അസൗകര്യങ്ങൾക്ക്​ കയറിയിറങ്ങാനൊരു റെയിൽവേ സ്​റ്റേഷൻ

കോ​ട്ട​യം: കേ​ര​ള​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട റെ​യി​ൽ​വേ സ്​​റ്റേ​ഷ​നു​ക​ളി​ൽ ഒ​ന്നാ​ണ്​ കോ​ട്ട​യം. പ​ക്ഷേ, അ​വി​ടെ ഇ​പ്പോ​ൾ ക​യ​റി​യി​റ​ങ്ങി​പ്പോ​കു​ന്ന​ത്​ അ​സൗ​ക​ര്യ​ങ്ങ​ൾ മാ​ത്രം. ശ​ബ​രി​മ​ല മ​ണ്ഡ​ല​കാ​ല​ത്ത്​ ദ​ക്ഷി​ണേ​ന്ത്യ​യി​ൽ നി​ന്നും വ​ട​ക്കേ​യി​ന്ത്യ​യി​ൽ നി​ന്നു​പോ​ലും തീ​ർ​ഥാ​ട​ക​ർ വ​ന്നി​റ​ങ്ങു​ന്ന പ്ര​ധാ​ന സ്​​റ്റേ​ഷ​നാ​യ കോ​ട്ട​യം അ​സൗ​ക​ര്യ​ങ്ങ​ളു​ടെ ന​ടു​വി​ൽ വീ​ർ​പ്പു​മു​ട്ടു​ന്നു.

കേ​ര​ള​ത്തി​ലെ ചെ​റു​തും വ​ലു​തു​മാ​യ റെ​യി​ൽ​വേ സ്​​റ്റേ​ഷ​നു​ക​ൾ ദ്രുത​ഗ​തി​യി​ൽ ന​വീ​ക​രി​ച്ചു​കൊ​ണ്ടി​രി​ക്കു​മ്പോ​ഴാ​ണ്​ പൗ​രാ​ണി​ക ച​രി​ത്രം പേ​റു​ന്ന കോ​ട്ട​യം റെ​യി​ൽ​വേ സ്​​റ്റേ​ഷ​ൻ മു​ട്ടി​ലി​ഴ​യു​ന്ന​ത്. ഓ​രോ ശ​ബ​രി​മ​ല സീ​സ​ണി​ലും പ​തി​നാ​യി​ര​ങ്ങ​ൾ കോ​ട്ട​യം റെ​യി​ൽ​വേ സ്​​റ്റേ​ഷ​നി​ൽ വ​ന്നി​റ​ങ്ങു​ന്നു.

പ്ര​ധാ​ന​മാ​യും ആ​ന്ധ്ര, ക​ർ​ണാ​ട​ക, ത​മി​ഴ്​​നാ​ട്​ എ​ന്നി​വി​ട​ങ്ങ​ളി​ൽ​നി​ന്ന്​ ഇ​വി​ടെ ഇ​റ​ങ്ങു​ന്ന അ​യ്യ​പ്പ​ഭ​ക്​​ത​ർ കെ.​എ​സ്.​ആ​ർ.​ടി.​സി ബ​സി​ലും മ​റ്റ്​ വാ​ഹ​ന​ങ്ങ​ളി​ലും ക​യ​റി പ​മ്പ​യി​ലേ​ക്ക്​ പോ​കു​ന്നു. മ​ല​യോ​ര മേ​ഖ​ല​യി​ലേ​ക്കു​ള്ള പ്ര​ധാ​ന സ്​​റ്റേ​ഷ​നാ​യി​ട്ടും തി​ക​ഞ്ഞ അ​വ​ഗ​ണ​ന​യാ​ണ്​ കോ​ട്ട​യം റെ​യി​ൽ​വേ സ്​​റ്റേ​ഷ​ന്. പ്ര​ധാ​ന ക​വാ​ടം ക​ട​ക്കു​ന്ന​തു മു​ത​ൽ അ​വ​ഗ​ണ​ന​യു​ടെ അ​ട​യാ​ള​ങ്ങ​ൾ ക​ണ്ണി​ൽ പ​തി​ഞ്ഞു​തു​ട​ങ്ങും.

പൊ​ളി​ഞ്ഞ ന​ട​പ്പാ​ത​ക​ൾ

റെ​യി​ൽ​വേ സ്​​റ്റേ​ഷ​നി​ലേ​ക്കു​ള്ള വ​ഴി​യും ന​ട​പ്പാ​ത​ക​ളും പൊ​ട്ടി​പ്പൊ​ളി​ഞ്ഞു കി​ട​ക്കാ​ൻ തു​ട​ങ്ങി​യി​ട്ട്​ നാ​ളു​ക​ളാ​യി. ന​ട​പ്പാ​ത​യി​ലെ ഇ​ള​കി കി​ട​ക്കു​ന്ന ടൈ​ൽ​സു​ക​ളി​ൽ ത​ട്ടി പ​രി​ക്കേ​ൽ​ക്കു​ന്ന​ത്​ നി​ത്യ​സം​ഭ​വം. സ്​​റ്റേ​ഷ​ൻ വ​ള​പ്പി​ലെ റോ​ഡ്​ ടാ​ർ ചെ​യ്യാ​താ​യി​ട്ടും കാ​ല​മേ​റെ​യാ​യി. ഓ​ട്ടോ​റി​ക്ഷ​ക​ളും വാ​ഹ​ന​ങ്ങ​ളും ത​ല​ങ്ങും വി​ല​ങ്ങും പാ​യു​ന്ന മു​റ്റ​ത്തെ പൊ​ളി​ഞ്ഞ റോ​ഡു​ക​ൾ കാ​ൽ​ന​ട​ക്കാ​ർ​ക്കാ​ണ്​ ഭീ​ഷ​ണി.

പൊ​ട്ടി​യ​ട​ർ​ന്ന കോ​ൺ​ക്രീ​റ്റ്​ മു​റ്റ​ത്ത്​ വീ​ണ്​ പ്രാ​യ​മാ​യ യാ​ത്ര​ക്കാ​ർ​ക്കാ​ണ്​ പ​രി​ക്കേ​ൽ​ക്കു​ന്ന​ത്. റോ​ഡി​ൽ മു​ഖ​മ​ടി​ച്ചു വീ​ണ്​ പ​രി​ക്കേ​ൽ​ക്കു​ന്ന​ത്​ പ​തി​വാ​ണെ​ന്ന്​ ഓ​ട്ടോ ഡ്രൈ​വ​ർ​മാ​ർ പ​റ​യു​ന്നു.

ലി​ഫ്​​റ്റു​മി​ല്ല, എ​സ്​​ക​ലേ​റ്റ​റു​മി​ല്ല

പ്ര​ധാ​ന ടി​ക്ക​ റ്റ്​ കൗ​ണ്ട​ർ പ്ര​വ​ർ​ത്തി​ക്കു​ന്ന​ത്​ റെ​യി​ൽ​വേ ട്രാ​ക്കി​ന്‍റെ നി​ര​പ്പി​ലും മു​ക​ളി​ല​ത്തെ നി​ല​യി​ലാ​ണ്. ഇ​വി​ടെ നി​ന്നും ര​ണ്ടാം പ്ലാ​റ്റ്​​ഫോ​മി​ലോ മൂ​ന്ന്​ നാ​ല്​ പ്ലാ​റ്റ്​​ഫോ​മു​ക​ളി​ലോ എ​ത്ത​ണ​മെ​ങ്കി​ൽ ടി​ക്ക​റ്റെ​ടു​ത്ത ശേ​ഷം പു​റ​ത്തി​റ​ങ്ങി തെ​ക്കു​ഭാ​ഗ​ത്തു​ള്ള ഫു​ട്​ ഓ​വ​ർ ബ്രി​ഡ്ജ്​ ക​യ​റി അ​പ്പു​റ​മി​റ​ങ്ങ​ണം.

പ്രാ​യ​മാ​യ യാ​ത്ര​ക്കാ​രെ​യാ​ണ്​ ഇ​ത്​ ഏ​റെ വ​ല​യ്ക്കു​ന്ന​ത്. ഇ​നി കൗ​ണ്ട​റി​ൽ​നി​ന്ന്​ ഒ​ന്നാം പ്ലാ​റ്റ്​​ഫോ​മി​​ലെ​ത്ത​ണ​മെ​ങ്കി​ൽ അ​തി​നെ​ക്കാ​ൾ പാ​ടാ​ണ്. ത​റ​നി​ര​പ്പി​നും താ​ഴെ​യു​ള്ള ഒ​ന്നാം പ്ലാ​റ്റ്​​ഫോ​മി​ലെ​ത്താ​ൻ സ്​​റ്റെ​പ്പു​ക​ൾ ഇ​റ​ങ്ങ​ണം. വ​ല​തു​വ​ശ​ത്താ​യി ഒ​രു എ​സ്ക​ലേ​റ്റ​റു​ണ്ടെ​ങ്കി​ലും അ​ത്​ ഒ​ന്നാം പ്ലാ​റ്റ്​​ഫോ​മി​ലേ​ക്ക്​ ഇ​റ​ങ്ങാ​നു​ള്ള​ത​ല്ല, അ​വി​ടെ നി​ന്ന്​ മു​ക​ളി​ലെ ​പ്ര​ധാ​ന ക​വാ​ട​ത്തി​ലേ​ക്ക്​ ക​യ​റാ​നു​ള്ള​താ​ണ്. അ​തു​ത​ന്നെ അ​പൂ​ർ​വ​മാ​യേ പ്ര​വ​ർ​ത്തി​ക്കു​ന്നു​മു​ള്ളു. ഒ​ന്നും ര​ണ്ടും പ്ലാ​റ്റ്​​ഫോ​മു​ക​ളെ ബ​ന്ധി​പ്പി​ക്കാ​ൻ ഓ​രോ ലി​ഫ്​​റ്റു​ക​ൾ ഉ​ണ്ടെ​ങ്കി​ലും ഇ​തും മി​ക്ക​പ്പോ​ഴും പ്ര​വ​ർ​ത്തി​ക്കാ​റി​ല്ല. രോ​ഗി​ക​ളും പ്രാ​യ​മാ​യ​വ​രും ഇ​തു​മൂ​ലം ക​ഷ്ട​പ്പെ​ടു​ന്നു.

കൗ​ണ്ട​റി​ൽ ആ​ൾ​ക്ഷാ​മം

തി​ര​ക്കേ​റി​യ സ​മ​യ​ങ്ങ​ളി​ൽ പോ​ലും ടി​ക്ക​റ്റ്​ കൗ​ണ്ട​റു​ക​ളി​ൽ ജീ​വ​ന​ക്കാ​രി​ല്ലാ​ത്ത​ത്​ യാ​ത്ര​ക്കാ​ർ​ക്കു​ണ്ടാ​ക്കു​ന്ന ബു​ദ്ധി​മു​ട്ട്​ ചി​ല്ല​റ​യ​ല്ല. ദി​വ്യാം​ഗ​രു​ടേ​ത​ട​ക്കം അ​ഞ്ച്​ കൗ​ണ്ട​റു​ക​ൾ ഉ​ണ്ടെ​ങ്കി​ലും ഏ​റ്റ​വും തി​ര​ക്കേ​റി​യ രാ​വി​ലെ​യും ഉ​ച്ച​ക്കു ശേ​ഷ​മു​ള്ള സ​മ​യ​ത്തും ഒ​രു കൗ​ണ്ട​ർ മാ​ത്ര​മാ​യി​രി​ക്കും പ്ര​വ​ർ​ത്തി​ക്കു​ക. എ​റ​ണാ​കു​ളം ഭാ​ഗ​ത്തേ​ക്ക്​ രാ​വി​ലെ ഏ​റ്റ​വും കൂ​ടു​ത​ൽ യാ​ത്ര​ക്കാ​ർ ഉ​ള്ള​ത്​ പാ​ല​രു​വി, വേ​ണാ​ട്, പ​ര​ശു എ​ന്നീ ട്രെ​യി​നു​ക​ൾ​ക്കാ​ണ്.

കൊ​ല്ലം-​തി​രു​വ​ന​ന്ത​പു​രം ഭാ​ഗ​ത്തേ​ക്ക്​ മെ​മു, തി​രു​വ​ന​ന്ത​പു​രം മെ​യി​ൽ, ക​ന്യാ​കു​മാ​രി എ​ക്സ്​​പ്ര​സ്, മ​ധു​രൈ എ​ക്സ്​​പ്ര​സ്​ തു​ട​ങ്ങി​യ​വ​യാ​ണ്​ രാ​വി​ലെ കൂ​ടു​ത​ൽ യാ​​ത്ര​ക്കാ​രു​ള്ള​ത്. ഈ ​സ​മ​യ​ത്താ​വ​ട്ടെ ഒ​ന്നോ ര​ണ്ടോ ടി​ക്ക​റ്റ്​ കൗ​ണ്ട​റു​ക​ൾ മാ​ത്ര​മാ​യി​രി​ക്കും പ്ര​വ​ർ​ത്തി​ക്കു​ക. ഇ​തു​കാ​ര​ണം, അ​ൺ റി​സ​ർ​വ്​​ഡ്​ ടി​ക്ക​റ്റു​ക​ൾ​ക്കാ​യി സ്വ​കാ​ര്യ ഏ​ജ​ൻ​സി​ക​ൾ ന​ട​ത്തു​ന്ന കൗ​ണ്ട​റു​ക​ളി​ൽ ന​ല്ല തി​ര​ക്കു​ണ്ടാ​വു​ക​യും ചെ​യ്യു​ന്നു.

മേ​ൽ​ക്കൂ​ര​യൊ​ക്കെ സ​ങ്ക​ൽ​പ​മ​ല്ലേ..!

ആ​റ്​ പ്ലാ​റ്റ്​​ഫോ​മു​ക​ളു​ണ്ട്​ കോ​ട്ട​യം റെ​യി​ൽ​വേ സ്​​റ്റേ​ഷ​നി​ൽ. പ​ക്ഷേ, ഒ​ന്നി​നും പൂ​ർ​ണ​മാ​യ മേ​ൽ​ക്കൂ​ര​യി​ല്ല. ഒ​ന്നം പ്ലാ​റ്റ്​​ഫോ​മി​ലെ കോ​ച്ച്​ പൊ​സി​ഷ​ൻ നാ​ല്​ മു​ത​ൽ എ​ട്ടു​വ​രെ ഭാ​ഗ​ത്തും ര​ണ്ടാം പ്ലാ​റ്റ്​​ഫോ​മി​ൽ കോ​ച്ച്​ പൊ​സി​ഷ​ൻ 18 മു​ത​ൽ 24 വ​രെ​യും മേ​ൽ​ക്കൂ​ര​യി​ല്ല. മ​റ്റ്​ പ്ലാ​റ്റ്​​ഫോ​മു​ക​ളി​ൽ മേ​ൽ​ക്കൂ​ര പേ​രി​നു മാ​ത്രം. മ​ഴ​ക്കാ​ല​ത്ത്​ മാ​ത്ര​മ​ല്ല വേ​ന​ൽ​ക്കാ​ല​ത്തും ഈ ​മേ​ൽ​ക്കൂ​ര​യി​ല്ലാ​ത്ത പ്ലാ​റ്റ്​​ഫോ​മു​ക​ളി​ൽ വ​ണ്ടി കാ​ത്തു​നി​ൽ​ക്കു​ന്ന​വ​ർ ക​ഷ്ട​പ്പെ​ടു​ന്നു.

അ​വ​സാ​നി​ക്കാ​ത്ത പ​ണി

എ​ത്ര​യോ കാ​ല​മാ​യി കോ​ട്ട​യം റെ​യി​ൽ​വേ സ്​​റ്റേ​ഷ​നി​ൽ അ​റ്റ​കു​റ്റ​പ്പ​ണി ന​ട​ക്കാ​ൻ തു​ട​ങ്ങി​യി​ട്ട്. പ്ലാ​റ്റ്​​ഫോ​മു​ക​ളി​ലെ ടൈ​ലു​ക​ൾ മാ​റ്റി സ്ഥാ​പി​ക്കാ​നു​ള്ള പ​ണി ഇ​ഴ​ഞ്ഞാ​ണ്​ നീ​ങ്ങു​ന്ന​ത്. ഒ​ന്നാം പ്ലാ​റ്റ്​​ഫോ​മി​ൽ മാ​ത്രം ഒ​രു​വി​ധം പ​ണി ക​ഴി​ച്ചി​ട്ടു​ണ്ട്. മ​റ്റ്​ പ്ലാ​റ്റ്​​ഫോ​മു​ക​ളി​ലെ പ​ണി എ​ന്നു തീ​രു​മെ​ന്ന​റി​യാ​ത്ത അ​നി​ശ്​​ചി​ത​ത്വ​ത്തി​ൽ ഇ​ഴ​യു​ന്നു. ര​ണ്ടാം പ്ലാ​റ്റ്ഫോ​മി​ൽ വ​ന്നി​റ​ങ്ങു​ന്ന യാ​ത്ര​ക്കാ​രാ​ണ്​ അ​വ​സാ​നി​ക്കാ​ത്ത പ​ണി കാ​ര​ണം ഏ​റെ ബു​ദ്ധി​മു​ട്ടു​ന്ന​ത്. ശ​ബ​രി​മ​ല തീ​ർ​ഥാ​ട​ക​ർ ഏ​റ്റ​വും കൂ​ടു​ത​ൽ വ​ന്നി​റ​ങ്ങു​ന്ന​ത്​ ര​ണ്ടാം പ്ലാ​റ്റ്​​ഫോ​മി​ലാ​ണ്.

അ​സൗ​ക​ര്യ​ങ്ങ​ൾ മാ​ത്രം

ആ​വ​ശ്യ​ത്തി​ന്​ ​ശൗ​ചാ​ല​യ​ങ്ങ​ളി​ല്ല. കു​ടി​വെ​ള്ള വി​ത​ര​ണ​ത്തി​ന്​ സം​വി​ധാ​ന​മി​ല്ല. മൊ​ബൈ​ലു​ക​ൾ ചാ​ർ​ജ്​ ചെ​യ്യു​ന്ന പോ​ർ​ട്ടു​ക​ൾ ഒ​ന്നാം പ്ലാ​റ്റ്​​ഫോ​മി​ൽ​ പോ​ലും പേ​രി​നു മാ​ത്രം. മ​റ്റ്​ പ്ലാ​റ്റ്​​ഫോ​മു​ക​ളി​ൽ അ​തു​മി​ല്ല.

യാ​ത്ര​ക്കാ​രു​ടെ ല​ഗേ​ജു​ക​ൾ സൂ​ക്ഷി​ക്കാ​ൻ സ്​​റ്റേ​ഷ​നു​ള്ളി​ൽ ക്ലോ​ക്ക്​ റൂ​മു​ക​ളി​ല്ല. പു​റ​ത്ത്​ പെ​ട്ടി​ക്ക​ട പോ​ലൊ​രു ചെ​റി​യ സം​വി​ധാ​നം മാ​ത്രം. അ​ങ്ങ​നെ പ​റ​ഞ്ഞാ​ൽ തീ​രാ​ത്ത​ത്ര​യും അ​സൗ​ക​ര്യ​ങ്ങ​ളു​ണ്ട്​ കോ​ട്ട​യം റെ​യി​ൽ​വേ സ്​​റ്റേ​ഷ​നി​ൽ.

എ​ൽ.​ഡി.​എ​ഫ്​ മാ​ർ​ച്ചും ധ​ർ​ണ​യും നടത്തി

കോ​ട്ട​യം: മ​ഹാ​ത്മാ​ഗാ​ന്ധി ദേ​ശീ​യ തൊ​ഴി​ലു​റ​പ്പ് പ​ദ്ധ​തി ഇ​ല്ലാ​താ​വു​ന്ന നി​യ​മ ഭേ​ദ​ഗ​തി പാ​ർ​ല​മെ​ന്റി​ൽ പാ​സാ​ക്കി​യ​ത് ന​ട​പ്പി​ൽ വ​രു​ത്ത​രു​തെ​ന്ന്​ സി.​പി.​എം സം​സ്ഥാ​ന സെ​ക്ര​ട്ടേ​റി​യ​റ്റ് മെം​ബ​ർ കെ.​കെ. ജ​യ​ച​ന്ദ്ര​ൻ ആ​വ​ശ്യ​പ്പെ​ട്ടു. തൊ​ഴി​ലു​റ​പ്പ് പ​ദ്ധ​തി ഭേ​ദ​ഗ​തി​ക്കെ​തി​രെ കോ​ട്ട​യ​ത്ത് എ​ൽ.​ഡി.​എ​ഫി​ന്റെ ആ​ഭി​മു​ഖ്യ​ത്തി​ൽ ന​ട​ത്തി​യ മാ​ർ​ച്ചും ധ​ർ​ണ​യും ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

മ​ഹാ​ത്മാ​ഗാ​ന്ധി ഇ​ന്ത്യ​യു​ടെ രാ​ഷ്ട്ര പി​താ​വാ​ണ്. അ​ദ്ദേ​ഹ​ത്തി​ന്റെ പേ​ര് മാ​റ്റു​ന്ന​ത് ഒ​രു​കാ​ര​ണ​വ​ശാ​ലും അം​ഗീ​ക​രി​ക്കാ​ൻ ക​ഴി​യി​ല്ല. പാ​ർ​ല​മെ​ന്റ് 2005ൽ ​പാ​സാ​ക്കി​യ തൊ​ഴി​ൽ അ​വ​കാ​ശ നി​യ​മ​ത്തി​ന് വി​രു​ദ്ധ​മാ​ണ് ഈ ​ഭേ​ദ​ഗ​തി. അ​ത് മാ​റ്റു​ന്ന​ത് നി​യ​മ​പ​ര​മ​ല്ലെ​ന്നും കെ.​കെ. ജ​യ​ച​ന്ദ്ര​ൻ പ​റ​ഞ്ഞു. സി.​പി.​ഐ ജി​ല്ല സെ​ക്ര​ട്ട​റി വി.​കെ. സ​ന്തോ​ഷ് കു​മാ​ർ അ​ധ്യ​ക്ഷ​ത വ​ഹി​ച്ചു.

എ​ൽ.​ഡി.​എ​ഫ് ജി​ല്ല ക​ൺ​വീ​ന​ർ പ്ര​ഫ. ലോ​പ്പ​സ് മാ​ത്യു, എ​ൽ.​ഡി.​എ​ഫ് നേ​താ​ക്ക​ളാ​യ അ​ഡ്വ. കെ. ​അ​നി​ൽ​കു​മാ​ർ, സി.​കെ. ശ​ശി​ധ​ര​ൻ, വി.​ബി. ബി​നു, രാ​ജീ​വ് നെ​ല്ലി​ക്കു​ന്നേ​ൽ, മാ​ത്യൂ​സ് ജോ​ർ​ജ്, ദി​ലീ​പ് കു​മാ​ർ, തോ​മ​സ് കാ​പ്പ​ൻ, ര​മേ​ശ് ബാ​ബു, ജോ​സ് പു​ത്ത​ൻ​കാ​ല, മാ​ത്തു​ക്കു​ട്ടി കു​ഴി​ഞ്ഞാ​ലി​ൽ, പി.​കെ. ആ​ന​ന്ദ​ക്കു​ട്ട​ൻ, രാ​ജു ആ​ല​പ്പാ​ട്ട്, ഫ്രാ​ൻ​സി​സ് തോ​മ​സ്, ജോ​ൺ വി. ​ജോ​സ​ഫ്, ജോ​ജി കു​റു​ത്തി​യാ​ട​ൻ, ജി​ല്ല പ​ഞ്ചാ​യ​ത്ത് മെം​ബ​ർ ജിം ​അ​ല​ക്സ്, ജോ​സ് ഇ​ട​വ​ഴി​ക്ക​ൽ, ബി. ​ശ​ശി​കു​മാ​ർ, ടോ​ണി കു​മ​ര​കം, ര​മ മോ​ഹ​ൻ തു​ട​ങ്ങി​യ​വ​ർ സം​സാ​രി​ച്ചു.

ദീ​ർ​ഘ​ദൂ​ര​മി​ല്ലാ​ത്ത ട്രെ​യി​നു​ക​ൾ

ആ​ദ്യ​കാ​ലം മു​ത​ൽ​ക്കു​ള്ള റെ​യി​ൽ​വേ സ്​​റ്റേ​ഷ​നാ​ണെ​ങ്കി​ലും കോ​ട്ട​യ​ത്തു​നി​ന്ന്​ പു​റ​പ്പെ​ടു​ന്ന ദീ​ർ​ഘ​ദൂ​ര​ട്രെ​യി​നു​ക​ൾ ഒ​റ്റ​യെ​ണ്ണ​മി​ല്ല. ശ​ബ​രി​മ​ല സീ​സ​ൺ കാ​ല​ത്ത്​ സ്​​പെ​ഷ​ൽ ട്രെ​യി​നു​ക​ൾ മാ​ത്ര​മാ​ണ്​ ദീ​ർ​ഘ​ദൂ​ര​ത്തേ​ക്ക്​ ഇ​വി​ടെ നി​ന്ന്​ പു​റ​പ്പെ​ടു​ന്ന​ത്. 15 ഡ​ബി​ൾ സ​ർ​വി​സു​ക​ളാ​യി 30 ​ട്രെ​യി​നു​ക​ൾ ഈ ​സീ​സ​ണി​ൽ സ്​​പെ​ഷ​ൽ സ​ർ​വീ​സ്​ ന​ട​ത്തു​ന്നു​ണ്ട്.

കോ​ട്ട​യ​ത്തു​നി​ന്നും ഏ​റ്റ​വും ദീ​ർ​ഘ ദൂ​ര​ത്തേ​ക്ക്​ സ​ർ​വി​സ്​ ന​ട​ത്തു​ന്ന​ത്​ അ​തി​രാ​വി​ലെ 5.15ന്​ ​പു​റ​പ്പെ​ടു​ന്ന കോ​ട്ട​യം-​നി​ല​മ്പൂ​ർ റോ​ഡ്​ ട്രെ​യി​ൻ മാ​ത്ര​മാ​ണ്. എ​റ​ണാ​കു​ളം വ​രെ സ​ർ​വി​സ് ന​ട​ത്തു​ന്ന ട്രെ​യി​നു​ക​ൾ കോ​ട്ട​യ​ത്തേ​ക്ക് നീ​ട്ട​ണ​മെ​ന്ന്​ കാ​ല​ങ്ങ​ളാ​യി ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും ഫ​ല​മൊ​ന്നു​മി​ല്ല.

എ​റ​ണാ​കു​ളം-​ബം​ഗ​ളൂ​രു ഇ​ന്റ​ർ​സി​റ്റി, കാ​ര​ക്ക​ൽ - എ​റ​ണാ​കു​ളം, ലോ​ക​മാ​ന്യ തി​ല​ക്-​എ​റ​ണാ​കു​ളം-​മ​ഡ്ഗാ​വ്, എ​റ​ണാ​കു​ളം–​പു​ണെ, ക​ണ്ണൂ​ർ –എ​റ​ണാ​കു​ളം എ​ന്നീ എ​ക്സ്​​പ്ര​സ് ട്രെ​യി​നു​ക​ൾ കോ​ട്ട​യം​വ​രെ നീ​ട്ട​ണ​മെ​ന്ന ആ​വ​ശ്യം ശ​ക്ത​മാ​യി ഉ​യ​രു​ന്നു​ണ്ടെ​ങ്കി​ലും ഫ​ല​മു​ണ്ടാ​യി​ല്ല.