കൗതുകമായി സൂര്യന്​ ചുറ്റും പ്രഭാവലയം

കോ​ട്ട​യം: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ സൂ​ര്യ​ന് ചു​റ്റും പ്ര​ഭാ​വ​ല​യം ദൃ​ശ്യ​മാ​യി. പാ​മ്പാ​ടി, മീ​ന​ടം, പു​തു​പ്പ​ള്ളി, ക​റു​ക​ച്ചാ​ൽ ഭാ​ഗ​ങ്ങ​ളി​ലാ​ണ് പ്ര​ഭാ​വ​ല​യം പ്ര​ത്യ​ക്ഷ​പ്പെ​ട്ട​ത്. ഈ ​കൗ​തു​ക കാ​ഴ്ച നി​ര​വ​ധി​പേ​ർ മൊ​ബൈ​ൽ ഫോ​ണു​ക​ളി​ല​ട​ക്കം പ​ക​ർ​ത്തി. സ​മൂ​ഹ​മാ​ധ്യ​മ​ങ്ങ​ളി​ലും ഇ​ത്​ വ​ലി​യ​തോ​തി​ൽ പ്ര​ച​രി​ച്ചു. വാ​ർ​ത്ത പ്ര​ച​രി​ച്ച​തോ​ടെ വീ​ടു​ക​ളി​ൽ​നി​ന്ന്​ പു​റ​ത്തി​റ​ങ്ങി പ​ല​രും കൗ​തു​ക ദൃ​ശ്യം ക​ണ്ടു. സൂ​ര്യ​നെ നോ​ക്കു​ന്ന​ത്​​ ക​ണ്ണു​ക​ൾ​ക്ക്​ ദോ​ഷ​ര​മാ​കു​മെ​ന്ന്​ പ്ര​ചാ​ര​ണ​മു​ണ്ടാ​യി.​ഏ​റെ നേ​ര​ത്തി​നു​ശേ​ഷം വ​ല​യ​ങ്ങ​ൾ മാ​ഞ്ഞു.

ഹാ​ലോ​യെ​ന്ന്​ ശാ​സ്ത്ര​ലോ​കം പ​റ​യു​ന്ന പ്ര​തി​ഭാ​സ​മാ​ണ് ഇ​തെ​ന്നാ​ണ്​ ശാ​സ്ത്ര​നീ​രീ​ക്ഷ​ക​രു​ടെ നി​ഗ​മ​നം. മേ​ഘ ക​ണി​ക​ക​ളി​ൽ സൂ​ര്യ​ന്‍റെ​യോ ച​ന്ദ്ര​ന്‍റെ​യോ പ്ര​കാ​ശ കി​ര​ണ​ങ്ങ​ൾ ത​ട്ടു​മ്പോ​ഴാ​ണ് ഹാ​ലോ പ്ര​തി​ഭാ​സ​മു​ണ്ടാ​കു​ന്ന​ത്. പ്ര​ഭാ​വ​ല​യം ഹാ​ലോ​യു​ടെ സാ​ധാ​ര​ണ രൂ​പ​മാ​ണ്. നി​റ​മു​ള്ള​തോ വെ​ളു​ത്ത​തോ ആ​യ വ​ള​യ​ങ്ങ​ൾ മു​ത​ൽ ആ​ർ​ക്കു​ക​ളും ആ​കാ​ശ​ത്തി​ലെ പാ​ടു​ക​ളും ഒ​ക്കെ​യാ​യി ഹാ​ലോ​സി​ന് പ​ല രൂ​പ​ങ്ങ​ളു​ണ്ടാ​കും. അ​ന്ത​രീ​ക്ഷ​ത്തി​ൽ ഈ​ർ​പ്പ​ത്തി​ന്‍റെ തോ​ത് വ​ർ​ധി​ക്കു​മ്പോ​ഴും ഈ ​പ്ര​തി​ഭാ​സം ഉ​ണ്ടാ​കാ​റു​​ണ്ടെ​ന്ന്​ ഇ​വ​ർ പ​റ​യു​ന്നു.

സൗ​ര​വ​ല​യം ദൃ​ശ്യ​മാ​യ സ്ഥ​ല​ങ്ങ​ളി​ൽ വെ​ള്ളി​യാ​ഴ്ച ന​ല്ല മ​ഴ ല​ഭി​ച്ചി​രു​ന്നു. ഇ​തു​മൂ​ലം അ​ന്ത​രീ​ക്ഷ​ത്തി​ലെ ഈ​ർ​പ്പ​ത്തി​ന്‍റെ തോ​ത് വ​ർ​ധി​ച്ച​തി​നെ തു​ട​ർ​ന്നാ​ണ് ഹാ​ലോ പ്ര​തി​ഭാ​സം ഉ​ണ്ടാ​യ​തെ​ന്നാ​ണ് നി​ഗ​മ​നം.