2.39 കോടിയുടെ പെൻഷൻ ഫണ്ട്​ തട്ടിപ്പ്​: ഒളിവിൽ കഴിയുന്ന പ്രതിക്ക്​ സ്ഥലംമാറ്റം

കോ​ട്ട​യം: മു​നി​സി​പ്പാ​ലി​റ്റി​യി​ൽ നി​ന്ന് മൂ​ന്നു കോ​ടി രൂ​പ​യു​ടെ പെ​ൻ​ഷ​ൻ ഫ​ണ്ട്​ ത​ട്ടി​ച്ച്​ ഒ​ളി​വി​ൽ ​പോ​യ പ്ര​തി​ക്ക് ച​ങ്ങ​നാ​ശ്ശേ​രി​ക്ക് ​സ്ഥ​ലം മാ​റ്റ​വു​മാ​യി ഉ​ത്ത​ര​വ്. കൊ​ല്ലം സ്വ​ദേ​ശി​യും വൈ​ക്കം മു​നി​സി​പ്പാ​ലി​റ്റി​യി​ലെ ക്ല​ർ​ക്കു​മാ​യ അ​ഖി​ൽ സി. ​വ​ർ​ഗീ​സ്​ ആ​ണ്​ സ്ഥ​ലം​മാ​റ്റ​പ്പ​ട്ടി​ക​യി​ൽ ഇ​ടം​പി​ടി​ച്ച​ത്. സം​ഭ​വം വി​വാ​ദ​മാ​യ​തി​നെ തു​ട​ർ​ന്ന്​ സ്ഥ​ലം​മാ​റ്റ ഉ​ത്ത​ര​വ്​ റ​ദ്ദാ​ക്കി. ഈ ​മാ​സം എ​ട്ടി​നാ​ണ്​ സ്ഥ​ലം മാ​റ്റ ഉ​ത്ത​ര​വി​റ​ങ്ങി​യ​ത്. ചൊ​വ്വാ​ഴ്ച വൈ​കീ​ട്ട്​​ റ​ദ്ദ്​ ചെ​യ്ത്​​ ഉ​ത്ത​ര​വി​റ​ക്കി. അ​തേ​സ​മ​യം, ച​ങ്ങ​നാ​ശ്ശേ​രി​യി​ലേ​ക്ക്​ അ​ഖി​ൽ സ്ഥ​ലം​മാ​റ്റം ആ​വ​ശ്യ​പ്പെ​ട്ടി​രു​ന്നു.

ഇ​ത​നു​സ​രി​ച്ചാ​ണ്​ ത​ദ്ദേ​ശ ജോ​യ​ന്‍റ്​ ഡ​യ​റ​ക്ട​ർ പു​റ​ത്തി​റ​ക്കി​യ പ​ട്ടി​ക​യി​ൽ​ അ​ഖി​ൽ ഉ​ൾ​പ്പെ​ട്ട​ത്. കോ​ട്ട​യം മു​നി​സി​പ്പാ​ലി​റ്റി​യി​ൽ ജോ​ലി ​ചെ​യ്ത സ​മ​യ​ത്താ​ണ്​ പെ​ൻ​ഷ​ൻ ഫ​ണ്ടി​ൽ​നി​ന്ന്​ ​2.39 കോ​ടി രൂ​പ​ ത​ട്ടി​യ​ത്. വൈ​ക്കം മു​നി​സി​പ്പാ​ലി​റ്റി​യി​ൽ ജോ​ലി ചെ​യ്യു​ന്ന​തി​നി​ടെ ആ​ഗ​സ്റ്റ്​ ഏ​ഴി​നാ​ണ്​​ ത​ട്ടി​പ്പ്​ ക​​ണ്ടെ​ത്തി​യ​ത്​. തു​ട​ർ​ന്ന്​ ഇ​യാ​ൾ ഒ​ളി​വി​ൽ പോ​യി. സം​ഭ​വ​ത്തി​ൽ അ​ഖി​ലി​നു പു​റ​മെ കോ​ട്ട​യം ന​ഗ​ര​സ​ഭ​യി​ലെ നാ​ലു​പേ​രും സ​സ്​​പെ​ൻ​ഷ​നി​ലാ​ണ്.

ലോ​ക്ക​ൽ പൊ​ലീ​സ്​ അ​ന്വേ​ഷി​ച്ച കേ​സ്​ ക്രൈം​ബ്രാ​ഞ്ചി​ന്​ കൈ​മാ​റി മാ​സ​ങ്ങ​ളാ​യി​ട്ടും പ്ര​തി​യെ പി​ടി​കൂ​ടാ​നാ​യി​ട്ടി​ല്ല.