ദിശ തെറ്റി ദിശാബോർഡുകൾ

കോ​ട്ട​യം: വ​ഴി​യ​റി​യാ​തെ വ​ല​യു​ന്ന​വ​ർ​ക്ക് വ​ഴി​കാ​ട്ടാ​നു​ള്ള ദി​ശാ​ബോ​ർ​ഡു​ക​ൾ​ക്ക്​ ‘വ​ഴി​തെ​റ്റി​യ​തോ​ടെ’ യാ​ത്ര​ക്കാ​ർ ദു​രി​ത​ത്തി​ൽ. ജി​ല്ല​യു​ടെ പ​ല ഭാ​ഗ​ങ്ങ​ളി​ലും സ്ഥാ​പി​ച്ചി​രി​ക്കു​ന്ന ബോ​ർ​ഡു​ക​ളി​ലെ അ​ക്ഷ​ര​ങ്ങ​ൾ മാ​ഞ്ഞു​പോ​യി. ഇ​തോ​ടെ സ്ഥ​ലം തി​രി​ച്ച​റി​യാ​നാ​കാ​ത്ത സ്ഥി​തി​യാ​ണ്. ഇ​ത്​ ദൂ​ര​സ്ഥ​ല​ങ്ങ​ളി​ൽ​നി​ന്നെ​ത്തു​ന്ന വാ​ഹ​ന​യാ​ത്ര​ക്കാ​​രെ​യാ​ണ്​​ ഏ​റെ​ ബു​ദ്ധി​മു​ട്ടി​ലാ​ക്കു​ന്ന​ത്. പ​കു​തി സ്ഥ​ല​ങ്ങ​ൾ മാ​ഞ്ഞു​പോ​യ ബോ​ർ​ഡു​ക​ളു​മു​ണ്ട്. ചി​ല​യി​ട​ങ്ങ​ളി​ൽ കാ​ട്ടു​വ​ള്ളി​ച്ചെ​ടി​ക​ൾ ബോ​ർ​ഡു​ക​ളി​ൽ നി​റ​ഞ്ഞി​രി​ക്കു​ക​യാ​ണ്. ചി​ല​ത്​ വാ​ഹ​ന​ങ്ങ​ൾ ഇ​ടി​ച്ച്​ ത​ക​ർ​ന്ന നി​ല​യി​ലാ​ണ്. ചി​ല സ്ഥ​ല​ത്ത് ബോ​ർ​ഡു​ണ്ടെ​ങ്കി​ലും ആ​ളു​ക​ളു​ടെ ശ്ര​ദ്ധ​യി​ൽ​പ്പെ​ടാ​ത്ത വി​ധ​മാ​ണ്​ സ്ഥാ​പി​ച്ചി​രി​ക്കു​ന്ന​ത്.

വി​ദേ​ശി​ക​ള​ട​ക്കം വി​നോ​ദ​സ​ഞ്ചാ​രി​ക​ൾ ഏ​റെ​യെ​ത്തു​ന്ന കു​മ​ര​ക​ത്തെ ബോ​ർ​ഡു​ക​ൾ പ​ല​തും മാ​ഞ്ഞ നി​ല​യി​ലാ​ണ്. ചി​ല​തി​ൽ കാ​ട്ടു​വ​ള്ളി​ക​ൾ നി​റ​ഞ്ഞ​തോ​ടെ​ കാ​ണാ​നാ​കാ​ത്ത സ്ഥി​തി​യാ​ണ്. കു​മ​ര​ക​ത്ത്​ ഒ​രു ബോ​ർ​ഡ്​ പാ​തി ത​ക​ർ​ന്ന നി​ല​യി​ലാ​ണ്. മ​റ്റ്​ ചി​ല​യി​ട​ങ്ങ​ളി​ലും ബോ​ർ​ഡു​ക​ൾ ദി​ശ​യി​ല്ലാ​തെ നി​ൽ​പ്പു​ണ്ട്.

കു​മ​ര​കം കോ​ണ​ത്താ​റ്റ്​ പാ​ല​ത്തി​ന്‍റെ സ​മീ​പ​ത്തു​ള്ള ബോ​ർ​ഡു​ക​ളു​ടെ അ​ക്ഷ​ര​ങ്ങ​ൾ ഇ​ള​കി​മാ​റി​യ നി​ല​യി​ലാ​ണ്. കോ​ട്ട​യം ചാ​ലു​കു​ന്നി​ൽ ബോ​ർ​ഡി​ലെ പെ​യി​ന്‍റ്​ ഇ​ള​കി സ്ഥ​ല​നാ​മ​ങ്ങ​ൾ വാ​യി​ക്കാ​ൻ ക​ഴി​യാ​ത്ത സ്ഥി​തി​യാ​ണ്. കോ​ട്ട​യം മെ​ഡി​ക്ക​ൽ കോ​ള​ജി​​ലേ​ക്കു​ള്ള പ​ല ബോ​ർ​ഡു​ക​ളു​ടെ സ്ഥി​തി​യും സ​മാ​ന​മാ​ണ്. കോ​ട്ട​യം മ​ണി​പ്പു​ഴ​യി​ലെ ബോ​ർ​ഡി​ൽ ചെ​ളി നി​റ​ഞ്ഞി​രി​ക്കു​ന്നു.

ത​ണ്ണീ​ർ​മു​ക്കം ബ​ണ്ടി​ന്​ സ​മീ​പ​ഭാ​ഗ​ങ്ങ​ളി​ലും ദി​ശാ​സൂ​ച​ക​ങ്ങ​​ളെ മ​റ​ച്ച്​ ഇ​ല​ക​ളും മ​ര​ങ്ങ​ളും നി​റ​ഞ്ഞു​നി​ൽ​ക്കു​ക​യാ​ണ്. ചി​ല​യി​ട​ങ്ങ​ളി​ൽ ബോ​ർ​ഡ് തു​രു​മ്പെ​ടു​ത്ത നി​ല​യി​ലാ​ണ്. തു​രു​മ്പെ​ടു​ത്ത് കാ​ല​പ്പ​ഴ​ക്കം ചെ​ന്ന ബോ​ർ​ഡു​ക​ൾ മാ​റ്റി സ്ഥാ​പി​ക്ക​ണ​മെ​ന്നും വ​ള്ളി​ച്ചെ​ടി​ക​ൾ വെ​ട്ടി​മാ​റ്റ​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു.