ആകാശപ്പാതയുടെ ബലപരിശോധനക്ക്​ തുടക്കം

കോ​ട്ട​യം: ഹൈ​കോ​ട​തി നി​ർ​ദേ​ശ​പ്ര​കാ​രം ന​ഗ​ര​ത്തി​ലെ ആ​കാ​ശ​പ്പാ​ത​യു​ടെ ബ​ല​പ​രി​ശോ​ധ​ന​ക്ക്​ തു​ട​ക്കം. ചെ​ന്നൈ ഐ.​ഐ.​ടി​യി​ൽ​നി​ന്നു​ള്ള നാ​ലം​ഗ ശാ​സ്ത്ര​ജ്ഞ​രു​ടെ നേ​തൃ​ത്വ​ത്തി​ലാ​ണ്​ നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ പ​രി​ശോ​ധ​ന ന​ട​ക്കു​ന്ന​ത്. ആ​കാ​ശ​പ്പാ​ത​യി​ലെ ഇ​രു​മ്പ്​ ച​ട്ട​ക്കൂ​ടി​ന്‍റെ​ ജോ​യ​ന്‍റു​ക​ളു​ടെ​ ഉ​റ​പ്പ്, തൂ​ണു​ക​ളു​ടെ തി​ക്​​നെ​സ്, ഉ​യ​രം, അ​ള​വു​ക​ൾ​ തു​ട​ങ്ങി​യ​വ​യും തു​രു​മ്പ്​ ബാ​ധി​ച്ചോ, നി​ർ​മി​തി നാ​ശാ​വ​സ്ഥ​യി​ലാ​ണോ, നി​ർ​മാ​ണ​ത്തി​ൽ അ​പാ​ക​ത​യു​ണ്ടോ തു​ട​ങ്ങി​യ കാ​ര്യ​ങ്ങ​ളു​മാ​ണ്​ പ​രി​ശോ​ധി​ക്കു​ക.

പ്രാ​ഥ​മി​ക പ​രി​ശോ​ധ​ന​യി​ൽ കാ​ര്യ​മാ​യ തു​രു​മ്പു​ള്ള​താ​യി കാ​ണു​ന്നി​ല്ലെ​ങ്കി​ലും വി​ശ​ദ പ​രി​ശോ​ധ​ന​ക്കു ശേ​ഷ​മേ ഇ​ക്കാ​ര്യം ഉ​റ​പ്പി​ക്കാ​നാ​വൂ എ​ന്നാ​ണ്​ പ​രി​ശോ​ധ​ന സം​ഘ​ത്തി​ന്‍റെ നി​ഗ​മ​നം.

ന​ഗ​ര​ത്തി​ലെ ഗ​താ​ഗ​തം ത​ട​സ്സ​പ്പെ​ടാ​തി​രി​ക്കാ​ൻ രാ​ത്രി 10 മു​ത​ലാ​ണ്​ പ​രി​ശോ​ധ​ന. ഇ​തി​നാ​യി നാ​ലു​ദി​വ​സം രാ​ത്രി 10 മു​ത​ൽ രാ​വി​ലെ ആ​റു​വ​രെ ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്.