി​പ്പ​ടി​യി​ലെ പ​ര​ശു​രാ​മ​ന്‍കു​ന്ന​ത്ത് സാ​ജി​ദ് (45) പൊ​ള്ള​ലേ​റ്റ് മ​രി​ച്ച​ത്. പ​രി​സ​ര​വാ​സി​ക​ളും വീ​ട്ടു​കാ​രും ഓ​ടി​യെ​ത്തി തീ​യ​ണ​ച്ചെ​ങ്കി​ലും ര​ക്ഷ​പ്പെ​ടു​ത്താ​ൻ സാ​ധി​ച്ചി​ല്ല. സം​ഭ​വ​ത്തി​ൽ ദു​രൂ​ഹ​ത ആ​രോ​പി​ച്ച് ഭാ​ര്യ​യും മ​ക്ക​ളും എ​ട​വ​ണ്ണ പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി.

ഉ​ന്ന​ത ഉ​ദ്യോ​ഗ​സ്ഥ​രി​ല്ലാ​തെ മൃ​ത​ദേ​ഹം കൊ​ണ്ടു​പോ​കാ​ൻ സ​മ്മ​തി​ക്കി​ല്ലെ​ന്ന് പ്ര​ദേ​ശ​വാ​സി​ക​ളും ബ​ന്ധു​ക്ക​ളും അ​റി​യി​ച്ച​തോ​ടെ വ്യാ​ഴാ​ഴ്ച രാ​വി​ലെ​യാ​ണ് പോ​സ്റ്റ്മോ​ർ​ട്ട​ത്തി​നാ​യി മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി​യ​ത്. നി​ല​മ്പൂ​ർ ഡി​വൈ.​എ​സ്.​പി സാ​ജു കെ. ​എ​ബ്ര​ഹാം, പി.​കെ. ബ​ഷീ​ർ എം.​എ​ൽ.​എ, എ​ട​വ​ണ്ണ എ​സ്.​എ​ച്ച്.​ഒ വി​ഷ്‌​ണു എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു ഇ​ത്.

വ​ഴി​ത്ത​ർ​ക്ക​വു​മാ​യി ബ​ന്ധ​​പ്പെ​ട്ട്​ നാ​ട്ടു​കാ​രും സാ​ജി​ദി​ന്‍റെ കു​ടും​ബ​വും ആ​രോ​പ​ണം ഉ​ന്ന​യി​ക്കു​ന്ന വ​നി​ത​ക്കെ​തി​രെ ദൃ​ക്​​സാ​ക്ഷി ഉ​ൾ​പ്പെ​ടെ എ​ട​വ​ണ്ണ സ്റ്റേ​ഷ​നി​ലെ​ത്തി മൊ​ഴി ന​ൽ​കി​യി​ട്ടും കേ​ൾ​ക്കാ​ൻ പോ​ലും പൊ​ലീ​സ് ത​യാ​റാ​യി​ല്ലെ​ന്ന്​ പ്ര​ദേ​ശ​വാ​സി​ക​ൾ പ​റ​യു​ന്നു. പൊ​ലീ​സി​ന് വീ​ഴ്ച സം​ഭ​വി​ച്ചെ​ന്ന്​ കു​റ്റ​പ്പെ​ടു​ത്തി കു​ടും​ബ​വും രം​ഗ​ത്തെ​ത്തി​യി​രു​ന്നു. അ​തി​നി​ടെ, സം​ഭ​വ​ത്തി​ൽ ആ​രോ​പ​ണ​ത്തി​ന് ഇ​ര​യാ​യ സ്ത്രീ ​നി​ർ​മി​ച്ച മ​തി​ൽ നാ​ട്ടു​കാ​ർ ത​ക​ർ​ത്തു.

മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്ന് പോ​സ്റ്റ്മോ​ർ​ട്ടം പൂ​ർ​ത്തി​യാ​ക്കി മൃ​ത​ദേ​ഹം വ്യാ​ഴാ​ഴ്ച ഉ​ച്ച​ക്ക് ര​​ണ്ടോ​ടെ കി​ഴ​ക്കേ ചാ​ത്ത​ല്ലൂ​ർ ജു​മാ​മ​സ്ജി​ദി​ൽ ഖ​ബ​റ​ട​ക്കി. ഫോ​റ​ൻ​സി​ക് റി​പ്പോ​ർ​ട്ട് ഉ​ൾ​പ്പെ​ടെ ല​ഭി​ക്കാ​നു​ണ്ടെ​ന്നും കൂ​ടു​ത​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും എ​ട​വ​ണ്ണ പൊ​ലീ​സ് അ​റി​യി​ച്ചു.

ആ​ത്മ​ഹ​ത്യ​യെ​ന്ന്​ പ്രാ​ഥ​മി​ക റി​പ്പോ​ർ​ട്ട്

സാ​ജി​ദ് പൊ​ള്ള​ലേ​റ്റ് മ​രി​ച്ച സം​ഭ​വ​ത്തി​ൽ ദു​രൂ​ഹ​ത​യി​ല്ലെ​ന്ന് എ​ട​വ​ണ്ണ പൊ​ലീ​സി​ന്‍റെ പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട്. പോ​സ്റ്റ്മോ​ർ​ട്ട​ത്തി​ന്​ ശേ​ഷം ഡോ​ക്ട​റു​ടെ റി​പ്പോ​ർ​ട്ട് ഉ​ൾ​പ്പെ​ടെ പ​രി​ശോ​ധി​ച്ച​തി​ന്‍റെ അ​ടി​സ്ഥാ​ന​ത്തി​ലാ​ണ് ദു​രൂ​ഹ​ത ഇ​ല്ലെ​ന്നും ആ​ത്മ​ഹ​ത്യ​യാ​ണെ​ന്നു​മു​ള്ള പ്രാ​ഥ​മി​ക നി​ഗ​മ​ന​ത്തി​ലേ​ക്ക്​ എ​ത്തി​യ​തെ​ന്ന് എ​ട​വ​ണ്ണ എ​സ്.​എ​ച്ച്.​ഒ വി​ഷ്ണു പ​റ​ഞ്ഞു. എ​ന്നാ​ൽ, വ​ഴി​ത്ത​ർ​ക്ക​വു​മാ​യി ബ​ന്ധ​പ്പെ​ട്ട്​ അ​യ​ൽ​വാ​സി​യാ​യ സ്ത്രീ​യാ​ണ് മ​ര​ണ​ത്തി​ന് പി​ന്നി​ലെ​ന്ന് നാ​ട്ടു​കാ​രും കു​ടും​ബ​വും ആ​രോ​പി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ഈ ​സ്ത്രീ​യെ​യും അ​മ്മ​യേ​യും എ​ട​വ​ണ്ണ സ്റ്റേ​ഷ​നി​ൽ വി​ളി​ച്ചു​വ​രു​ത്തി ചോ​ദ്യം ചെ​യ്തി​രു​ന്നു. ദൃ​ക്സാ​ക്ഷി​യെ​യും ചോ​ദ്യം ചെ​യ്തു. അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്ന്​ പൊ​ലീ​സ്​ പ​റ​ഞ്ഞു.

സ​മ​ഗ്ര അ​ന്വേ​ഷ​ണം വേ​ണം -എം.​എ​ൽ.​എ

സാ​ജി​ദി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട് എ​ട​വ​ണ്ണ പൊ​ലീ​സി​ന് ഗു​രു​ത​ര വീ​ഴ്ച സം​ഭ​വി​ച്ച​താ​യി പി.​കെ. ബ​ഷീ​ർ എം.​എ​ൽ.​എ. സാ​ക്ഷി​യു​ടെ മൊ​ഴി​യെ​ടു​ക്കാ​ൻ​പോ​ലും പൊ​ലീ​സ് ത​യാ​റാ​യി​ല്ല. ഇ​ത് കൊ​ല​പാ​ത​ക​മാ​ണ് എ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

സ​മ​ഗ്ര അ​ന്വേ​ഷ​ണം ന​ട​ത്ത​ണ​മെ​ന്നും എം.​എ​ൽ.​എ ആ​വ​ശ്യ​പ്പെ​ട്ടു. തു​ട​ര​ന്വേ​ഷ​ണം നി​ല​മ്പൂ​ർ ഡി​വൈ.​എ​സ്.​പി​ക്ക്​ കൈ​മാ​റി​യി​ട്ടു​ണ്ടെ​ന്നാ​ണ് ജി​ല്ല പൊ​ലീ​സ് മേ​ധാ​വി​യോ​ട് അ​ന്വേ​ഷി​ച്ച​പ്പോ​ൾ അ​റി​ഞ്ഞ​തെ​ന്നും അ​ദ്ദേ​ഹം പ​റ​ഞ്ഞു.