തെരുവുനായ്ക്കളുടെ വന്ധ്യംകരണം; ജില്ലയിൽ അഞ്ച്​ എ.ബി.സി സെന്‍റർകൂടി

കോ​ട്ട​യം: തെ​രു​വു​നാ​യ്ക്ക​ളെ വ​ന്ധ്യം​ക​രി​ക്കു​ന്ന​തി​ന്​ ജി​ല്ല​യി​ൽ അ​ഞ്ച്​ എ.​ബി.​സി സെ​ന്‍റ​ർ​കൂ​ടി ഈ ​സാ​മ്പ​ത്തി​ക വ​ർ​ഷം ആ​രം​ഭി​ക്കും. ഇ​ത്​ സം​ബ​ന്ധി​ച്ച ന​ട​പ​ടി ജി​ല്ല ഭ​ര​ണ​കൂ​ട​വും മൃ​ഗ​സം​ര​ക്ഷ​ണ വ​കു​പ്പും ആ​രം​ഭി​ച്ചു. വാ​ഴൂ​ർ, ത​ല​യോ​ല​പ്പ​റ​മ്പ്, ഉ​ദ​യ​നാ​പു​രം, പാ​ലാ, വാ​ക​ത്താ​നം എ​ന്നി​വി​ട​ങ്ങ​ളി​ലാ​ണ്​ എ.​ബി.​സി സെ​ന്‍റ​റു​ക​ൾ തു​ട​ങ്ങു​ന്ന​ത്. കോ​ടി​മ​ത​യി​ലെ കേ​ന്ദ്രം മാ​ത്ര​മാ​ണ്​ നി​ല​വി​ൽ ജി​ല്ല​യി​ൽ ആ​​കെ​യു​ള്ള​ത്. ​

എ.​ബി.​സി സെ​ന്‍റ​റു​ക​ൾ​ക്കാ​യു​ള്ള സൗ​ക​ര്യം ഒ​രു​ക്കു​ന്ന​തി​ന്​ ഫ​ണ്ട്​ വ​ക​യി​രു​ത്താ​ൻ എ​ല്ലാ പ​ഞ്ചാ​യ​ത്തു​ക​ൾ​ക്കും ജി​ല്ല ആ​സൂ​ത്ര​ണ സ​മി​തി നി​ർ​ദേ​ശം ന​ൽ​കി​യി​രു​ന്നു. ഒ​മ്പ​തു മു​ത​ൽ 13 ല​ക്ഷം രൂ​പ വ​രെ​യാ​ണ്​ ഈ ​സാ​മ്പ​ത്തി​ക വ​ർ​ഷം വ​ക​യി​രു​ത്തേ​ണ്ട​ത്. വാ​ഴൂ​രി​ലും ത​ല​യോ​ല​പ്പ​റ​മ്പി​ലും വെ​റ്റ​റി​ന​റി ആ​ശു​പ​ത്രി​യോ​ട്​ ചേ​ർ​ന്ന്​ 25 സെ​ന്‍റ്​ വീ​തം സ്ഥ​ലം മൃ​ഗ​സം​ര​ക്ഷ​ണ വ​കു​പ്പ്​ ക​​ണ്ടെ​ത്തി​യി​ട്ടു​ണ്ട്. മ​റ്റി​ട​ങ്ങ​ളി​ൽ സ്ഥ​ലം ക​​ണ്ടെ​ത്താ​നു​ള്ള ന​ട​പ​ടി​യി​ലാ​ണ്.

ഈ ​അ​ഞ്ച്​ സെ​ന്‍റ​ർ​കൂ​ടി തു​ട​ങ്ങി​യാ​ൽ ഒ​രു വ​ർ​ഷ​ത്തി​ന​കം ജി​ല്ല​യി​ലെ തെ​രു​വു​നാ​യ്ക്ക​ളു​ടെ വ​ന്ധ്യം​ക​ര​ണം പൂ​ർ​ത്തി​യാ​ക്കാ​നാ​കു​മെ​ന്നാ​ണ്​ മൃ​ഗ​സം​ര​ക്ഷ​ണ വ​കു​പ്പി​ന്‍റെ ക​ണ​ക്കു​കൂ​ട്ട​ൽ.

2023 ജ​നു​വ​രി 30നാ​ണ്​ ജി​ല്ല പ​ഞ്ചാ​യ​ത്ത്​ കോ​ടി​മ​ത​യി​ലെ സെ​ന്‍റ​ർ ആ​രം​ഭി​ച്ച​ത്. പ​ള്ളം ബ്ലോ​ക്ക്​ പ​ഞ്ചാ​യ​ത്തി​നു കീ​ഴി​ലെ അ​ഞ്ചു പ​ഞ്ചാ​യ​ത്തി​ലെ​യും കോ​ട്ട​യം മു​നി​സി​പ്പാ​ലി​റ്റി​യി​ലെ​യും തെ​രു​വു​നാ​യ്ക്ക​ളെ​യാ​ണ്​ ഇ​വി​ടെ എ​ത്തി​ച്ച്​ വ​ന്ധ്യം​ക​രി​ക്കു​ന്ന​ത്. വ​ന്ധ്യം​ക​രിച്ച്​ ഇ​വി​ടെ കൂ​ടു​ക​ളി​ൽ പാ​ർ​പ്പി​ച്ച ശേ​ഷം അ​ഞ്ചാം​ദി​വ​സം ഇ​വ​യെ പി​ടി​ച്ച സ്ഥ​ല​ങ്ങ​ളി​ൽ ത​ന്നെ തി​രി​ച്ചെ​ത്തി​ക്കു​ക​യാ​ണ്​ ചെ​യ്യു​ന്ന​ത്. ​

48 കൂ​ടു​ക​ളാ​ണ്​ ഇ​വി​ടെ​യു​ള്ള​ത്. കൂ​ടി​നു പു​റ​ത്തെ​ സ്ലേ​റ്റി​ൽ നാ​യ്ക്ക​ളെ പി​ടി​ച്ച​ തീ​യ​തി, സ്ഥ​ലം, ശ​സ്​​​ത്ര​ക്രി​യ ന​ട​ത്തി​യ തീ​യ​തി എ​ന്നി​വ രേ​ഖ​പ്പെ​ടു​ത്തും. ഇ​തു നോ​ക്കി​യാ​ണ്​ തി​രി​ച്ചു​കൊ​ണ്ടു​വി​ടു​ക. ദി​വ​സം 10 നാ​യ്ക്ക​ൾ​ക്ക് ശ​സ്ത്ര​ക്രി​യ ന​ട​ത്താ​നാ​കും.