വൈക്കത്തിനുമുണ്ട്​ കുറച്ച്​ ശിലാചരിത്രകഥകൾ

ദ​ക്ഷി​ണ​കാ​ശി എ​ന്ന​റി​യ​പ്പെ​ടു​ന്ന വൈ​ക്ക​ത്തി​നു​മു​ണ്ട്​ കു​റ​ച്ച്​ ശി​ലാ​ച​രി​ത്ര​ക​ഥ​ക​ൾ. കേ​ര​ള​ത്തി​ലെ സ്റ്റാ​ച്യു ജ​ങ്​​ഷ​ന്‍ എ​ന്ന നാ​മം അ​ര്‍ഹി​ക്കു​ന്ന​ത് വൈ​ക്ക​ത്തി​നാ​ണ്. വൈ​ക്കം ന​ഗ​ര​ത്തി​ലേ​ക്കും ക്ഷേ​ത്ര​ത്തി​ലേ​ക്കു​മു​ള്ള പാ​ത​ക​ള്‍ ആ​രം​ഭി​ക്കു​ന്ന ക​വ​ല​യാ​ണ് കേ​ര​ള​ത്തി​ലെ യ​ഥാ​ർ​ഥ പ്ര​തി​മാ​സ​ന്ധി. റോ​ഡു​മ​ധ്യേ ടി.​കെ.​മാ​ധ​വ​ന്‍, പാ​ത​യോ​ര​ത്ത് നാ​ലു​ചു​റ്റു​മാ​യി പെ​രി​യോ​ര്‍ ഇ.​വി.​രാ​മ​സ്വാ​മി നാ​യ്ക്ക​ര്‍, മ​ന്ന​ത്ത് പ​ദ്മ​നാ​ഭ​ന്‍, ത​മി​ഴ്‌​നാ​ട് മു​ഖ്യ​മ​ന്ത്രി​യാ​യി​രു​ന്ന എം.​ജി.​ആ​ര്‍. എ​ന്ന എം.​ജി.​രാ​മ​ച​ന്ദ്ര​നും ഭാ​ര്യ വൈ​ക്കം സ്വ​ദേ​ശി​നി ജാ​ന​കി​യും കൂ​ടാ​തെ വൈ​ക്കം സ​ത്യാ​ഗ്ര​ഹ​ക​സ്മാ​ര​ക ശി​ല്പ​വും. അ​താ​ണ് കേ​ര​ള​ത്തി​ലെ ശ​രി​ക്കു​മു​ള്ള പ്ര​തി​മാ​സ​ന്ധി. കാ​യ​ലോ​ര​ത്തെ ശി​ൽ​പോ​ദ്യാ​ന​വും പ​ഴ​യ ബോ​ട്ടു​ജെ​ട്ടി​യും സ​ത്യാ​ഗ്ര​ഹ സ്മാ​ര​ക മ്യൂ​സി​യ​വും വൈ​ക്ക​ത്തെ​ത്തു​ന്ന​വ​ർ​ക്ക്​ മു​ന്നി​ൽ ച​രി​ത്ര​ത്തി​ന്‍റെ ഗ്ര​ന്ഥം അ​നാ​വൃ​ത​മാ​ക്കും.

ജ്വ​ലി​ക്കു​ന്ന അ​ധ്യാ​യം ‘വൈ​ക്കം വീ​ര​ർ’

വൈ​ക്കം സ​ത്യ​ഗ്ര​ഹ​ത്തി​ലെ ജ്വ​ലി​ക്കു​ന്ന അ​ധ്യാ​യ​മാ​ണ്​ പെ​രി​യോ​ർ ഇ.​വി.​രാ​മ​സ്വാ​മി​യു​ടേ​ത്. ഗാ​ന്ധി​യ​ൻ ആ​ശ​യ​ങ്ങ​ളോ​ട്​ യോ​ജി​പ്പ്​ ഉ​ണ്ടാ​യി​രു​​ന്നി​ല്ലെ​ങ്കി​ലും ഗാ​ന്ധി​ജി​ക്കൊ​പ്പം അ​ദ്ദേ​ഹം അ​യി​ത്ത​ത്തി​നെ​തി​രെ പോ​രാ​ടി. ഒ​ടു​വി​ൽ ‘വൈ​ക്ക​ത്തി​ന്‍റെ വീ​ര​ൻ’ എ​ന്ന പേ​ര്​ സ്വ​ന്ത​മാ​ക്കി​യാ​ണ്​ അ​ദ്ദേ​ഹം മ​ട​ങ്ങി​യ​ത്. വൈ​ക്കം സ​ത്യ​ഗ്ര​ഹം ആ​രം​ഭി​ച്ച്​ ഒ​രാ​ഴ്ച​ക്കു​ള്ളി​ൽ ജ​യി​ലി​ലാ​യ നേ​താ​വ്​ ജോ​ർ​ജ്​ ജോ​സ​ഫാ​ണ്​ പെ​രി​യോ​ർ രാ​മ​സ്വാ​മി​യെ സ​ത്യ​ഗ്ര​ഹ​ത്തി​ലേ​ക്ക്​ ക്ഷ​ണി​ച്ച​ത്. അ​ന്ന്​ ത​മി​ഴ്​​നാ​ട്​ പ്ര​ദേ​ശ്​ കോ​ൺ​ഗ്ര​സ്​ ക​മ്മി​റ്റി പ്ര​സി​ഡ​ന്‍റാ​യ പെ​രി​യോ​ർ ത​​ന്‍റെ സ്ഥാ​നം രാ​ജാ​ജി​ക്ക്​ കൈ​മാ​റി​യാ​ണ്​ ​1924 ഏ​പ്രി​ലി​ൽ വൈ​ക്ക​ത്തേ​ക്ക്​ എ​ത്തി​യ​ത്.

ദ​ലി​ത​ന്‍റെ ആ​ത്മാ​ഭി​മാ​ന​ത്തി​നാ​യി തീ​പാ​റു​ന്ന പ്ര​സം​ഗ​ങ്ങ​ൾ, നാ​ടു നീ​ളെ​യു​ള്ള ജാ​ഥ​ക​ൾ ഇ​ങ്ങ​നെ അ​ട​യാ​ള​പ്പെ​ടു​ത്താം വൈ​ക്ക​ത്തെ പെ​രി​യോ​റി​നെ. ​ഇ​തോ​ടെ കൊ​ല്ല​ത്തും കോ​ട്ട​യ​ത്തും അ​ദ്ദേ​ഹ​ത്തി​ന്​ വി​ല​ക്കേ​ർ​പ്പെ​ടു​ത്തി. ​മേ​യി​ൽ അ​റ​സ്റ്റി​ലാ​വു​ക​യും ചെ​യ്തു. വൈ​ക്കം സ​ത്യ​ഗ്ര​ഹ​ത്തി​ൽ ക​ഠി​ന​ത​ട​വി​ന്​ വി​ധി​ക്ക​പ്പെ​ട്ട ഏ​ക നേ​താ​വാ​ണ്​ പെ​രി​യോ​ർ. സ​ത്യ​ഗ്ര​ഹ​ത്തി​ലു​ണ്ടാ​യി​രു​ന്ന 114 ദി​വ​സ​ത്തി​ൽ 74 ദി​വ​സ​വും ജ​യി​ൽ​ശി​ക്ഷ അ​നു​ഭ​വി​ച്ച പെ​രി​യോ​ർ സ​മ​ര​ത്തി​ന്‍റെ നെ​ടും​തൂ​ൺ ആ​യി​രു​ന്നു.

സ​മ​ര​ഫ​ല​മാ​യി മൂ​ന്ന്​ വ​ഴി​ക​ളാ​ണ്​ ക്ഷേ​ത്ര​പ്ര​വേ​ശ​ന​ത്തി​നാ​യി തു​റ​ന്നു​കൊ​ടു​ക്ക​പ്പെ​ട്ട​ത്. ത​ന്തൈ പെ​രി​യാ​ർ ഇ.​വി.​രാ​മ​സ്വാ​മി നാ​യ്ക്ക​രു​ടെ ജ​ന്മ​ദി​നം സാ​മൂ​ഹ്യ​നീ​തി ദി​ന​മാ​യാ​ണ്​ ത​മി​ഴ്​​നാ​ട്​ സ​ർ​ക്കാ​ർ ആ​ച​രി​ക്കു​ന്ന​ത്.

എ​ല്ലാ ജ​ന്മ​ദി​ന​ങ്ങ​ളി​ലും ത​മി​ഴ്​​നാ​ട്​ സ​ർ​ക്കാ​ർ പ്ര​തി​നി​ധി​ക​ൾ വൈ​ക്ക​ത്തെ സ്മാ​ര​ക​ത്തി​ലെ​ത്തി ആ​ദ​ര​വ്​ അ​ർ​പ്പി​ക്കാ​റു​ണ്ട്. ത​മി​ഴ്​​നാ​ട് വാ​ങ്ങി​യ 73 സെ​ന്‍റി​ൽ ഇ.​വി.​ആ​ർ പ്ര​തി​മ​യും മ്യൂ​സി​യ​വും ലൈ​ബ്ര​റി​യും ഉ​ണ്ടാ​യി​രു​ന്നു. എ​ന്നാ​ൽ സ്മാ​ര​കം ത​മി​ഴ്​​നാ​ട്​ സ​ർ​ക്കാ​രി​ന്‍റെ കീ​ഴി​ലാ​യ​തി​നാ​ൽ സം​സ്ഥാ​ന ഭ​ര​ണ​സം​വി​ധാ​ന​ങ്ങ​ൾ ഇ​ത്​ വേ​ണ്ട​രീ​തി​യി​ൽ പ​രി​പാ​ലി​ക്കാ​താ​യി. അ​തോ​​ടെ മ്യൂ​സി​യം അ​ട​ക്കം അ​വ​ഗ​ണി​ക്ക​പ്പെ​ട്ടു. മ്യൂ​സി​യ​ത്തി​ന്‍റെ ശോ​ച്യാ​വ​സ്ഥ​ ശ്ര​ദ്ധ​യി​ൽ​പെ​ട്ട​തോ​ടെ ത​മി​ഴ്​​നാ​ട്​ മു​ഖ്യ​മ​ന്ത്രി എം.​കെ.​സ്റ്റാ​ലി​ന്‍റെ നി​ർ​ദ്ദേ​ശ​പ്ര​കാ​രം സ​ർ​ക്കാ​റി​ന്‍റെ ന​വീ​ക​ര​ണ​പ്ര​വൃ​ത്തി​ക​ൾ ഇ​പ്പോ​ൾ പു​രോ​ഗ​മി​ക്കു​ക​യാ​ണ്.

തി​രു​വി​താം​കൂ​ർ ശം​ഖു​മു​ദ്ര പേ​റിവൈ​ക്കം ബോ​ട്ട്​ ജെ​ട്ടി

സ​ത്യ​ഗ്ര​ഹ ച​രി​ത്ര​ത്തി​ന്‍റെ ഏ​റ്റ​വും വ​ലി​യ അ​വ​ശേ​ഷി​പ്പാ​ണ്​ ​വൈ​ക്കം ബോ​ട്ടു​ജെ​ട്ടി. രാ​ജ​ഭ​ര​ണ​കാ​ലം മു​ത​ൽ​ക്കേ വൈ​ക്ക​ത്തെ അ​ട​യാ​ള​പ്പെ​ടു​ത്തു​ന്ന​തും ഈ ​അ​വ​ശേ​ഷി​പ്പ്​ ത​ന്നെ. 1925 മാ​ർ​ച്ച്​ ഒ​മ്പ​തി​ന്​ വൈ​ക്ക​ത്ത്​ തു​ട​ങ്ങി​യ സ​ത്യ​ഗ്ര​ഹ​വു​മാ​യി ബ​ന്ധ​പ്പെ​ട്ടാ​യി​രു​ന്നു ഗാ​ന്ധി​ജി​യു​ടെ സ​ന്ദ​ർ​ശ​നം.

കൊ​ച്ചി​യി​ൽ നി​ന്ന്​ ബോ​ട്ടു​മാ​ർ​ഗം വൈ​ക്ക​ത്തെ​ത്തി​യ ഗാ​ന്ധി​ജി​യെ​ കെ.​കേ​ള​പ്പ​ൻ ഉ​ൾ​പ്പെ​ടെ​യു​ള്ള​വ​ർ സ്വീ​ക​രി​ച്ച​തും ഇ​വി​ടു​ന്നാ​ണ്.

ഗാ​ന്ധി​യു​ടെ സ​ന്ദ​ർ​ശ​ന​ത്തി​ന്​ എ​ത്ര​മേ​ൽ പ്രാ​ധാ​ന്യം വൈ​ക്കം സ​ത്യാ​ഗ്ര​ഹ​ത്തി​നു​ണ്ടോ അ​ത്ര​ത്തോ​ളം ബോ​ട്ടു​ജെ​ട്ടി​ക്കും ച​രി​ത്ര​ത്തി​ലു​ണ്ട്. എ​ന്നാ​ൽ കാ​ല​ച​ക്രം തി​രി​യു​ന്ന​തി​ന​നു​സ​രി​ച്ച്​ അ​വ​ഗ​ണ​ന​യു​ടെ ച​രി​ത്ര​ത്തി​ലേ​ക്ക്​ ബോ​ട്ടു​ജെ​ട്ടി​യും ത​ള്ള​പ്പെ​ട്ടു.

സ​ത്യ​ഗ്ര​ഹ​ത്തി​ന്‍റെ 50-ാം വ​ർ​ഷ​ത്തി​ൽ വൈ​ക്ക​ത്തെ​ത്തി​യ ഇ​ന്ദി​രാ​ഗാ​ന്ധി അ​ന്ന്​ മു​ന്നോ​ട്ടു​വെ​ച്ച നി​ർ​ദ്ദേ​ശ​വും ബോ​ട്ടു​ജെ​ട്ടി സ്മാ​ര​ക​മാ​ക്ക​​ണ​മെ​ന്നാ​യി​രു​ന്നു.

പ​ത്ത്​ ശി​ല, പ​ത്ത്​ ക​ഥ

മ​നോ​ഹ​ര അ​സ്ത​മ​യ​ക്കാ​ഴ്ച​യൊ​രു​ക്കി അ​ണി​ഞ്ഞൊ​രു​ങ്ങി​യ സു​ന്ദ​രി​യാ​ണ്​ വൈ​ക്കം ബീ​ച്ച്. ബീ​ച്ചി​ന്റെ സ​വി​ശേ​ഷ​ത​ക​ളി​ലൊ​ന്ന് വ​ഴി​യോ​ര ശി​ൽ​പ​ങ്ങ​ളാ​ണ്. കേ​ര​ള ല​ളി​ത​ക​ലാ അ​ക്കാ​ദ​മി​യാ​ണ്​ വൈ​ക്ക​ത്തെ ശി​ൽ​പോ​ദ്യാ​നം നി​ർ​മി​ച്ച​ത്. 11 ല​ക്ഷം രൂ​പ മു​ട​ക്കി നി​ർ​മി​ച്ച പ​ത്തോ​ളം ശി​ൽ​പ​ങ്ങ​ളാ​ണ്​ ഇ​വി​ടു​ള്ള​ത്.

വൈ​ക്കം സ​ത്യ​ഗ്ര​ഹ​ത്തി​ന്‍റെ സ്മ​ര​ണ​യാ​യി നി​ർ​മി​ച്ച്​ ന​ഗ​ര​സ​ഭ​ക്ക്​ കൈ​മാ​റി​യ ശി​ൽ​പോ​ദ്യാ​നം സ​ത്യ​ഗ്ര​ഹ​ത്തി​ന്‍റെ വി​വി​ധ​ക​ഥ​ക​ളാ​ണ്​ സ​ന്ദ​ർ​ശ​ക​രോ​ട്​ പ​ങ്കു​വെ​ക്കു​ന്ന​ത്. ​പ​ത്ത്​ ശി​ൽ​പി​ക​ൾ ചേ​ർ​ന്ന്​​ ആ​റു​മാ​സ​ത്തെ വ​ഴി​യോ​ര ക്യാ​മ്പ്​ സം​ഘ​ടി​പ്പി​ച്ചാ​യി​രു​ന്നു നി​ർ​മാ​ണം.

2015ൽ ​മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യാ​യി​രു​ന്നു വൈ​ക്ക​ത്തെ ജ​ന​ങ്ങ​ൾ​ക്കാ​യി ശി​ൽ​പോ​ദ്യാ​നം സ​മ​ർ​പ്പി​ച്ച​ത്. പ​ത്ത്​ ആ​ശ​യ​ങ്ങ​ളെ​യാ​ണ്​ പ​ത്ത്​ ശി​ൽ​പ​ങ്ങ​ളും പ്ര​തി​നി​ധീ​ക​രി​ക്കു​ന്ന​ത്. അ​യി​ത്തം ക​ൽ​പി​ച്ച്​ ഗാ​ന്ധി​ജി​യെ പു​റ​ത്തി​റ​ക്കി ഇ​രു​ത്തു​ക​യും പി​ന്നീ​ട്​ ചെ​ത്തു തൊ​ഴി​ലാ​ളി യൂ​നി​യ​ൻ ഓ​ഫി​സാ​യി മാ​റ്റ​പ്പെ​ടു​ക​യും ചെ​യ്യ​പ്പെ​ട്ട്​ ച​രി​ത്ര​ത്തി​ന്‍റെ ഭാ​ഗ​മാ​യ ഇ​ണ്ടം​തു​രു​ത്തി​മ​ന​യും ത​മി​ഴ്​​നാ​ട്​ ഭ​ര​ണ​ച​ക്രം തി​രി​ച്ച എം.​ജി.​ആ​റി​ന്‍റെ ഭാ​ര്യ ജാ​ന​കി​യു​ടെ കു​ടും​ബ​വീ​ടും തു​ട​ങ്ങി സ​ത്യ​ഗ്ര​ഹ​ത്തി​ന്‍റെ ഏ​ടു​ക​ൾ വി​വ​രി​ക്കു​ന്ന വൈ​ക്കം സ​ത്യ​ഗ്ര​ഹ ഗാ​ന്ധി മ്യൂ​സി​യ​വും ച​രി​ത്ര​ത്തി​ന്‍റെ താ​ളി​യോ​ല​യി​ലെ ഓ​രോ അ​ധ്യാ​യ​ങ്ങ​ളാ​യി വൈ​ക്ക​ത്ത്​ നി​ല​നി​ൽ​ക്കു​ന്നു.

(അ​വ​സാ​നി​ച്ചു)