‘സമാന്തരരേഖകൾ’ കവിതാ സമാഹാരം പ്രകാശനം ചെയ്തു

കോഴിക്കോട്: ഹഫ്സി അസീസ് രചിച്ച കവിതകളുടെ സമാഹാരം ‘സമാന്തരരേഖകൾ’ കവി പി.പി. ശ്രീധരനുണ്ണി കോഴിക്കോട് കോർപ്പറേഷൻ കൗൺസിലർ കെ.സി. ശോഭിതയ്ക്ക് നൽകി പ്രകാശനം ചെയ്തു. പി.ഐ. അജയൻ അധ്യക്ഷത വഹിച്ചു.

ഹഫ്സി അസീസിന്റെ കവിതകൾ സമകാലിക ജീവിതാനുഭവങ്ങളെയും സ്ത്രീമനസ്സിന്റെ സൂക്ഷ്മ വികാരങ്ങളെയും സുതാര്യമായി അവതരിപ്പിക്കുന്നവയാണെന്ന് പി.പി. ശ്രീധരനുണ്ണി പറഞ്ഞു.

സത്യൻ മാടാക്കര, റഷീദ് കാഞ്ഞിരാട്ട്, ഹഫ്സി അസീസ്, സതീഷ് കെ. സതീഷ്, കെ.എം. പ്രകാശിനി എന്നിവർ ചടങ്ങിൽ സംസാരിച്ചു.