പാലാ ജനറൽ ആശുപത്രിയിൽ നെഫ്രോളജിസ്റ്റ് എത്തും

പാ​ലാ: കെ.​എം. മാ​ണി സ്മാ​ര​ക ഗ​വ. ജ​ന​റ​ൽ ആ​ശു​പ​ത്രി​യി​ൽ ഒ​രു ചി​കി​ത്സാ​വി​ഭാ​ഗം കൂ​ടി ആ​രം​ഭി​ക്കാ​ൻ ന​ട​പ​ടി. വൃ​ക്ക​രോ​ഗ ചി​കി​ത്സ ആ​രം​ഭി​ക്കു​ന്ന​തി​ന്​ നെ​ഫ്രോ​ള​ജി​സ്റ്റി​നെ ആ​രോ​ഗ്യ​വ​കു​പ്പ് പാ​ലാ​യി​ലേ​ക്ക് നി​യോ​ഗി​ച്ച​താ​യി ജോ​സ് കെ. ​മാ​ണി എം.​പി അ​റി​യി​ച്ചു. ഇ​തോ​ടൊ​പ്പം കൂ​ടു​ത​ൽ ഡ​യാ​ലി​സി​സു​ക​ൾ ന​ട​ത്താ​ൻ ക​ഴി​യു​മെ​ന്നും അ​ദ്ദേ​ഹം പ​റ​ഞ്ഞു.

10 മെ​ഷീ​നു​ക​ൾ ഉ​പ​യോ​ഗി​ച്ച് ഇ​പ്പോ​ൾ ര​ണ്ട്​ ഷി​ഫ്​​റ്റി​ലാ​യി ന​ട​ത്തു​ന്ന ഡ​യാ​ലി​സി​സ് മ​റ്റ്​ സൗ​ക​ര്യ​ങ്ങ​ൾ​കൂ​ടി ക്ര​മീ​ക​രി​ച്ചാ​ൽ മൂ​ന്നാം ഷി​ഫ്​​റ്റ് കൂ​ടി ആ​രം​ഭി​ക്കാം. ഇ​തോ​ടെ കൂ​ടു​ത​ൽ നി​ർ​ധ​ന​ർ​ക്ക് സൗ​ജ​ന്യ ഡ​യാ​ലി​സി​സ് ഉ​റ​പ്പു​വ​രു​ത്താ​ൻ ക​ഴി​യു​മെ​ന്നും അ​ദ്ദേ​ഹം പ​റ​ഞ്ഞു. ഇ​തോ​ടൊ​പ്പം സ​ങ്കീ​ർ​ണ​മാ​യ ജു​ഗു​ലാ​ർ ക​ത്തീ​റ്റ​ർ ഡ​യാ​ലി​സി​സു​ക​ളും ത​ട​സ്സ​മി​ല്ലാ​തെ ന​ട​ത്താ​ൻ ക​ഴി​യും.

ഇ​വി​ടെ ഡ​യാ​ലി​സി​സ് വി​ഭാ​ഗ​ത്തി​ന് മേ​ൽ​നോ​ട്ടം വ​ഹി​ച്ചി​രു​ന്ന ഡോ​ക്ട​ർ പൊ​തു​സ്ഥ​ലം മാ​റ്റ​ത്തി​ൽ മാ​റി​പ്പോ​യ​തി​നാ​ൽ ഡ​യാ​ലി​സി​സ് വി​ഭാ​ഗം പ്ര​തി​സ​ന്ധി​യി​ലാ​യി​രു​ന്നു. പോ​സ്റ്റ്മോ​ർ​ട്ടം വി​ഭാ​ഗ​ത്തി​ലും സ്ഥി​രം ഡോ​ക്ട​റെ ല​ഭ്യ​മാ​ക്കി​യി​ട്ടു​ള്ള​താ​യി അ​ദ്ദേ​ഹം പ​റ​ഞ്ഞു.സ്ഥ​ലം മാ​റ്റ​പ്പെ​ട്ട നേ​ത്ര​രോ​ഗ വി​ഭാ​ഗ​ത്തി​ലെ ഡോ​ക്ട​ർ​ക്ക് പ​ക​രം എ​ത്ര​യും വേ​ഗം നേ​ത്ര​വി​ഭാ​ഗം ക​ൺ​സ​ൾ​ട്ട​ന്‍റി​നെ നി​യ​മി​ക്ക​ണ​മെ​ന്നും ഹൃ​ദ്രോ​ഗ വി​ഭാ​ഗ​ത്തി​ൽ സ്ഥി​രം ഡോ​ക്ട​റെ നി​യ​മി​ക്ക​ണ​മെ​ന്നും ആ​വ​ശ്യ​പ്പെ​ട്ട​താ​യും ജോ​സ്​ കെ. ​മാ​ണി പ​റ​ഞ്ഞു.