തൃതീയ അർബുദ പരിചരണ കേന്ദ്രം ഫാർമസിയിൽ കീമോക്കുള്ള ഇഞ്ചക്ഷൻ മാത്രം

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജ് തൃ​തീ​യ അ​ർ​ബു​ദ പ​രി​ച​ര​ണ കേ​ന്ദ്ര​ത്തി​ലെ ഫാ​ർ​മ​സി​യി​ൽ അ​ത്യാ​വ​ശ്യ മ​രു​ന്നു​ക​ൾ ല​ഭ്യ​മാ​ക്കാ​ത്ത​ത് രോ​ഗി​ക​ളെ ദു​രി​ത​ത്തി​ലാ​ക്കു​ന്നു. കീ​മോ ക​ഴി​ഞ്ഞു​മ​ട​ങ്ങു​ന്ന രോ​ഗി​ക​ൾ മ​രു​ന്ന് വാ​ങ്ങാ​ൻ ര​ണ്ടു കി.​മീ​റ്റ​ർ ന​ട​ന്ന് ഒ.​പി ഫാ​ർ​മ​സി​യി​ൽ എ​ത്ത​ണം. കീ​മോ​ക്കു​ള്ള ഇ​ഞ്ച​ക്ഷ​ൻ മാ​ത്ര​മാ​ണ് തൃ​തീ​യ അ​ർ​ബു​ദ കേ​ന്ദ്ര​ത്തി​ൽ, സൗ​ജ​ന്യ​മാ​യി മ​രു​ന്ന് ന​ൽ​കു​ന്ന ഫാ​ർ​മ​സി​യി​ൽ​നി​ന്ന് കൊ​ടു​ക്കു​ന്ന​ത്.

ഇ​തി​ന്‍റെ കൂ​ടെ രോ​ഗി​ക്ക് ല​ഭി​ക്കേ​ണ്ട മ​റ്റ് മ​രു​ന്നു​ക​ൾ വാ​ങ്ങാ​ൻ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ഒ.​പി ഫാ​ർ​മ​സി​യി​ൽ എ​ത്ത​ണം. തൃ​തീ​യ കേ​ന്ദ്ര​ത്തി​ൽ ഫാ​ർ​മ​സി യൂ​നി​റ്റും മ​രു​ന്ന് എ​ടു​ത്ത് ന​ൽ​കാ​ൻ ര​ണ്ടു ഫാ​ർ​മ​സി​സ്റ്റു​ക​ളും ഉ​ണ്ടെ​ന്നി​രി​ക്കെ​യാ​ണ് ഗു​രു​ത​രാ​വ​സ്ഥ​യി​ലു​ള്ള രോ​ഗി​ക​ളെ മ​രു​ന്നി​നാ​യി വ​ട്ടം​ക​റ​ക്കു​ന്ന​ത്. നേ​ര​ത്തെ ഒ​രു ഫാ​ർ​മ​സി​സ്റ്റ് മാ​ത്രം ഉ​ണ്ടാ​യി​രു​ന്ന കേ​ന്ദ്ര​ത്തി​ൽ ആ​റു​മാ​സം മു​മ്പാ​ണ് ക​രാ​ർ അ​ടി​സ്ഥാ​ന​ത്തി​ൽ ഒ​രു​ഫാ​ർ​മ​സി​സ്റ്റി​നെ​ക്കൂ​ടി നി​യ​മി​ച്ച​ത്.

മാ​ത്ര​മ​ല്ല മെ​ഡി​ക്ക​ൽ കോ​ള​ജ് ആ​ശു​പ​ത്രി സ്റ്റോ​റി​ൽ​നി​ന്ന് തൃ​തീ​യ കേ​ന്ദ്ര​ത്തി​ലേ​ക്ക് മ​രു​ന്നു​ക​ൾ എ​ത്തി​ക്കു​ന്ന​തി​ന് സ്വ​കാ​ര്യ ബാ​ങ്ക് സ്പോ​ൺ​സ​ർ​ചെ​യ്ത പ്ര​ത്യേ​ക വാ​ഹ​ന​വു​മു​ണ്ട്. എ​ന്നി​ട്ടും രോ​ഗി​ക​ൾ​ക്ക് അ​ത്യാ​വ​ശ്യം വേ​ണ്ട മ​രു​ന്നു​ക​ൾ തൃ​തീ​യ അ​ർ​ബു​ദ കേ​ന്ദ്ര​ത്തി​ലെ ഫാ​ർ​മ​സി​യി​ൽ എ​ത്തി​ക്കാ​ൻ ആ​ശു​പ​ത്രി അ​ധി​കൃ​ത​ർ ന​ട​പ​ടി സ്വീ​ക​രി​ക്കാ​ത്ത​ത് ആ​ക്ഷേ​പ​ത്തി​ന് ഇ​ട​യാ​ക്കു​ക​യാ​ണ്. നി​ര​വ​ധി ത​വ​ണ രോ​ഗി​ക​ൾ ഇ​തു​സം​ബ​ന്ധി​ച്ച് ആ​ശു​പ​ത്രി അ​ധി​കൃ​ത​രോ​ട് പ​രാ​തി​പ്പെ​ട്ടി​ട്ടും ന​ട​പ​ടി സ്വീ​ക​രി​ച്ചി​ട്ടി​ല്ല.

നി​ല​വി​ൽ തൃ​തീ​യ അ​ർ​ബു​ദ പ​രി​ച​ര​ണ കേ​ന്ദ്ര​ത്തി​ൽ അ​ഡ്മി​റ്റ് രോ​ഗി​ക​ൾ ഇ​ല്ലെ​ന്നും കീ​മോ ചെ​യ്തു മ​ട​ങ്ങു​ന്ന രോ​ഗി​ക​ൾ മാ​ത്ര​മേ എ​ത്താ​റു​ള്ളൂ​വെ​ന്നും അ​തി​നാ​ലാ​ണ് കീ​മോ മ​രു​ന്നു​ക​ൾ മാ​ത്രം ഇ​വി​ടെ​യു​ള്ള ഫാ​ർ​മ​സി​യി​ൽ ല​ഭ്യ​മാ​ക്കു​ന്ന​തെ​ന്നു​മാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. അ​ഡ്മി​റ്റ് രോ​ഗി​ക​ൾ ഇ​ല്ലാ​ത്ത​തി​നാ​ൽ മ​റ്റ് മ​രു​ന്നു​ക​ൾ ഇ​വി​ടെ എ​ത്തി​ക്കാ​റി​ല്ല.

അ​ഡ്മി​റ്റ് രോ​ഗി​ക​ൾ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലാ​യ​തി​നാ​ൽ മ​രു​ന്നു​ക​ളും അ​വി​ടെ​യാ​ണ് ല​ഭ്യ​മാ​ക്കു​ന്ന​ത്. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ മ​റ്റ് അ​ർ​ബു​ദ വാ​ർ​ഡു​ക​ളെ​ല്ലാം തൃ​തീ​യ അ​ർ​ബു​ദ കേ​ന്ദ്ര​ത്തി​ലേ​ക്കു​മാ​റ്റാ​നു​ള്ള നീ​ക്കം ന​ട​ന്നു കൊ​ണ്ടി​രി​ക്കു​ക​യാ​ണെ​ന്നും വാ​ർ​ഡു​ക​ൾ മാ​റ്റു​ന്ന​തോ​ടെ പ്ര​ശ്ന​ത്തി​ന് പ​രി​ഹാ​ര​മാ​വു​മെ​ന്നു​മാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം.