വന്ദന കൊല​ക്കേസ്​​: ജില്ല കോടതി ഇന്ന്​ പരിഗണിക്കും പ്ര​തി​ക്ക്​ ജാ​മ്യം ന​ൽ​കിയ​ാൽ സാ​ക്ഷി​ക​ളെ സ്വാ​ധീ​നി​ക്കു​മെ​ന്നും

കൊ​ല്ലം: ഹൗ​സ്​ സ​ർ​ജ​ൻ വ​ന്ദ​ന​ദാ​സി​നെ ​കൊ​ല​പ്പെ​ടു​ത്തി​യ കേ​സ്​ ​വി​ചാ​ര​ണ​ക്ക്​ മു​ന്നോ​ടി​യാ​യ ന​ട​പ​ടി​ക്ര​മ​ങ്ങ​ളു​ടെ ഭാ​ഗ​മാ​യി ബു​ധ​നാ​ഴ്ച​ ജി​ല്ല കോ​ട​തി പ​രി​ഗ​ണി​ക്കും. വി​ചാ​ര​ണ​ക്ക്​ മു​ന്നോ​ടി​യാ​യി പ്രൊ​ഡ​ക്​​ഷ​ൻ വാ​റ​ണ്ടി​ന്‍റെ അ​ടി​സ്ഥാ​ന​ത്തി​ൽ പ്ര​തി സ​ന്ദീ​പി​നെ​ (43) ക​ഴി​ഞ്ഞ​യാ​ഴ്ച കോ​ട​തി​യി​ൽ ഹാ​ജ​രാ​ക്കി​യി​രു​ന്നു. ​നേ​രി​ട്ടോ ഓ​ൺ​ലൈ​നാ​യോ പ്ര​തി​യെ ഹാ​ജ​രാ​ക്കും.

ജു​ഡീ​ഷ്യ​ൽ ക​സ്റ്റ​ഡി​യി​ൽ ക​ഴി​യു​ന്ന പ്ര​തി​യെ ജാ​മ്യം ന​ൽ​കി വി​ട്ട​യ​ച്ചാ​ൽ സാ​ക്ഷി​ക​ളെ സ്വാ​ധീ​നി​ക്കു​മെ​ന്നും തെ​ളി​വു​ക​ൾ ന​ശി​പ്പി​ക്കു​മെ​ന്നും പ്രോ​സി​ക്യൂ​ഷ​ൻ കോ​ട​തി​യെ അ​റി​യി​ച്ചി​ട്ടു​ണ്ട്. കേ​സ്​ വി​ചാ​ര​ണ​ക്കാ​യി കൊ​ട്ടാ​ര​ക്ക​ര ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​റ്റ്​ കോ​ട​തി​യി​ൽ​നി​ന്ന്​ ജി​ല്ല സെ​ഷ​ൻ​സ്​ കോ​ട​തി​ക്ക്​ ​ക​ഴി​ഞ്ഞ മാ​സ​മാ​ണ്​ കൈ​മാ​റി​യ​ത്. സം​സ്ഥാ​ന​ത്ത്​ ആ​ദ്യ​മാ​യി ഡോ​ക്ട​ർ ഡ്യൂ​ട്ടി​ക്കി​ടെ കൊ​ല്ല​പ്പെ​ട്ട സം​ഭ​വ​മെ​ന്ന നി​ല​യി​ൽ ഏ​റെ ച​ർ​ച്ച​യാ​യ കേ​സി​ൽ ജൂ​ലൈ ഒ​ന്നി​നാ​ണ്​ കു​റ്റ​പ​ത്രം സ​മ​ർ​പ്പി​ച്ച​ത്.

കൊ​ട്ടാ​ക്ക​ര താ​ലൂ​ക്കാ​ശു​പ​ത്രി​യി​ൽ മേ​യ് 10ന് ​പു​ല​ർ​ച്ച വ​ന്ദ​നാ​ദാ​സി​നെ സ​ന്ദീ​പ്​ ആ​ക്ര​മി​ക്കു​ക​യാ​യി​രു​ന്നു. പൊ​ലീ​സ് ക​ൺ​ട്രോ​ൾ റൂ​മി​ൽ വി​ളി​ച്ച് സ​ഹാ​യം അ​ഭ്യ​ർ​ഥി​ച്ച​തി​നെ തു​ട​ർ​ന്നാ​ണ് അ​ധ്യാ​പ​ക​നാ​യ സ​ന്ദീ​പി​നെ മു​റി​വി​ൽ മ​രു​ന്നു​വെ​ക്കാ​നാ​യി ആ​ശു​പ​ത്രി​യി​ൽ കൊ​ണ്ടു​വ​ന്ന​ത്. ആ​ശു​പ​ത്രി​യി​ൽ​വെ​ച്ച്​ ഇ​യാ​ൾ അ​ക്ര​മാ​സ​ക്ത​നാ​കു​ക​യാ​യി​രു​ന്നു. സ​ന്ദീ​പി​ന്റെ ആ​ക്ര​മ​ണ​ത്തി​ൽ പ​രി​ക്കേ​റ്റ പൊ​ലീ​സ് ഉ​ദ്യോ​ഗ​സ്ഥ​ർ, ആ​ശു​പ​ത്രി ജീ​വ​ന​ക്കാ​ർ, ആ​ശു​പ​ത്രി പ​രി​സ​ര​ത്തു​ണ്ടാ​യി​രു​ന്ന രോ​ഗി​ക​ൾ തു​ട​ങ്ങി​യ​വ​ർ ഉ​ൾ​പ്പെ​ടെ 136 സാ​ക്ഷി​ക​ളാ​ണ് കു​റ്റ​പ​ത്ര​ത്തി​ലു​ള്ള​ത്. പൊ​ലീ​സു​കാ​രെ ഉ​ൾ​പ്പെ​ടെ സ​ന്ദീ​പ് കു​ത്തി പ​രി​ക്കേ​ൽ​പി​ക്കു​ന്ന​തി​ന്റെ സി.​സി.​ടി.​വി ദൃ​ശ്യ​ങ്ങ​ളും ഹാ​ജ​രാ​ക്കി​യി​ട്ടു​ണ്ട്. പ്രോ​സി​ക്യൂ​ഷ​നു​​വേ​ണ്ടി അ​ഡ്വ. സി​സി​ൻ ജി. ​മു​ണ്ട​യ്​​ക്ക​ൽ ഹാ​ജ​രാ​കും.