ജനപ്രിയം, ഈ രുചിക്കൂട്ട്: മൂ​ന്ന് വീ​ട്ട​മ്മ​മാ​ർ തു​ട​ങ്ങി​യ കാ​റ്റ​റി​ങ് സം​രം​ഭം 10ാം വ​ർ​ഷ​ത്തി​ലേ​ക്ക്

കോ​ട്ട​യം: മ​ക്ക​ളെ സ്കൂ​ളി​ല​യ​ച്ച്, വീ​ട്ടി​ലെ ജോ​ലി​യെ​ല്ലാം ക​ഴി​ഞ്ഞ് സൗ​ഹൃ​ദ​സം​ഭാ​ഷ​ണ​ത്തി​നി​രു​ന്ന മൂ​ന്ന് വീ​ട്ട​മ്മ​മാ​രു​ടെ ആ​ശ​യ​ത്തി​ൽ തു​ട​ങ്ങി​യ സം​രം​ഭം 10ാം വ​ർ​ഷ​ത്തി​ലേ​ക്ക് വി​ജ​യ​ക​ര​മാ​യി ചു​വ​ടു​വെ​ക്കു​ന്നു. പ​റ​ഞ്ഞു​വ​രു​ന്ന​ത്, കാ​ഞ്ഞി​ര​പ്പ​ള്ളി ചോ​റ്റി​യി​ലെ 'നീ​റ്റ് ആ​ൻ​ഡ് ടേ​സ്റ്റി കാ​റ്റ​റി​ങ്സി'​നെ​ക്കു​റി​ച്ചാ​ണ്. മൂ​വ​ർ​സം​ഘ​ത്തി​ന്‍റെ കൂ​ട്ടാ​യ പ​രി​ശ്ര​മ​ത്തി​ന്‍റെ ഫ​ല​മാ​യി ഇ​ന്ന് പ്ര​ദേ​ശ​ത്തെ മി​ക​ച്ച കാ​റ്റ​റി​ങ് സ്ഥാ​പ​ന​മാ​യി ഇ​ത്.

സി​ന്ധു അ​ജി, റ​മീ​സ ഷാ​ഹു​ൽ, ഷീ​ന റോ​യ് എ​ന്നി​വ​രാ​ണി​വ​ർ. ചോ​റ്റി ടൗ​ണി​ൽ സ്റ്റു​ഡി​യോ ന​ട​ത്തു​ന്ന അ​ജി​യാ​ണ് സി​ന്ധു​വി​ന്‍റെ ഭ​ർ​ത്താ​വ്. റ​മീ​സ​യു​ടെ​യും ഷീ​ന​യു​ടെ​യും ഭ​ർ​ത്താ​ക്ക​ന്മാ​ർ പ്ര​വാ​സി​ക​ളാ​ണ്. മൂ​വ​രു​ടെ​യും വീ​ടു​ക​ൾ അ​ടു​ത്ത​ടു​ത്തു​ത​ന്നെ. ഭ​ക്ഷ​ണം പാ​കം ചെ​യ്യു​ന്ന​തൊ​ക്കെ ഇ​രു​വീ​ടി​ന്‍റെ​യും ന​ടു​വി​ലു​ള്ള സി​ന്ധു​വി​ന്‍റെ വീ​ട്ടി​ൽ. സി​ന്ധു​വി​ന്‍റെ ഭ​ർ​ത്താ​വ്, അ​ഞ്ച് സു​ഹൃ​ത്തു​ക്ക​ൾ​ക്ക് ഭ​ക്ഷ​ണം ന​ൽ​കി​യാ​ണ് സം​രം​ഭ​ത്തി​ന് തു​ട​ക്കം കു​റി​ച്ച​ത്. ക്ര​മേ​ണ ഓ​ർ​ഡ​റു​ക​ൾ ല​ഭി​ച്ച​തോ​ടെ പു​തി​യ തു​ട​ക്ക​ത്തി​ലേ​ക്കു കാ​ൽ​വെ​പ്പ്​ ആ​രം​ഭി​ച്ചു.

തു​ല്യ​മാ​യാ​ണ് പ​ണ​മി​റ​ക്കി​യ​ത്. മൂ​ന്നു​പേ​രു​ടെ​യും കു​ടും​ബ​ത്തി​ൽ​നി​ന്നു​ള്ള പി​ന്തു​ണ​കൂ​ടി ആ​യ​പ്പോ​ൾ ബാ​ക്കി​യൊ​ക്കെ പെ​ർ​ഫെ​ക്ട് ഓ​ക്കെ...! ഭ​ക്ഷ​ണം പാ​കം ചെ​യ്യാ​നും വി​ള​മ്പാ​നും ഇ​വ​ർ​ക്കൊ​പ്പം സ​മീ​പ​ത്തെ പി​ള്ളേ​ർ​സെ​റ്റും മ​റ്റ് സ​ഹാ​യി​ക​ളും ഉ​ണ്ട്. പ​ഞ്ചാ​യ​ത്തും ബ്ലോ​ക്കും എ​ല്ലാ പി​ന്തു​ണ​യും ന​ൽ​കു​ന്നു. കോ​വി​ഡി​ന്‍റെ സാ​ഹ​ച​ര്യ​ത്തി​ൽ പാ​റ​ത്തോ​ട് പ​ഞ്ചാ​യ​ത്തു​മാ​യി ചേ​ർ​ന്ന് ഇ​വ​ർ ക​മ്യൂ​ണി​റ്റി കി​ച്ച​ൻ ന​ട​ത്തി​യി​രു​ന്നു. കാ​ഞ്ഞി​ര​പ്പ​ള്ളി ബ്ലോ​ക്കി​ന്‍റെ​യും പ​ഞ്ചാ​യ​ത്തി​ന്‍റെ​യും കീ​ഴി​ലെ കോ​വി​ഡ് സെ​ന്‍റ​റു​ക​ളി​ൽ ഭ​ക്ഷ​ണം ന​ൽ​കി​യി​രു​ന്ന​തും ഈ ​സം​രം​ഭ​ത്തി​ലൂ​ടെ​യാ​ണ്.

2018 ലെ ​പ്ര​ള​യ​സ​മ​യ​ത്ത് മ​റ്റു സ​ന്ന​ദ്ധ സം​ഘ​ട​ന​ക​ൾ മു​ഖേ​ന ക്യാ​മ്പു​ക​ളി​ലേ​ക്ക് ഭ​ക്ഷ​ണം അ​യ​ക്കു​ന്ന​തി​ലും ഇ​വ​ർ മു​ൻ​പ​ന്തി​യി​ൽ നി​ന്നു. കോ​വി​ഡി​ന്‍റെ തു​ട​ക്കം മു​ത​ലു​ള്ള തു​ട​ർ​ച്ച​യാ​യ അ​ട​ച്ചി​ട​ലു​ക​ളി​ൽ പ്ര​തി​സ​ന്ധി നേ​രി​ട്ടെ​ങ്കി​ലും പ​ത​റാ​തെ മ​നോ​ധൈ​ര്യ​ത്തോ​ടെ പി​ടി​ച്ചു​നി​ന്ന​തി​നാ​ൽ സ്ഥാ​പ​നം മു​മ്പ​ത്തെ​പോ​ലെ ജ​ന​പ്രി​യ​മാ​യി മു​ന്നേ​റു​ക​യാ​ണ്.