ദേ​ശീ​യ​പാ​ത; "വാ​രി​ക്കു​ഴി'​യി​ലെ അ​പ​ക​ട​വ​ഴി

വ​ട​ക​ര: പൊ​ട്ടി​പ്പൊ​ളി​ഞ്ഞ് ഗ​താ​ഗ​തം ദു​ഷ്ക​ര​മാ​യ ദേ​ശീ​യ​പാ​ത​യി​ൽ കു​ഴി നി​ക​ത്ത​ൽ വ​ഴി​പാ​ടാ​വു​ന്നു. കു​ഴി നി​ക​ത്തി മ​ണി​ക്കൂ​റു​ക​ൾ​ക്ക​കം റോ​ഡി​ൽ 'വാ​രി​ക്കു​ഴി​ക​ൾ' നി​റ​യു​ക​യാ​ണ്. ക്വാ​റി അ​വ​ശി​ഷ്ട​ങ്ങ​ൾ കൊ​ണ്ടാ​ണ് ക​രാ​ർ ക​മ്പ​നി ദേ​ശീ​യ പാ​ത​യി​ലെ കു​ഴി​ക​ൾ നി​ക​ത്തു​ന്ന​ത്. നി​ക​ത്തി​യ കു​ഴി​ക​ൾ​ക്ക് മു​ക​ളി​ലൂ​ടെ നൂ​റു ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു പോ​കു​ന്ന​തി​നാ​ൽ നി​ക​ത്തി​യ കു​ഴി​യു​ടെ ആ​യു​സ്സ് മ​ണി​ക്കൂ​റി​ലൊ​തു​ങ്ങു​ക​യാ​ണ്. കു​ഴി​ക​ൾ നി​ക​ത്തി​യ മെ​റ്റ​ലും ക്വാ​റി അ​വ​ശി​ഷ്ട​ങ്ങ​ളും റോ​ഡി​ൽ പ​ര​ക്കു​ന്ന​ത് ഇ​രു​ച​ക്ര വാ​ഹ​ന​ങ്ങ​ളു​ൾ​പ്പെ​ടെ അ​പ​ക​ട​ത്തി​ൽ​പ്പെ​ടാ​നു​മി​ട​യാ​ക്കു​ന്നു.

ദേ​ശീ​യ​പാ​ത​യി​ൽ കു​ഴി​ക​ളി​ല്ലാ​ത്ത ഭാ​ഗ​ങ്ങ​ൾ വി​ര​ള​മാ​ണ്. വ​ട​ക​ര പു​തി​യ സ്റ്റാ​ൻ​ഡ് മു​ത​ൽ കൈ​നാ​ട്ടി വ​രെ​യു​ള്ള കി​ലോ​മീ​റ്റ​റു​ക​ൾ ദൂ​ര​ത്തി​ലാ​ണ് അ​ങ്ങി​ങ്ങാ​യി കു​ഴി​ക​ൾ രൂ​പ​പ്പെ​ട്ട​ത്. പ്ര​തി​ഷേ​ധം ശ​ക്ത​മാ​വു​മ്പോ​ൾ മ​ണ്ണു മാ​ന്തി​യെ​ത്തി ക്വാ​റി മാ​ലി​ന്യം കു​ഴി​യി​ൽ ത​ള്ളു​ന്ന സ്ഥി​തി​യാ​ണു​ള്ള​ത്. ദേ​ശീ​യ പാ​ത​യി​ലെ സ​ർ​വി​സ് റോ​ഡ് പ​ല​പ്പോ​ഴും മ​ര​ണ​ക്കെ​ണി​യാ​യി മാ​റി​യി​ട്ടു​ണ്ട്. ക​ഴി​ഞ്ഞ മൂ​ന്ന് മാ​സ​ത്തി​നു​ള്ളി​ൽ പൊ​ലി​ഞ്ഞ​ത് മൂ​ന്ന് ജീ​വ​നു​ക​ളാ​ണ്.

കു​ഞ്ഞി​പ്പ​ള്ളി ടൗ​ണി​ലെ വ്യാ​പാ​രി വി​ന​യ​ൻ, ഓ​ട്ടോ ഡ്രൈ​വ​ർ മാ​ഹി​യി​ലെ സി.​കെ. റ​ഫീ​ക്ക്, ഏ​റ്റ​വും ഒ​ടു​വി​ൽ മു​ക്കാ​ളി കെ.​എ​സ്.​ഇ.​ബി ഓ​ഫി​സി​ന് സ​മീ​പ​ത്തുനി​ന്നും ചോ​മ്പാ​ൽ താ​ഴെ തോ​ട്ട​ത്തി​ൽ നാ​ണു എ​ന്നി​വ​രാ​ണ് സ​ർ​വി​സ് റോ​ഡി​ലെ കു​ഴി​യി​ൽ വീ​ണ് ദാ​രു​ണ​മാ​യി മ​രി​ച്ച​ത്. പ​ല ത​വ​ണ പ്ര​ശ്ന​ത്തി​ന്റെ ഗൗ​ര​വം ജ​ന​പ്ര​തി​നി​ധി​ക​ൾ ദേ​ശീ​യ​പാ​ത അ​തോ​റി​റ്റി​യെ അ​റി​യി​ച്ചെ​ങ്കി​ലും ഫ​ലം നി​രാ​ശ മാ​ത്ര​മാ​ണ്. ക​രാ​ർ ക​മ്പ​നി ന​ട​ത്തു​ന്ന അ​റ്റ​കു​റ്റ പ​ണി പ്ര​ഹ​സ​നം മാ​ത്ര​മാ​യി മാ​റു​ന്ന കാ​ഴ്ച​യാ​ണു​ള്ള​ത്.