ഉപകരണങ്ങളുടെ വിതരണം നിർത്തി; കോ​ഴി​ക്കോ​ട് മെഡിക്കൽ കോളജിൽ ഹൃദ്രോഗ ചികിത്സ പ്രതിസന്ധിയിലേക്ക്

കോ​ഴി​ക്കോ​ട്: ഉ​പ​ക​ര​ണ​ങ്ങ​ളു​ടെ വി​ത​ര​ണം നി​ര്‍ത്തി​യ​തോ​ടെ മെ​ഡി​ക്ക​ല്‍ കോ​ള​ജ് കാ​ത്ത് ലാ​ബ് പ്ര​വ​ര്‍ത്ത​നം പ്ര​തി​സ​ന്ധി​യി​ലേ​ക്ക്. 145 കോ​ടി രൂ​പ കു​ടി​ശ്ശി​ക​യു​ണ്ടെ​ന്നും ഇ​ത് ന​ല്‍ക​ണ​മെ​ന്നു​മാ​വ​ശ്യ​പ്പെ​ട്ട് വി​ത​ര​ണ​ക്കാ​ര്‍ സ​മ​രം തു​ട​ങ്ങി​യ​താ​ണ് പ്ര​ശ്നം. 2022 ഡി​സം​ബ​ര്‍ മു​ത​ല്‍ 2023 ഡി​സം​ബ​ര്‍വ​രെ 23 കോ​ടി രൂ​പ വി​ത​ര​ണ​ക്കാ​ര്‍ക്ക് ന​ല്‍കാ​നു​ണ്ടെ​ന്നാ​ണ് പ​റ​യു​ന്ന​ത്.

കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ മാ​ത്രം ക​ണ​ക്കാ​ണി​ത്. മ​റ്റ് സ്ഥാ​പ​ന​ങ്ങ​ളി​ലും ഇ​തേ​വി​ധം കു​ടി​ശ്ശി​ക​യു​ണ്ട്. പ​ണം ന​ല്‍കി​യി​ല്ലെ​ങ്കി​ല്‍ വി​ത​ര​ണം നി​ര്‍ത്തി​വെ​ക്കു​മെ​ന്ന് കാ​ണി​ച്ച് വി​ത​ര​ണ​ക്കാ​ര്‍ ആ​രോ​ഗ്യ​വ​കു​പ്പി​ന് മു​മ്പ് ക​ത്ത് ന​ല്‍കി​യി​രു​ന്നെ​ങ്കി​ലും ന​ട​പ​ടി​യാ​യി​രു​ന്നി​ല്ല.

ഈ ​പാ​ശ്ചാ​ത്ത​ല​ത്തി​ലാ​ണ് ഏ​പ്രി​ല്‍ ഒ​ന്ന് മു​ത​ല്‍ വി​ത​ര​ണം നി​ര്‍ത്തി​യ​ത്. ഹൃ​ദ​യ ചി​കി​ത്സ​യു​ടെ ഭാ​ഗ​മാ​യ പേ​സ്‌​മേ​ക്ക​ര്‍, സ്‌​റ്റെ​ന്റ്, ബ​ലൂ​ണ്‍, വാ​ല്‍വ് തു​ട​ങ്ങി വി​വി​ധ ഉ​പ​ക​ര​ണ​ങ്ങ​ളു​ടെ വി​ത​ര​ണം നി​ര്‍ത്തി​യി​ട്ടു​ണ്ട്. ആ​രോ​ഗ്യ​മ​ന്ത്രി​യു​ടെ പി.​എ​സു​മാ​യി ക​ഴി​ഞ്ഞ ദി​വ​സം ച​ര്‍ച്ച ന​ട​ത്തി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. തു​ക എ​ന്ന് വി​ത​ര​ണം ചെ​യ്യു​മെ​ന്ന് അ​ധി​കൃ​ത​ര്‍ ഉ​റ​പ്പ് ന​ല്‍കി​യി​ല്ലെ​ന്ന് വി​ത​ര​ണ​ക്കാ​ര്‍ പ​റ​യു​ന്നു. സ​മ​ര​വു​മാ​യി മു​ന്നോ​ട്ട് പോ​കാ​നാ​ണ് വി​ത​ര​ണ​ക്കാ​രു​ടെ തീ​രു​മാ​നം. എ​ന്നാ​ൽ, ഇ​പ്പോ​ൾ പ്ര​തി​സ​ന്ധി​യി​ല്ലെ​ന്ന് ആ​ശു​പ​ത്രി അ​ധി​കൃ​ത​ര്‍ പ​റ​യു​ന്നു. അ​ടു​ത്ത​യാ​ഴ്ച​ക്ക​കം കു​റ​ച്ച് പ​ണം എ​ത്താ​ന്‍ സാ​ധ്യ​ത​യു​ണ്ടെ​ന്നു​മാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്.