സാംസ്കാരികവിനിമയ പരിപാടിക്ക്​ കോട്ടയത്ത് തുടക്കം

കോ​ട്ട​യം: കേ​ര​ള ഉ​ത്ത​ര​വാ​ദി​ത്ത ടൂ​റി​സം മി​ഷ​ന്‍ സൊ​സൈ​റ്റി സം​ഘ​ടി​പ്പി​ക്കു​ന്ന സാം​സ്കാ​രി​ക വി​നി​മ​യ പ​രി​പാ​ടി​ക്ക്​ കോ​ട്ട​യ​ത്ത് വ​ര്‍ണാ​ഭ​മാ​യ തു​ട​ക്കം. അ​ന്താ​രാ​ഷ്ട്ര ടൂ​റി​സം മാ​ര്‍ക്ക​റ്റി​ല്‍ കേ​ര​ള​ത്തി​ന്‍റെ മി​ക​ച്ച ടൂ​റി​സം ഉ​ൽ​പ​ന്ന​ങ്ങ​ളി​ലൊ​ന്നാ​യി ഓ​ണ​ത്തെ അ​വ​ത​രി​പ്പി​ക്കാ​നും സാം​സ്കാ​രി​ക ടൂ​റി​സ​ത്തി​ന്‍റെ സാ​ധ്യ​ത​ക​ള്‍ ഫ​ല​പ്ര​ദ​മാ​യി ഉ​പ​യോ​ഗി​ക്കാ​നു​മാ​യാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​ത്. ഇ​തി​ന്‍റെ ഭാ​ഗ​മാ​യി കേ​ര​ള​ത്തി​ലെ​ത്തി​യ വി​ദേ​ശീ​യ​രും സ്വ​ദേ​ശീ​യ​രു​മാ​യ സം​ഘ​ത്തെ ഉ​ത്ത​ര​വാ​ദി​ത്ത ടൂ​റി​സം മി​ഷ​ന്‍ സൊ​സൈ​റ്റി സി.​ഇ.​ഒ കെ. ​രൂ​പേ​ഷ് കു​മാ​ര്‍ സ്വീ​ക​രി​ച്ചു.

കോ​ട്ട​യ​ത്തെ വി​വി​ധ ഗ്രാ​മ​ങ്ങ​ളി​ലെ​ത്തി​യ സം​ഘ​ത്തെ പ​ഞ്ച​വാ​ദ്യ​ത്തി​ന്‍റെ അ​ക​മ്പ​ടി​യോ​ടെ​യാ​ണ് വ​ര​വേ​റ്റ​ത്. യു.​കെ, ഫ്രാ​ന്‍സ്, ദ​ക്ഷി​ണ കൊ​റി​യ, ഇ​ന്തോ​നേ​ഷ്യ, താ​യ്​​ല​ന്‍ഡ്, വി​യ​റ്റ്നാം, താ​യ്​​വാ​ന്‍, നേ​പ്പാ​ള്‍, ശ്രീ​ല​ങ്ക, റു​മാ​നി​യ തു​ട​ങ്ങി​യ രാ​ജ്യ​ങ്ങ​ളി​ല്‍നി​ന്നും ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ല്‍നി​ന്നു​മു​ള്ള ഉ​ത്ത​ര​വാ​ദി​ത്ത ടൂ​റി​സം നേ​താ​ക്ക​ള്‍, അ​ക്കാ​ദ​മി​ഷ്യ​ന്മാ​ര്‍, ടൂ​ര്‍ ഓ​പ​റേ​റ്റ​ര്‍മാ​ര്‍ എ​ന്നി​വ​ര്‍ സം​ഘ​ത്തി​ലു​ണ്ട്.

വി​വി​ധ ഹോം​സ്റ്റേ​ക​ളി​ല്‍ എ​ത്തി​യ സം​ഘം പൂ​ക്ക​ള​വും ഓ​ണ​സ​ദ്യ​യും ത​യാ​റാ​ക്കി. ത​ദ്ദേ​ശ​വാ​സി​ക​ള്‍ക്കും ജ​ന​പ്ര​തി​നി​ക​ള്‍ക്കു​മൊ​പ്പ​മു​ള്ള തി​രു​വോ​ണ​സ​ദ്യ, പ്രാ​ദേ​ശി​ക ക്ല​ബു​ക​ള്‍ക്കൊ​പ്പ​മു​ള്ള തി​രു​വോ​ണ ഘോ​ഷ​യാ​ത്ര എ​ന്നി​വ​യും ആ​ക​ര്‍ഷ​ക​മാ​യി. ബാ​ര്‍ട്ട​ര്‍സ​മ്പ്ര​ദാ​യ കാ​ല​ത്ത് ആ​രം​ഭി​ച്ചെ​ന്ന് ക​രു​തു​ന്ന മാ​റ്റ​പ​റ​മ്പി​ലെ തി​രു​വോ​ണം​മാ​റ്റ​വും സ​ന്ദ​ര്‍ശി​ച്ചു. ഗ്രാ​മ​ത്തി​ലെ വീ​ടു​ക​ളി​ല്‍ തി​രു​വോ​ണ സ​ന്ദേ​ശ​വു​മാ​യി എ​ത്തി​യ സം​ഘം ചി​ര​ട്ട​യും പാ​യ​യും​കൊ​ണ്ടു​ള്ള വി​വി​ധ ഉ​ൽ​പ​ന്ന​ങ്ങ​ള്‍ വാ​ങ്ങി. പ്രാ​ദേ​ശി​ക ഓ​ണ​മ​ത്സ​ര​ങ്ങ​ളും സം​ഘ​ടി​പ്പി​ച്ചി​രു​ന്നു.

പ​രി​പാ​ടി 11ന് ​സ​മാ​പി​ക്കും. തൃ​ശൂ​രി​ല്‍ പു​ലി​ക​ളി​യി​ലും കു​മ​ര​കം ക​വ​ണാ​റ്റി​ന്‍ക​ര ജ​ലോ​ത്സ​വ​ത്തി​ലും സം​ഘം പ​ങ്കെ​ടു​ക്കും. തി​രു​വ​ന​ന്ത​പു​ര​ത്ത് ന​ട​ക്കു​ന്ന സം​സ്ഥാ​ന സ​ര്‍ക്കാ​റി​ന്‍റെ ഓ​ണം വാ​രാ​ഘോ​ഷ സ​മാ​പ​ന ഘോ​ഷ​യാ​ത്ര​യി​ലും ഇ​വ​ര്‍ ഭാ​ഗ​മാ​കും. സം​സ്ഥാ​ന​ത്തെ സ്ത്രീ​സൗ​ഹൃ​ദ വി​നോ​ദ​സ​ഞ്ചാ​രം, ജെ​ന്‍ഡ​ര്‍ ഇ​ന്‍ക്ലൂ​സി​വ് ടൂ​റി​സം, ഗ്രാ​മ​ജീ​വി​ത അ​നു​ഭ​വം, സ്ട്രീ​റ്റ് പെ​പ്പ​ര്‍ മോ​ഡ​ല്‍ ആ​ർ.​ടി വി​ല്ലേ​ജ് പ​ദ്ധ​തി​ക​ള്‍ തു​ട​ങ്ങി​യ​വ പ്ര​തി​നി​ധി സം​ഘ​ത്തി​ന് മു​ന്നി​ല്‍ അ​വ​ത​രി​പ്പി​ക്കും.