ആഴം കുറഞ്ഞു, വെളിച്ചമില്ല; പുതിയാപ്പ ഹാർബറിൽ ബുദ്ധിമുട്ട്

കോ​ഴി​ക്കോ​ട്​: 27 വ​യ​സ്സ്​ പൂ​ർ​ത്തി​യാ​വു​ന്ന പു​തി​യാ​പ്പ മ​ത്സ്യ​ബ​ന്ധ​ന തു​റ​മു​ഖ​ത്ത്​ ഒ​രു​ക്കി​യ പു​തി​യ സൗ​ക​ര്യ​ങ്ങ​ൾ മ​ങ്ങി​യ​താ​യി പ​രാ​തി. തെ​ക്കേ പു​ലി​മു​ട്ടി​ല്‍നി​ന്ന് 100 മീ​റ്റ​ര്‍ നീ​ള​ത്തി​ലും 8.45 മീ​റ്റ​ര്‍ വീ​തി​യി​ലു​മു​ള്ള ര​ണ്ട് ഫിം​ഗ​ര്‍ ജെ​ട്ടി​ക​ൾ, 27 ലോ​ക്ക​ര്‍ മു​റി​ക​ൾ, 1520 മീ​റ്റ​ര്‍ നീ​ള​മു​ള്ള ചു​റ്റു​മ​തി​ലു​ക​ൾ എ​ന്നി​വ ക​ഴി​ഞ്ഞ വർഷം മു​ഖ്യ​മ​​ന്ത്രി പി​ണ​റാ​യി വി​ജ​യ​ൻ നാ​ടി​ന് സ​മ​ർ​പ്പി​ച്ചി​രു​ന്നു.

ഹാ​ര്‍ബ​റി​ലേ​ക്കു​ള്ള 300 മീ​റ്റ​ര്‍ കോ​ണ്‍ക്രീ​റ്റ് റോ​ഡ്, ശു​ദ്ധ​ജ​ല വി​ത​ര​ണ സം​വി​ധാ​ന​ങ്ങ​ൾ എ​ന്നി​വ​യും ഒ​രു​ക്കി​യി​രു​ന്നു. എ​ന്നാ​ൽ, ഫിം​ഗ​ർ ജെ​ട്ടി​ക​ളി​ൽ വി​ള​ക്കു​ക​ൾ സ്ഥാ​പി​ക്കാ​ത്ത​തും മ​ണ്ണ​ടി​ഞ്ഞ​തി​നാ​ൽ ബോ​ട്ടു​ക​ൾ അ​ടി​ത​ട്ടു​ന്ന​തും നി​രീ​ക്ഷ​ണ കാ​മ​റ​ക​ൾ പ​ല​തും നി​ല​ച്ച​തും ട്രോ​ളി​ങ് നി​രോ​ധ​നം ക​ഴി​ഞ്ഞ് വീ​ണ്ടും ഹാ​ർ​ബ​ർ സ​ജീ​വ​മാ​യ​പ്പോ​ൾ തൊ​ഴി​ലാ​ളി​ക​ൾ​ക്ക് പ്ര​ശ്ന​മാ​യെ​ന്നാ​ണ് പ​രാ​തി. ബു​ധ​നാ​ഴ്ച ഹാ​ർ​ബ​റി​ൽ ബോ​ട്ടി​ന് തീ​പി​ടി​ച്ച​പ്പോ​ൾ വെ​ളി​ച്ച​ക്കു​റ​വ് ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്ക് ത​ട​സ്സ​മാ​യെ​ന്ന് അ​ഖി​ലേ​ന്ത്യാ മ​ത്സ്യ​ത്തൊ​ഴി​ലാ​ളി കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി സി.​പി. ഷ​ൺ​മു​ഖ​ൻ പ​റ​ഞ്ഞു.

ഫിം​ഗ​ർ ജെ​ട്ടി​യി​ലെ ബോ​ട്ടി​ലും വ​ള്ള​ത്തി​ലും സാ​ധ​നം ക​യ​റ്റാ​നും ഇ​റ​ക്കാ​നും വെ​ളി​ച്ച​മി​ല്ലാ​ത്ത​തി​നാ​ൽ വ​ലി​യ പാ​ടാ​ണ്. മൊ​ബൈ​ൽ വെ​ളി​ച്ച​വും ബോ​ട്ടി​ലെ ലൈ​റ്റു​മൊ​ക്കെ​യാ​ണ് ആ​ശ്ര​യം. വെ​ളി​ച്ച​മി​ല്ലാ​ത്ത​തി​നാ​ൽ അ​തി​രാ​വി​ലെ​യെ​ത്തു​ന്ന​വ​ർ​ക്ക് തെ​രു​വു​നാ​യു​​ടെ​യും സാ​മൂ​ഹി​ക​വി​രു​ദ്ധ​രു​ടെ​യും ശ​ല്യം നേ​രി​ടേ​ണ്ടി​വ​രു​ന്നു. ബോ​ട്ടു​ക​ളു​ടെ​യും മ​റ്റും അ​റ്റ​കു​റ്റ​പ്പ​ണി​ക്കു​ള്ള സൗ​ക​ര്യ​വും കു​റ​വാ​ണ്. ആ​ഴം കൂ​ട്ടാ​നാ​യി ഹാ​ർ​ബ​റി​ൽ മ​ണ്ണ് നീ​ക്ക​ണ​മെ​ന്നാ​ണ് ആ​വ​ശ്യം. ഈ​യി​ടെ ന​ട​ന്ന മ​ന്ത്രി​യു​ടെ തീ​ര​ദേ​ശ​സ​ദ​സ്സി​ൽ ഇ​ക്കാ​ര്യം ഉ​ന്ന​യി​ച്ചെ​ങ്കി​ലും ന​ട​പ​ടി​യാ​യി​ല്ല. രാ​ഷ്ട്രീ​യ കൃ​ഷി വി​കാ​സ് യോ​ജ​ന (ആ​ര്‍.​കെ.​വി.​വൈ) പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 11 കോ​ടി ചെ​ല​വി​ലാ​ണ് പു​തി​യാ​പ്പ​യി​ൽ ക​ഴി​ഞ്ഞ കൊ​ല്ലം പു​തി​യ നി​ർ​മാ​ണം പൂ​ർ​ത്തി​യാ​ക്കി​യ​ത്. 60 ശ​ത​മാ​നം കേ​ന്ദ്ര ഫ​ണ്ടും 40 ശ​ത​മാ​നം സം​സ്ഥാ​ന ഫ​ണ്ടും ഉ​പ​യോ​ഗി​ച്ചാ​ണ് പ​ണി​തീ​ർ​ത്ത​ത്. 1982ല്‍ ​വി​ഭാ​വ​നം​ചെ​യ്ത പു​തി​യാ​പ്പ ഫി​ഷി​ങ് ഹാ​ര്‍ബ​ര്‍ 1996ലാ​ണ് ക​മീ​ഷ​ന്‍ ചെ​യ്ത​ത്. ശ​രാ​ശ​രി 30 അ​ടി ദൈ​ര്‍ഘ്യ​മു​ള്ള 250 യാ​ന​ങ്ങ​ള്‍ക്കു​വേ​ണ്ടി​യു​ള്ള രൂ​പ​രേ​ഖ​യാ​യി​രു​ന്നു അ​ന്ന് ത​യാ​റാ​ക്കി​യ​ത്. സൗ​ക​ര്യം മ​തി​യാ​കാ​തെ വ​ന്ന​തോ​ടെ 2018ല്‍ ​ആ​രം​ഭി​ച്ച ന​വീ​ക​ര​ണ പ്ര​വ​ര്‍ത്ത​ന​ങ്ങ​ളാ​ണ് ക​ഴി​ഞ്ഞ കൊ​ല്ലം മു​ഖ്യ​മ​ന്ത്രി നാ​ടി​നു സ​മ​ര്‍പ്പി​ച്ച​ത്. വ​രും​കാ​ല​ങ്ങ​ളി​ൽ ഹാ​ർ​ബ​റി​ന്റെ വീ​തി 100 മീ​റ്റ​റാ​യി കൂ​ട്ട​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.