ആവിക്കൽ തോടിൽ കടലാക്രമണം തടയാൻ പദ്ധതി തുടങ്ങി

കോ​ഴി​ക്കോ​ട്: ആ​വി​ക്ക​ൽ തോ​ടി​ന്റെ അ​ഴി​മു​ഖ​ത്ത് ക​ട​ലി​ൽ മ​ണ്ണ് അ​ടി​ഞ്ഞു​കൂ​ടി വെ​ള്ള​പ്പൊ​ക്ക​മു​ണ്ടാ​വു​ന്ന​തി​ന് പ​രി​ഹാ​ര​മാ​യു​ള്ള എ​റ​ണാ​ക​ളും ചെ​ല്ലാ​നം മോ​ഡ​ൽ ടെ​ട്രാ​പോ​ഡ് നി​ർ​മാ​ണം ആ​രം​ഭി​ച്ചു. മ​ഴ​ക്കാ​ല​ത്ത​ട​ക്കം അ​ടി​ക്ക​ടി മ​ണ്ണു നീ​ക്കി ഒ​ഴു​ക്ക് സു​ഗ​മ​മാ​ക്കേ​ണ്ട അ​വ​സ്ഥ​യും തോ​ട്ടി​ന്റെ അ​ഴി​മു​ഖ​ത്ത് ക​ട​ലാ​ക്ര​മ​ണം രൂ​ക്ഷ​മാ​വു​ന്ന​തും ത​ട​യാ​നാ​ണ് ഹാ​ർ​ബ​ർ എ​ൻ​ജി​നീ​യ​റി​ങ്ങ് വ​കു​പ്പി​ന്റെ നേ​തൃ​ത്വ​ത്തി​ൽ 3.7 കോ​ടി​യു​ടെ പ​ദ്ധ​തി.

30 മീ​റ്റ​ർ നീ​ള​ത്തി​ലാ​ണ് സം​വി​ധാ​ന​മൊ​രു​ക്കു​ന്ന​ത്. ഇ​തി​നാ​യി ക​ട​ലോ​ര​ത്ത് പൈ​ലി​ങ് ആ​രം​ഭി​ച്ചു. ആ​റു​മാ​സ​ത്തി​ന​കം പ​ണി തീ​ർ​ക്കു​ക​യാ​ണ് ല​ക്ഷ്യം. തോ​ടി​ന്റെ ഇ​രു ഭാ​ഗ​ത്തും ക​ട​ലി​ലേ​ക്ക് പു​ലി​മു​ട്ട് മാ​തൃ​ക​യി​ൽ ക​ല്ലി​​ട്ടെ​ങ്കി​ലും അ​വ മ​ണ്ണി​ല​മ​ർ​ന്ന് വീ​ണ്ടും മ​ണ​ൽ അ​ടി​യു​ന്ന​ത് തു​ട​ർ​ന്ന​തി​നാ​ലാ​ണ് ചെ​ല്ലാ​നം മോ​ഡ​ൽ പ​ദ്ധ​തി ആ​വി​ഷ്‍ക​രി​ച്ച​ത്. നാ​ലു​വ​ശ​ത്തേ​ക്കും കാ​ലു​ക​ളു​ള്ള ന​ക്ഷ​ത്ര ആ​കൃ​തി​യി​ലു​ള്ള കോ​ൺ​ക്രീ​റ്റി​ൽ തീ​ർ​ത്ത കൃ​ത്രി​മ​ക്ക​ല്ലു​ക​ൾ, ക​രി​ങ്ക​ല്ലു​ക​ൾ​ക്ക് പ​ക​രം നി​ര​ത്തു​ന്ന​താ​ണ് രീ​തി. ആ​വി​ക്ക​ൽ​ത്തോ​ടി​ലെ ച​ളി​നീ​ക്കി​യ​തി​ന്റെ തു​ട​ർ​ച്ച​യാ​യാ​ണ് ഇ​പ്പോ​ൾ ഭി​ത്തി നി​ർ​മാ​ണം.

മ​ണ്ണ​ടി​ച്ചി​ൽ ത​ട​ഞ്ഞ് ഒ​ഴു​ക്ക് സു​ഗ​മ​മാ​ക്കാ​നും അ​തു​വ​ഴി പ്ര​ദേ​ശ​ത്ത് വെ​ള്ളം ക​യ​റു​ന്ന​ത് ഒ​ഴി​വാ​ക്കാ​നും പ​രീ​ക്ഷ​ണ പ​ദ്ധ​തി​യി​ലൂ​ടെ സാ​ധി​ക്കു​മെ​ന്നാ​ണ് വി​ല​യി​രു​ത്ത​ൽ. 12 മീ​റ്റ​ർ ആ​ഴ​ത്തി​ലാ​ണ് പൈ​ലി​ങ് ന​ട​ത്തു​ന്ന​ത്. ആ​വി​ക്ക​ൽതോടി​ൽ ആ​കെ അ​ഞ്ചു​കോ​ടി​യു​ടെ ന​വീ​ക​ര​ണ​പ്ര​വ​ർ​ത്ത​ന​ങ്ങ​ളി​ൽ ആ​ഴം​കൂ​ട്ടി ന​വീ​ക​രി​ക്കു​ന്ന​തി​നും മ​റ്റു​മാ​യി 1.3 കോ​ടി രൂ​പ​യു​ടെ പ​ദ്ധ​തി​യു​ടെ ഭാ​ഗ​മാ​യാ​ണ് ചെ​ല്ലാ​നം മോ​ഡ​ൽ ക​ട​ൽ ഭി​ത്തി.

തോ​ടി​ന്റെ പാ​ർ​ശ്വ​ഭി​ത്തി​യും കെ​ട്ടു​ന്നു​ണ്ട്. ആ​വി​ക്ക​ൽ തോ​ട് ന​വീ​ക​ര​ണ​ത്തി​ന്റെ ഭാ​ഗ​മാ​യു​ള്ള മാ​ലി​ന്യം നീ​ക്ക​ൽ പൂ​ർ​ത്തി​യാ​യ​ശേ​ഷം തോ​ടി​ന്റെ അ​രി​കു​കെ​ട്ട​ലും ന​ട​ത്തി​യി​രു​ന്നു. വെ​ള്ള​ത്തി​ൽ ബാ​ർ​ജ് ഉ​പ​യോ​ഗി​ച്ചു​ള്ള വൃ​ത്തി​യാ​ക്ക​ലും മ​റ്റും നേ​ര​ത്തേ പൂ​ർ​ത്തി​യാ​ക്കി​യി​രു​ന്നു. തി​ര​യ​ടി​ച്ചു​ക​യ​റി തോ​ടി​ന്റെ ക​ട​ലി​ലേ​ക്കു​ള്ള ഭാ​ഗം മ​ണ്ണു​വീ​ണ് അ​ട​യു​ന്ന​ത് സ്ഥി​ര​മാ​ണ്. ക​റു​ത്ത ച​ളി നി​റ​ഞ്ഞ മാ​ലി​ന്യ​മാ​ണ് ഈ ​ഭാ​ഗ​ത്തു​ള്ള​ത്.