എം.ജി.എസ്; കോഴിക്കോട്ട് ആദ്യം ഇൻറർനെറ്റ് കണക്ഷൻ നേടിയ ചരിത്രകാരൻ

കോ​ഴി​ക്കോ​ട്: ന​ഗ​ര​ത്തി​ലെ ആ​ദ്യ ഇ​ന്റ​ർ നെ​റ്റ് വ​രി​ക്കാ​ര​നാ​ണ് എം.​ജി.​എ​സ്. വ​ർ​ഷ​ങ്ങ​ൾ​ക്ക് മു​മ്പ് മ​ലാ​പ്പ​റ​മ്പി​ലെ മൈ​ത്രി​യി​ൽ ഇ​ന്റ​ർ നെ​റ്റ് എ​ത്തി​യ​ത് വാ​ർ​ത്ത​യാ​യി​രു​ന്നു. അ​റി​വ് നേ​ടാ​നു​ള്ള അ​ദ്ദേ​ഹ​ത്തി​ന്റെ അ​ത്യു​ത്സാ​ഹ​ത്തി​ന്റെ തെ​ളി​വാ​യി​രു​ന്നു ഇ​ത്. അ​ന്ന് 65 കാ​ര​നാ​യി​രു​ന്ന എം.​ജി.​എ​സ് ഇ​ന്റ​ർ നെ​റ്റി​ന്റെ മാ​സ്മ​രി​ക​ത​ക​ൾ വി​വ​രി​ച്ച​ത് യു​വാ​വി​ന്റെ കൗ​തു​ക​ത്തോ​ടെ​യാ​യി​രു​ന്നു. അ​ന്ന​ത്തെ ചാ​ത്ത​മ​ഗ​ലം റീ​ജ​ന​ൽ എ​ൻ​ജി​നീ​യ​റി​ങ് കോ​ള​ജി​ലാ​യി​രു​ന്നു മ​റ്റൊ​രു ക​ണ​ക്ഷ​ൻ ഉ​ണ്ടാ​യി​രു​ന്ന​ത്.

വ​യ​നാ​ട്ടി​ലെ ചി​ല എ​സ്റ്റേ​റ്റ് ഉ​ട​മ​ക​ൾ​ക്കും അ​ക്കാ​ല​ത്ത് നെ​റ്റ് ക​ണ​ക്ഷ​ൻ ഉ​ണ്ടാ​യി​രു​ന്നു. ജ​പ്പാ​നി​ൽ ടോ​ക്കി​യോ യൂ​നി​വേ​ഴ്സി​റ്റി​യി​ൽ ജോ​ലി നോ​ക്കി​യി​രു​ന്ന എം.​ജി.​എ​സി​ന് അ​വി​ടെ നി​ന്നാ​ണ് ഇ​ന്റ​ർ​നെ​റ്റി​നെ​പ്പ​റ്റി​യു​ള്ള അ​റി​വു​ക​ൾ കി​ട്ടി​യ​ത്. ജ​പ്പാ​നി​ൽ നി​ന്ന് വ​ലി​യൊ​രു കം​മ്പ്യൂ​ട്ട​റും വാ​ങ്ങി​യാ​ണ് എം.​ജി.​എ​സ് കോ​ഴി​ക്കോ​ട്ടെ​ത്തി​യ​ത്. ജ​പ്പാ​നി​ൽ കൂ​ടെ​യു​ണ്ടാ​യി​രു​ന്ന മൈ​സൂ​ർ​കാ​ര​ൻ പ്ര​ഫ​സ​റാ​യി​രു​ന്നു ക​മ്പ്യൂ​ട്ട​ർ ​പ​ഠി​പ്പി​ച്ച​ത്. ഇ​ന്ന​ത്തെ ഇ​മെ​യി​ലി​ന്റെ ആ​ദ്യ​രൂ​പ​മാ​യ ഇ​ല​ക്ട്രോ​ണി​ക് മെ​യി​ലി​ലൂ​ടെ ലോ​ക​മെ​ങ്ങു​മു​ള്ള ച​രി​ത്ര​കാ​ര​ന്മാ​രു​മാ​യി അ​ദ്ദേ​ഹം ബ​ന്ധ​പ്പെ​ട്ടു.

ക​ത്ത​യ​ച്ചാ​ൽ ഉ​ട​ൻ മ​റു​പ​ടി​യും കി​ട്ടു​ന്ന ‘വി​ദ്യ’​കാ​ണാ​ൻ മൈ​ത്രി​യി​ൽ പ​ല​രും എ​ത്തി​യി​രു​ന്നു. അ​ക്കാ​ലത്ത് അ​ത്യ​പൂ​ർ​വ​മാ​യ ഫാ​ക്സ് സ​ന്ദേ​ശ​ങ്ങ​ളും അ​ന്ന് ച​രി​ത്ര​കാ​ര​ന്റെ വീ​ട്ടി​ലെ​ത്തു​ന്ന​വ​ർ​ക്ക് കൗ​തു​ക​മാ​യി​രു​ന്നു. ദ​ൽ​ഹി​യി​ൽ പ്ര​ബ​ന്ധ​മ​വ​ത​രി​പ്പി​ക്കാ​നു​ള്ള കാ​ര്യ​ങ്ങ​ൾ എം.​ജി.​എ​സ് ഇ​ന്റ​ർ​നെ​റ്റ് വ​ഴി ക​ണ്ടെ​ത്തി​യ​തും വാ​ർ​ത്ത​യാ​യി. കോ​ഴി​ക്കോ​ട്ട് റൗ​ട്ട​ർ സം​വി​ധാ​ന​മി​ല്ലാ​ത്ത​തി​നാ​ൽ കൊ​ച്ചി, ചെ​ന്നൈ വ​ഴി ലാ​ൻ​ഡ് ഫോ​ൺ എ​സ്.​ടി.​ഡി​ലൈ​നി​ൽ ക​ണ​ക്ട് ചെ​യ്താ​യി​രു​ന്നു കോ​ഴി​ക്കോ​ട്ട് ഇ​ന്റ​ർ നെ​റ്റ് ക​ണ​ക്ഷ​ൻ എ​ടു​ത്ത​ത്. കേ​ന്ദ്ര സ​ർ​ക്കാ​റി​ന്റെ വി​ദേ​ശ് സ​ഞ്ചാ​ർ നി​ഗം ലി​മി​റ്റ​ഡി​ന്റെ ക​ണ​ക്ഷ​ൻ മാ​ത്ര​മേ ല​ഭ്യ​മാ​യി​രു​ന്നു​ള്ളൂ. അ​ന്ന് കൊ​ല്ലം 1500 രൂ​പ വാ​ട​ക​ക്ക് എ​ടു​ത്തി​രു​ന്ന നെ​റ്റ് ക​ണ​ക്ഷ​ൻ​വ​ഴി 15,000 രൂ​പ​യും ടെ​ല​ഫോ​ൺ​ചാ​ർ​ജും കൂ​ടു​ത​ൽ കൊ​ടു​ത്ത് ചി​ത്ര​ങ്ങ​ൾ കൂ​ടി ല​ഭ്യ​മാ​ക്കാ​ൻ ക​ഴി​യാ​ത്ത​തി​ലു​ള്ള ദു​ഖം എം.​ജി.​എ​സ് പ​ങ്കു​വെ​ച്ചി​രു​ന്നു.