കട്ടിക്കയം തടയണ ഫയലിൽ; 131 കോടിയുടെ പദ്ധതി നഷ്ടം

പാ​ലാ: സ്ഥ​ലം ഏ​റ്റെ​ടു​ക്ക​ൽ പൂ​ർ​ത്തി​യാ​ക്കാ​ൻ സാ​ധി​ക്കാ​ത്ത​തി​നാ​ൽ നാ​ടി​ന് ന​ഷ്ട​മാ​യ​ത് 131 കോ​ടി രൂ​പ​യു​ടെ ത​ട​യ​ണ പ​ദ്ധ​തി. മൂ​ന്നി​ല​വ് പ​ഞ്ചാ​യ​ത്തി​ലെ പ​ഴു​ക്ക​ക്കാ​നം ക​ട്ടി​ക്ക​യ​ത്ത് മീ​ന​ച്ചി​ലാ​റി​ന് കു​റു​കെ ത​ട​യ​ണ നി​ര്‍മി​ച്ച് ക​നാ​ല്‍ വ​ഴി വെ​ള്ളം വി​ത​ര​ണം ചെ​യ്യു​ന്ന പ​ദ്ധ​തിയുടെ ഭ​ര​ണാ​നു​മ​തി​യാ​ണ് ഇ​ല്ലാ​താ​യ​ത്.

മീ​ന​ച്ചി​ലാ​റി​നെ വേ​ന​ല്‍ക്കാ​ല​ത്തും നീ​രൊ​ഴു​ക്കോ​ടെ സം​ര​ക്ഷി​ക്കു​ന്ന​താണ് പ​ദ്ധ​തി. കെ.​എം. മാ​ണി ധ​ന മ​ന്ത്രി​യാ​യി​രു​ന്ന​പ്പോ​ഴാ​ണ് ഭ​ര​ണാ​നു​മ​തി ന​ല്‍കി​യ​ത്. എ​സ്റ്റി​മേ​റ്റ് പു​തു​ക്കി പു​തി​യ ഭ​ര​ണാ​നു​മ​തി ല​ഭി​ച്ചാ​ലേ തു​ട​ർ ന​ട​പ​ടി സാധ്യമാവൂ. 2013ലാ​ണ് ജ​ല​വി​ഭ​വ വ​കു​പ്പ് വി​ഭാ​വ​നം ചെ​യ്ത പ​ദ്ധ​തി​ക്ക്​ എ​സ്റ്റി​മേ​റ്റ് അം​ഗീ​ക​രി​ച്ച് സ​ര്‍ക്കാ​റി​ന് ന​ല്‍കി​യ​ത്. 1000 ഹെ​ക്ട​ര്‍ ഭൂ​മി​യി​ല്‍ ജ​ല​സേ​ച​ന​ത്തി​നും കു​ടി​വെ​ള്ള വി​ത​ര​ണ​ത്തി​നും പ​ദ്ധ​തി വ​ഴി സാ​ധി​ക്കും. വി​നോ​ദ​സ​ഞ്ചാ​ര​കേ​ന്ദ്ര​മാ​യ ഇ​ല്ലി​ക്ക​ല്‍ക​ല്ലി​ലേ​ക്കു​ള്ള പ്ര​ധാ​ന പാ​ത​ക്കു സ​മീ​പ​മാ​ണ് ഡാം ​നി​ര്‍മി​ക്കാ​ന്‍ അം​ഗീ​കാ​രം ല​ഭി​ച്ച​ത്. ശ​ക്ത​മാ​യ വേ​ന​ല്‍മ​ഴ ല​ഭി​ക്കു​ന്ന ഈ ​മേ​ഖ​ല​യി​ല്‍ വേ​ന​ലി​ലും വെ​ള്ളം ശേ​ഖ​രി​ക്കാ​ന്‍ ക​ഴി​യും. പ​ദ്ധ​തി ന​ട​പ്പാ​ക്കു​ന്ന പ്ര​ദേ​ശം റ​വ​ന്യൂ ഭൂ​മി​യാ​ണ്.

ഇ​ത് ചി​ല സ്വ​കാ​ര്യ വ്യ​ക്തി​ക​ളു​ടെ കൈ​വ​ശ​ത്തി​ലാ​ണ്. അ​ഞ്ചു പേ​രു​ടെ ഭൂ​മി വി​ല​കൊ​ടു​ത്തു വാ​ങ്ങാ​നും ല​ക്ഷ്യ​മി​ട്ടി​രു​ന്നു. തു​ട​ക്ക​ത്തി​ല്‍ ക​ല​ക്ട​റു​ടെ നേ​തൃ​ത്വ​ത്തി​ല്‍ പ​ദ്ധ​തി​ക്കാ​യി ഭൂ​മി ഏ​റ്റെ​ടു​ക്കാ​ൻ ശ്ര​മം ന​ട​ത്തി​യി​രു​ന്നു. പ​ദ്ധ​തി ന​ട​പ്പാ​ക്കി​യാ​ൽ മീ​ന​ച്ചി​ലാ​റ്റി​ലെ വെ​ള്ള​പ്പൊ​ക്ക​ത്തി​ന് ശാ​ശ്വ​ത പ​രി​ഹാ​ര​മാ​കും. കി​ഴ​ക്ക​ൻ മ​ല​യോ​ര മേ​ഖ​ല​ക​ളാ​യ വാ​ഗ​മ​ൺ, മേ​ലു​കാ​വ്, അ​ടു​ക്കം, പ​ഴു​ക്കാ​ക്കാ​നം പ്ര​ദേ​ശ​ങ്ങ​ളി​ലെ ശ​ക്ത​മാ​യ മ​ഴ​യും മ​ല​വെ​ള്ള​പ്പാ​ച്ചി​ലു​മാ​ണ് അ​ടി​ക്ക​ടി മീ​ന​ച്ചി​ലാ​റ്റി​ൽ വെ​ള്ള​പ്പൊ​ക്ക​ത്തി​ന് കാ​ര​ണ​മാ​കു​ന്ന​ത്. ഇ​വി​ടെ ഡാം ​വ​രു​ന്ന​തോ​ടെ മ​ല​വെ​ള്ള​പ്പാ​ച്ചി​ൽ ത​ട​ഞ്ഞു​നി​ർ​ത്താ​നാ​വും. ഇ​ത് വെ​ള്ള​പ്പൊ​ക്ക​ത്തി​ന്റെ രൂ​ക്ഷ​ത കു​റ​ക്കാ​നും സ​ഹാ​യി​ക്കും.