മണ്ണാത്തിക്കടവ് തോട്ടിൽ കക്കൂസ് മാലിന്യം തള്ളി; കുളിക്കാനും അലക്കാനുമാവാതെ പ്രദേശവാസികൾ ദുരിതത്തിൽ

ന​ന്മ​ണ്ട: ന​ന്മ​ണ്ട പ​ഞ്ചാ​യ​ത്ത് ഏ​ഴാം വാ​ർ​ഡി​ലെ മ​ണ്ണാ​ത്തി​ക്ക​ട​വ് തോ​ട്ടി​ൽ ക​ക്കൂ​സ് മാ​ലി​ന്യം ത​ള്ളി​യ നി​ല​യി​ൽ. തി​ങ്ക​ളാ​ഴ്ച പു​ല​ർ​ച്ച​യാ​ണ് സം​ഭ​വം. ദു​ർ​ഗ​ന്ധം കാ​ര​ണം പ്ര​ദേ​ശ​ത്തു​കൂ​ടി ന​ട​ക്കാ​ൻ പ​റ്റാ​ത്ത അ​വ​സ്ഥ​യി​ലാ​യ​തോ​ടെ നാ​ട്ടു​കാ​ർ കൂ​ട്ട​മാ​യി ന​ട​ത്തി​യ തി​ര​ച്ചി​ലി​ലാ​ണ് ക​ക്കൂ​സ് മാ​ലി​ന്യം ത​ള്ളി​യ​താ​യി ക​ണ്ട​ത്. ആ​രോ​ഗ്യ പ്ര​വ​ർ​ത്ത​ക​രെ​ത്തി അ​ണു​ന​ശീ​ക​ര​ണം ന​ട​ത്തി.

പ്ര​ദേ​ശ​വാ​സി​ക​ൾ ആ​ശ​ങ്ക​യി​ലാ​ണ്. ടാ​ങ്ക​ർ ലോ​റി റോ​ഡി​ൽ നി​ർ​ത്തി മാ​ലി​ന്യം തോ​ട്ടി​ലേ​ക്ക് ഒ​ഴു​ക്കി​വി​ടു​ക​യാ​യി​രു​ന്നു​വെ​ന്ന് സം​ശ​യി​ക്കു​ന്നു. നേ​ര​ത്തെ പ്ര​ദേ​ശ​ത്തെ വാ​ര്യ​ത്ത്താ​ഴെ തോ​ട്ടി​ലും വ​യ​ലി​ലും നി​ര​വ​ധി ത​വ​ണ ക​ക്കൂ​സ് മാ​ലി​ന്യം ത​ള്ളി​യി​രു​ന്നു.

നാ​ട്ടു​കാ​ർ വ​ല കെ​ട്ടി സം​ര​ക്ഷ​ണം ഒ​രു​ക്കു​ക​യാ​യി​രു​ന്നു. ആ​രോ​ഗ്യ വ​കു​പ്പ് അ​ധി​കൃ​ത​രും നാ​ട്ടു​കാ​രും ചേ​ർ​ന്ന് അ​ന്ന് പ്ര​ദേ​ശ​ത്തെ സി.​സി.​ടി.​വി പ​രി​ശോ​ധി​ച്ച് ടാ​ങ്ക​ർ വ​ന്ന ചി​ത്ര​വും സ​മ​യ​വും സ​ഹി​തം പൊ​ലീ​സി​ൽ പ​രാ​തി ന​ൽ​കി​യി​ട്ടും ന​ട​പ​ടി ഉ​ണ്ടാ​യി​ല്ലെ​ന്നാ​ണ് ആ​ക്ഷേ​പം.

വാ​ഹ​ന ന​മ്പ​ർ തെ​ളി​യു​ന്നി​ല്ലെ​ന്നാ​യി​രു​ന്നു അ​ന്ന​ത്തെ സം​ഭ​വ​ത്തി​ൽ പൊ​ലീ​സി​ന്റെ വി​ശ​ദീ​ക​ര​ണം. നൈ​റ്റ് പ​ട്രോ​ളി​ങ് കാ​ര്യ​ക്ഷ​മ​മ​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. സം​ഭ​വ​ത്തി​ൽ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

വാ​ർ​ഡ് മെം​ബ​ർ സീ​മ ത​ട്ട​ഞ്ചേ​രി ബാ​ലു​ശ്ശേ​രി പൊ​ലീ​സി​ൽ പ​രാ​തി ന​ൽ​കി. ന​ന്മ​ണ്ട ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് കൃ​ഷ്ണ​വേ​ണി മാ​ണി​ക്കോ​ത്ത്, ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​രാ​യ ഹെ​ൽ​ത്ത് ഇ​ൻ​സ്പെ​ക്ട​ർ പി.​ജി. ഗ​ണേ​ശ്, ജൂ​നി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ ടി.​കെ. ന​ന്ദി​നി എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.