കോം​ട്ര​സ്റ്റ് ഏ​റ്റെ​ടു​ക്ക​ൽ; പ്ര​തി​ഷേ​ധം ക​ന​ക്കു​ന്നു

കോ​ഴി​ക്കോ​ട്: മാ​നാ​ഞ്ചി​റ​യി​ലെ അ​ട​ച്ചി​ട്ട കോം​ട്ര​സ്റ്റ്​ നെ​യ്ത്ത്​ ക​മ്പ​നി കെ​ട്ടി​ടം സ​ർ​ക്കാ​ർ ഏ​റ്റെ​ടു​ക്കാ​ത്ത​ത് തെ​ര​ഞ്ഞെ​ടു​പ്പു​കാ​ല​ത്ത് വ​ലി​യ ച​ർ​ച്ച​യാ​വു​ന്നു. കോ​മ​ൺ​വെ​ൽ​ത്ത് ഹാ​ൻ​ഡ്‍ലൂം സം​യു​ക്ത സ​മ​ര​സ​മി​തി​യു​ടെ 2022 ഡി​സം​ബ​ർ 15ന് ​തു​ട​ങ്ങി​യ അ​നി​ശ്ചി​ത​കാ​ല സ​ത്യ​ഗ്ര​ഹം തു​ട​രു​ന്ന​തി​നി​ടെ ശ​നി​യാ​ഴ്ച കോം​ട്ര​സ്റ്റ് വീ​വി​ങ് ഫാ​ക്ട​റി തൊ​ഴി​ലാ​ളി കൂ​ട്ടാ​യ്മ​യു​ടെ ആ​ഭി​മു​ഖ്യ​ത്തി​ൽ ഫാ​ക്ട​റി​ക്കു മു​ന്നി​ൽ കോം​ട്ര​സ്റ്റ് സം​ര​ക്ഷ​ണ വ​ല​യം തീ​ർ​ത്തും പ്ര​തി​ഷേ​ധ​മു​യ​ർ​ന്നു.

കോം​ട്ര​സ്റ്റ് ക​മ്പ​നി​യു​മാ​യി ഭൂ​മി ഇ​ട​പാ​ട് ന​ട​ത്തി​യ മൂ​ന്നു ക​ക്ഷി​ക​ൾ കോ​ട​തി​യെ സ​മീ​പി​ച്ച​തി​നാ​ൽ ഏ​റ്റെ​ടു​ക്ക​ൽ ന​ട​ത്താ​നാ​യി​ല്ലെ​ന്നാ​ണ് സ​ർ​ക്കാ​ർ നി​ല​പാ​ട്. ന​ഗ​ര​ത്തി​ന്റെ പൈ​തൃ​ക​മാ​യി മാ​റേ​ണ്ട കോം​ട്ര​സ്റ്റ് ഫാ​ക്ട​റി​യാ​ണ് ഈ ​തെ​ര​ഞ്ഞെ​ടു​പ്പ് കാ​ല​ത്തും ന​ഗ​ര​വാ​സി​ക​ളു​ടെ വേ​ദ​ന​യാ​യി തു​ട​രു​ന്ന​ത്. അ​ട​ച്ചി​ട്ട നെ​യ്ത്ത്​ ക​മ്പ​നി കെ​ട്ടി​ടം മോ​ഷ്ടാ​ക്ക​ളു​​ടെ​യും ല​ഹ​രി ഉ​പ​യോ​ഗി​ക്കു​ന്ന​വ​രു​ടെ​യും ന​ഗ​ര​മ​ധ്യ​ത്തി​ലെ ഒ​ളി​ത്താ​വ​ള​മാ​യി. ഇ​ടി​ഞ്ഞു​ത​ക​ർ​ന്ന്​ കാ​ടു​പി​ടി​ച്ച കെ​ട്ടി​ട​ത്തി​ലേ​ക്ക്​ ആ​രും തി​രി​ഞ്ഞു​നോ​ക്കാ​താ​യ​തോ​ടെ കെ​ട്ടി​ട​ത്തി​ലെ ക​മ്പി​യും മ​റ്റും മു​റി​ച്ച്​ കൊ​ണ്ടു​പോ​കു​ന്ന​തും പ​തി​വാ​ണ്. ഈ​യി​ടെ കെ​ട്ടി​ട​ത്തി​ലു​ണ്ടാ​യ തീ​പി​ടി​ത്തം അ​ട്ടി​മ​റി​യാ​ണെ​ന്നാ​ണ് തൊ​ഴി​ലാ​ളി​ക​ൾ ആ​രോ​പി​ക്കു​ന്ന​ത്.

കോം​ട്ര​സ്റ്റി​ലെ തൊ​ഴി​ലാ​ളി​ക​ള്‍ക്ക് ജോ​ലി ന​ല്‍ക​ണ​മെ​ന്നും സ്ഥാ​പ​നം തു​റ​ന്നു​പ്ര​വ​ര്‍ത്തി​പ്പി​ക്ക​ണ​മെ​ന്നും ഇ​ന്‍ഡ​സ്ട്രി​യ​ല്‍ ട്രൈ​ബ്യൂ​ണ​ൽ വി​ധി നി​ല​വി​ലു​ണ്ട്. കെ.​എ​സ്.​ഐ.​ഡി.​സി ഫാ​ക്ട​റി​യു​ടെ നോ​ഡ​ല്‍ ഏ​ജ​ന്‍സി​യാ​യി പ്ര​വ​ര്‍ത്തി​ക്കു​ന്നു​ണ്ടെ​ങ്കി​ലും കോം​ട്ര​സ്റ്റ് വി​ഷ​യ​ത്തി​ല്‍ കൂ​ടു​ത​ലാ​യി ഒ​ന്നും ചെ​യ്യാ​നാ​യി​ട്ടി​ല്ല. അ​വ​ശേ​ഷി​ക്കു​ന്ന തൊ​ഴി​ലാ​ളി​ക​ള്‍ക്ക് പ്ര​തി​മാ​സം 5000 രൂ​പ​വീ​തം കെ.​എ​സ്.​ഐ.​ഡി.​സി ന​ല്‍കാ​ൻ തീ​രു​മാ​ന​മു​ണ്ടെ​ങ്കി​ലും കെ​ട്ടി​ടം തി​രി​ഞ്ഞു​നോ​ക്കാ​ൻ ആ​ളി​ല്ല.

ഒ​രു ഏ​ക്ക​റി​ല്‍ വി​വി​ധ രീ​തി​യി​ൽ ക്ര​യ​വി​ക്ര​യം ന​ട​ന്ന​തി​നാ​ൽ ഒ​ന്നേ​കാ​ല്‍ ഏ​ക്ക​ര്‍ മാ​ത്ര​മാ​ണ് ഇ​പ്പോ​ൾ കോം​ട്ര​സ്റ്റി​ന്റെ കൈ​യി​ലു​ള്ള​ത്. 2009 ഫെ​ബ്രു​വ​രി ഒ​ന്നി​നാ​ണ് ഫാ​ക്ട​റി പൂ​ട്ടി​യ​ത്. കോം​ട്ര​സ്റ്റ് ഏ​റ്റെ​ടു​ത്ത്​ നി​യ​മ​സ​ഭ ഐ​ക​ക​ണ്​​ഠ്യേ​ന പാ​സാ​ക്കി​യ ബി​ല്ലി​ന് രാ​ഷ്ട്ര​പ​തി​യു​ടെ അം​ഗീ​കാ​രം ന​ൽ​കി​യി​ട്ടും കൊ​ല്ല​ങ്ങ​ളേ​റെ ക​ഴി​ഞ്ഞു. പൈ​തൃ​ക കെ​ട്ടി​ടം നി​ല​നി​ർ​ത്തി വ്യ​വ​സാ​യ മ്യൂ​സി​യ​മാ​ക്കാ​നും​ പ​ര​മ്പ​രാ​ഗ​ത നെ​യ്​​ത്ത്​ നി​ല​നി​ർ​ത്തു​ക വ​ഴി തൊ​ഴി​ലാ​ളി​ക​ൾ​ക്ക്​ ജോ​ലി ന​ൽ​കാ​നു​മെ​ല്ലാം പ​ദ്ധ​തി​യി​ട്ടി​രു​ന്നു​വെ​ങ്കി​ലും ഒ​ന്നും മു​ന്നോ​ട്ടു​പോ​യി​ട്ടി​ല്ല.