റിവർവ്യൂ റോഡ് തകർന്ന് യാത്രാദുരിതം

പാലാ: റിവർവ്യൂ റോഡിലൂടെയുള്ള യാത്ര ദുരിതമായി. റോഡിന്റെ വിവിധ ഭാഗങ്ങൾ തകർന്നുകിടക്കാൻ തുടങ്ങിയിട്ട് നാളുകളായി. ഗർത്തങ്ങൾ രൂപപ്പെട്ടതോടെ ഗതാഗതക്കുരുക്കും പതിവാണ്.

സ്റ്റേഡിയം ജങ്ഷൻ, ടൗൺ ബസ്സ്റ്റാൻഡ്, വലിയപാലത്തിന് താഴെ എന്നിവിടങ്ങളിലെ റോഡാണ് കുണ്ടും കുഴിയുമായി കിടക്കുന്നത്. പ്രധാന റോഡ് വൺവേ ആയതിനാൽ ഈരാറ്റുപേട്ട-തൊടുപുഴ ഭാഗങ്ങളിൽനിന്നുൾപ്പെടെ നൂറുകണക്കിന് വാഹനങ്ങളാണ് ദിവസവും ഇതുവഴി പോകുന്നത്. സ്വകാര്യ ബസുകളും റിവർ റോഡ് വഴിയാണ് പോകുന്നത്.

നഗരത്തിലെ പ്രധാന റോഡ് പൊട്ടിപ്പൊളിഞ്ഞ് കിടക്കുന്നത് ഗതാഗതക്കുരുക്കിനും ഇടയാക്കുന്നുണ്ട് അധികൃതർ ഉടൻ നടപടി സ്വീകരിക്കണമെന്നാണ് യാത്രക്കാരുടെ ആവശ്യം.