ജില്ലയിൽ ഭീതിപടർത്തി​ ‘കുറുനരികൾ’?

കോ​ട്ട​യം: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ‘കു​റു​ന​രി​ക​ൾ’ എ​ന്ന് സം​ശ​യം ജ​നി​പ്പി​ക്കു​ന്ന ജീ​വി​ക​ളു​ടെ സാ​ന്നി​ധ്യം പ്ര​ക​ടം. ഇ​ത്​ ജ​ന​ങ്ങ​ളി​ൽ ഭീ​തി​യു​ണ​ത്തി. ആ​ദ്യ കാ​ഴ്ച​യി​ൽ നാ​യാ​ണെ​ന്ന്​ തോ​ന്നി​പ്പി​ക്കു​ം. ഇ​വ മ​നു​ഷ്യ​രെ​യും വ​ള​ർ​ത്തു​മൃ​ഗ​ങ്ങ​ളെ​യും ആ​ക്ര​മി​ക്കു​ന്നെ​ന്നും പ​റ​യ​പ്പെ​ടു​ന്നു. അ​ടു​ത്തി​ടെ ജി​ല്ല​യി​ലെ പ​ല ഭാ​ഗ​ങ്ങ​ളി​ലെ​യും കോ​ഴി​വ​ള​ർ​ത്ത​ൽ കേ​ന്ദ്ര​ങ്ങ​ളി​ൽ ക​യ​റി കോ​ഴി​ക​ളെ കൂ​ട്ട​ക്കൊ​ല ചെ​യ്ത​തും ഈ ​വി​ഭാ​ഗ​ത്തി​ൽ​പെ​ട്ട മൃ​ഗ​ങ്ങ​ളാ​ണെ​ന്നും ആ​ക്ഷേ​പ​മു​ണ്ട്.

ഏ​ഴ്​ വ​ർ​ഷ​ത്തി​ലേ​റെ​യാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ കു​റു​ന​രി​യു​ടെ സ​ജീ​വ​സാ​ന്നി​ധ്യം പ്ര​ക​ട​മാ​ണ്. അ​ന്ന്​ കാ​ഴ്ച​യി​ൽ വ​ള​രെ കു​ഞ്ഞാ​യി​രു​ന്നു ഇ​വ​യി​ൽ ഏ​റെ​യും. എ​ന്നാ​ൽ, കു​റ​ച്ചു​കാ​ല​ങ്ങ​ളാ​യി മു​മ്പ്​ ക​ണ്ടി​രു​ന്ന​വ​യി​ൽ​നി​ന്ന്​ വ്യ​ത്യ​സ്ത​മാ​യ കു​റു​ന​രി​ക​ളെ​യാ​ണ്​ കാ​ണു​ന്ന​തെ​ന്ന്​ ആ​ളു​ക​ൾ ചൂ​ണ്ടി​ക്കാ​ട്ടു​ന്നു. പ​ണ്ട്​ കു​റു​ന​രി​ക​ൾ മ​നു​ഷ്യ​രെ ക​ണ്ടാ​ൽ ഓ​ടി​യൊ​ളി​ക്കു​ക​യാ​യി​രു​ന്നു പ​തി​വ്. ഇ​ന്ന്​ അ​തി​ൽ മാ​റ്റം വ​ന്നെ​ന്നും​ അ​വ​ർ പ​റ​യു​ന്നു. ഓ​ടി ഒ​ളി​ക്കു​ന്ന​തി​ന്​ പ​ക​രം ഈ ​ജീ​വി​ക​ൾ പ​ല​പ്പോ​ഴും മ​നു​ഷ്യ​രെ ആ​ക്ര​മി​ക്കാ​ൻ ത​യാ​റാ​കു​ന്നു​ണ്ട​ത്രേ.

സാ​ധാ​ര​ണ ക​ണ്ടു​വ​ന്ന​വ​യേ​ക്കാ​ൾ ഉ​യ​ര​വും മ​നു​ഷ്യ​രെ ക​ണ്ടാ​ൽ തി​രി​ഞ്ഞോ​ടാ​തെ നി​ൽ​ക്കു​ക​യും ചെ​യ്യു​ന്ന കു​റു​ന​രി​ക​ളെ​യാ​ണ്​ ഇ​പ്പോ​ൾ മി​ക്ക​യി​ട​ങ്ങ​ളി​ലും കാ​ണു​ന്ന​ത്. പ​ക​ലെ​ന്നോ രാ​വെ​ന്നോ വ്യ​ത്യാ​സ​മി​ല്ലാ​തെ ഈ ​ജീ​വി​ക​ൾ സ്വൈ​ര​വി​ഹാ​രം ന​ട​ത്തു​ക​യാ​ണെ​ന്നും നാ​ട്ടു​കാ​ർ പ​റ​യു​ന്നു. പ​ണ്ട്​ കു​റു​ന​രി​ക​ൾ രാ​ത്രി​കാ​ല​ങ്ങ​ളി​ലാ​ണ്​ ഏ​റെ​യും പു​റ​ത്തി​റ​ങ്ങി​യി​രു​ന്ന​ത്. പൊ​ന്ത​ക്കാ​ടു​ക​ളി​ലാ​യി​രു​ന്നു അ​വ​ർ ഒ​ളി​ച്ചി​രു​ന്ന​തും.

വ​ന്യ​ജീ​വി മേ​ഖ​ല​യി​ലെ വി​ദ​ഗ്​​ധ​ർ വി​ഷ​യ​ത്തി​ൽ പ​ഠ​നം ന​ട​ത്തി ജ​ന​ങ്ങ​ളു​ടെ ആ​ശ​ങ്ക ദൂ​രീ​ക​രി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്. ‘ഹൈ​ബ്രി​ഡ് കു​റു​ന​രി​ക​ൾ’ എ​ന്ന് സം​ശ​യി​ക്കു​ന്ന ത​രം കു​റു​ന​രി​യെ ക​ഴി​ഞ്ഞ ദി​വ​സം നെ​ടു​ങ്ങോ​ട്ട്മ​ല​ക്ക് സ​മീ​പം ക​ണ്ട​താ​യും ചൂ​ണ്ടി​ക്കാ​ണി​ക്കു​ന്നു. അ​ടു​ത്തി​ടെ ജി​ല്ല​യി​ൽ പ​ല​യി​ട​ങ്ങ​ളി​ലും നാ​യ്​​ക്ക​ളു​ടെ ആ​​ക്ര​മ​ണ​ങ്ങ​ളും കൂ​ട്ട​ത്തോ​ടെ​യു​ള്ള സാ​ന്നി​ധ്യ​വും പ്ര​ക​ട​മാ​ണ്. മ​നു​ഷ്യ​രെ​യും മൃ​ഗ​ങ്ങ​ളെ​യും ആ​ക്ര​മി​ക്കു​ന്ന തെ​രു​വു​നാ​യ്ക്ക​ൾ എ​ന്ന ഗ​ണ​ത്തി​ൽ ഇ​ത്ത​രം ഹൈ​ബ്രി​ഡ്​ കു​റു​ന​രി​ക​ൾ ക​ട​ന്നു​കൂ​ടി​യി​ട്ടു​ണ്ടോ എ​ന്ന ആ​ശ​ങ്ക​യു​മു​ണ്ട്. നാ​യ്​​ക്ക​ളേ​ക്കാ​ൾ വ​ലു​പ്പ​വും ആ​ക്ര​മ​ണ​കാ​രി​ക​ളു​മാ​ണ്​ ഇ​പ്പോ​ൾ കാ​ണ​പ്പെ​ടു​ന്ന ജീ​വി​യെ​ന്നും പ​റ​യ​പ്പെ​ടു​ന്നു.

നാ​ളു​ക​ളാ​യി മ​നു​ഷ്യ​ർ​ക്കു​നേ​രെ ന​ട​ന്ന ആ​ക്ര​മ​ണ​ങ്ങ​ളു​ടെ സ്വ​ഭാ​വം എ​ടു​ത്താ​ൽ കു​റു​ന​രി​ക​ളു​ടെ സാ​ന്നി​ധ്യ​മു​ണ്ടെ​ന്ന സം​ശ​യം ബ​ല​പ്പെ​ടു​ത്തു​ന്ന​താ​ണ്. അ​തി​നാ​ൽ തെ​രു​വു​നാ​യ്​​ക്ക​ളു​ടെ ഗ​ണ​ത്തി​ൽ ഈ ​ജീ​വി​ക​ൾ ഉ​ൾ​പ്പെ​ട്ടി​ട്ടു​ണ്ടോ​യെ​ന്ന പ​ഠ​ന​വും ആ​വ​ശ്യ​മാ​ണെ​ന്ന്​ ചൂ​ണ്ടി​ക്കാ​ട്ടു​ന്നു. ഇ​തി​ൽ വ്യ​ക്ത​ത വ​രു​ത്താ​ൻ അ​ധി​കൃ​ത​രു​ടെ അ​ടി​യ​ന്ത​ര ഇ​ട​പെ​ട​ൽ വേ​ണ​മെ​ന്ന ആ​വ​ശ്യം ശ​ക്ത​മാ​കു​ക​യാ​ണ്.