നീരൊഴുക്ക് തടസ്സപ്പെട്ട പെരുഞ്ചിലതോട് ശുചീകരിച്ചു

വൈക്കം: കെ.വി. കനാലുമായി ബന്ധിപ്പിക്കുന്ന പെരിഞ്ചില തോട് ദളവാക്കുളം മുതൽ വിജയ തിയറ്റർ റോഡ് വരെയുള്ള ഭാഗം ശുചീകരിച്ചു. പോളയും പായലും കെട്ടിക്കിടന്നതുമൂലം നീരൊഴുക്ക് തടസ്സപ്പെടുകയും കനത്ത മഴയിൽ വെള്ളമുയർന്ന് പെരിഞ്ചില തോടിന് ഇരുകരയിലേക്കും വെള്ളം കയറുകയും ചെയ്തിരുന്നു.

ഇത് സമീപവാസികൾക്ക് ഭീഷണിയുയർത്തിയിരുന്നു. ഈ സാഹചര്യത്തിൽ നഗരസഭാംഗങ്ങളായ ഡി. രഞ്ജിത് കുമാർ, എം.കെ. മഹേഷ് കുമാർ എന്നിവരുടെ നേതൃത്വത്തിൽ പെരിഞ്ചില തോട്ടിലേക്ക് വീണ മരങ്ങളും അടിഞ്ഞുകൂടിയ പായലും പോളയും നീക്കം ചെയ്തത്. നീരൊഴുക്ക് സുഗമമായതോടെ പ്രദേശത്തെ വെള്ളക്കെട്ടിന് പരിഹാരമായി.