പ്രിൻസിപ്പലിന്റ വാ​ട്സ്ആ​പ് സ​ന്ദേ​ശം വിനയായി; ജോബ് ഫെസ്റ്റിൽ ഒഴുകിയെത്തിയത് ആയിരങ്ങൾ

വ​ട​ക​ര: വ​ട​ക​ര മോ​ഡ​ൽ പോ​ളി​ടെ​ക്നി​ക് കോ​ള​ജി​ൽ സം​ഘ​ടി​പ്പി​ച്ച ജോ​ബ് ഫെ​സ്റ്റ് ഉ​ദ്യോ​ഗാ​ർ​ഥി​ക​ളെ​കൊ​ണ്ട് വീ​ർ​പ്പു​മു​ട്ടി, ഒ​ഴു​കി​യെ​ത്തി​യ​ത് ആ​യി​ര​ങ്ങ​ൾ. വി​ന​യാ​യി പ്രി​ൻ​സി​പ്പ​ലി​ന്റെ വാ​ട്സ്ആ​പ് സ​ന്ദേ​ശം. കോ​ഴി​ക്കോ​ട് എം​പ്ലോ​യ​ബി​ലി​റ്റി സെ​ന്റ​റും വ​ട​ക​ര എം​പ്ലോ​യ്മെ​ന്റ് എ​ക്സ്ചേ​ഞ്ചും പോ​ളി​ടെ​ക്നി​ക്കും സം​യു​ക്ത​മാ​യാ​ണ് ശ​നി​യാ​ഴ്ച ജോ​ബ് ഫെ​സ്റ്റ് സം​ഘ​ടി​പ്പി​ച്ച​ത്.

ഫെ​സ്റ്റി​ന്റെ പ്ര​ചാ​ര​ണ​ത്തി​ന്റ ഭാ​ഗ​മാ​യി ത​യാ​റാ​ക്കി​യ ബ്രോ​ഷ​റി​നൊ​പ്പം പോ​ളി​ടെ​ക്നി​ക് കോ​ള​ജ് പ്രി​ൻ​സി​പ്പ​ലി​ന്റ വോ​യ്സ് സ​ന്ദേ​ശ​വു​മു​ണ്ടാ​യി​രു​ന്നു.

ഏ​തു പ്രാ​യ​ത്തി​ലു​ള്ള​വ​ർ​ക്കും വി​വി​ധ ത​സ്തി​ക​ക​ളി​ലേ​ക്കു​ള്ള ഇ​ന്റ​ർ​വ്യൂ​വി​ൽ പ​ങ്കെ​ടു​ക്കാ​മെ​ന്നും വി​വ​രം കൂ​ടു​ത​ൽ ആ​ളു​ക​ളി​ലേ​ക്ക് എ​ത്തി​ക്ക​ണ​മെ​ന്നു​മാ​യി​രു​ന്നു സ​ന്ദേ​ശം. വി​വ​ര​മ​റി​ഞ്ഞ് അ​തി​രാ​വി​ലെ മു​ത​ൽ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള ഉ​ദ്യോ​ഗാ​ർ​ഥി​ക​ൾ മോ​ഡ​ൽ പോ​ളി​ടെ​ക്നി​ക് കോ​ള​ജി​ലേ​ക്ക് ഒ​ഴു​ക്കാ​യി​രു​ന്നു. ഗ്രൗ​ണ്ടി​ൽ ഉ​ദ്യോ​ഗാ​ർ​ഥി​ക​ളെ ഉ​ൾ​ക്കൊ​ള്ളാ​നാ​വാ​തെ കോ​ള​ജ് കെ​ട്ടി​ട​ത്തി​ന്റ ഒ​ന്നാം​നി​ല​യി​ലേ​ക്ക് വ​രെ ആ​ളു​ക​ൾ നി​റ​ഞ്ഞു. തൊ​ഴി​ലു​റ​പ്പ് ജോ​ലി​ക​ൾ മാ​റ്റി​വെ​ച്ച് സ്ത്രീ​ക​ൾ അ​ട​ക്ക​മു​ള്ള​വ​രും എ​ത്തി​യി​രു​ന്നു.

സ്വ​കാ​ര്യ ബ​സു​ക​ളി​ൽ​നി​ന്നു​തി​രി​യാ​ൻ ഇ​ട​മി​ല്ലാ​ത്ത തി​ര​ക്കാ​യി​രു​ന്നു. സ്ഥ​ല​ത്തെ​ത്തി​യ​വ​ർ​ക്ക് കൃ​ത്യ​മാ​യ വി​വ​ര​ങ്ങ​ൾ ന​ൽ​കാ​ൻ പോ​ലും അ​ധി​കൃ​ത​ർ​ക്കാ​യി​ല്ല. സ്വീ​പ്പ​ർ പോ​സ്റ്റ് മു​ത​ൽ ഉ​ന്ന​ത ജോ​ലി​വ​രെ പ്ര​തീ​ക്ഷി​ച്ചെ​ത്തി​യ​വ​ർ എ​ന്തു ചെ​യ്യ​ണ​മെ​ന്ന​റി​യാ​തെ പ്ര​കോ​പി​ത​രാ​വു​ക​യും സ​ങ്ക​ടം ഉ​ള്ളി​ലൊ​തു​ക്കി പ്ര​തി​ക​രി​ക്കു​ക​യും ​ചെ​യ്യു​ന്ന കാ​ഴ്ച​യാ​യി​രു​ന്നു. പൊ​ലീ​സ് സ്ഥ​ല​ത്തെ​ത്തി​യെ​ങ്കി​ലും ഏ​റെ ബു​ദ്ധി​മു​ട്ടി​യാ​ണ് കോ​ള​ജി​ന​ക​ത്ത് ക​യ​റി​യ​ത്.

ഇ​ട​വ​ഴി റോ​ഡു​ക​ളി​ല​ട​ക്കം വാ​ഹ​ന​ങ്ങ​ളെ​യും ഉ​ദ്യോ​ഗാ​ർ​ഥി​ക​ളെ​യും​കൊ​ണ്ട് നി​റ​ഞ്ഞ​തി​നാ​ൽ ഇ​തു​വ​ഴി​യു​ള്ള കാ​ൽ​ന​ട​യും ദു​ഷ്ക​ര​മാ​യി​രു​ന്നു.

ഇ​തി​നി​ടെ ഓ​ൺ​ലൈ​ൻ മാ​ധ്യ​മ​ങ്ങ​ളി​ൽ പ്രി​ൻ​സി​പ്പ​ലി​ന്റെ ക്ഷ​മാ​പ​ണം വ​ന്നു. കോ​ള​ജി​ലെ അ​ധ്യാ​പ​ക​ർ ഉ​ൾ​പ്പെ​ടെ​യു​ള്ള​വ​ർ​ക്ക് ജോ​ബ് ഫെ​സ്റ്റി​ന്റെ പ്ര​ചാ​ര​ണ​ത്തി​ന് ന​ൽ​കി​യ സ​ന്ദേ​ശം ചോ​ർ​ന്ന​താ​ണെ​ന്നും ബു​ദ്ധി​മു​ട്ട് അ​നു​ഭ​വി​ച്ച​വ​രോ​ട് ക്ഷ​മ ചോ​ദി​ക്കു​ന്നെ​ന്നു​മാ​യി​രു​ന്നു പ്രി​ൻ​സി​പ്പ​ലി​ന്റെ പ്ര​തി​ക​ര​ണം. കൃ​ത്യ​മാ​യ വി​വ​രം ന​ൽ​കാ​തെ ഉ​ദ്യോ​ഗാ​ർ​ഥി​ക​ളെ വ​ല​ച്ച​തി​നെ​തി​രെ വ്യാ​പ​ക പ്ര​തി​ഷേ​ധ​മാ​ണ് ഉ​യ​ർ​ന്ന​ത്.