ഉ​ത്ര വ​ധം: സ്ത്രീ​ധ​ന പീ​ഡ​നക്കേസി​ലെ സാ​ക്ഷിവി​സ്താ​രം തു​ട​രു​ന്നു

പു​ന​ലൂ​ർ: അ​ഞ്ച​ൽ ഏ​റം ഉ​ത്ര വ​ധ​ക്കേ​സി​ലെ സ്ത്രീ​ധ​ന പീ​ഡ​ന​ക്കേ​സി​ലെ ര​ണ്ടാം​സാ​ക്ഷി ഉ​ത്ര​യു​ടെ പി​താ​വ് വി​ജ​യ​സേ​ന​ന്റെ പ്ര​തി​ഭാ​ഗം എ​തി​ർ​വി​സ്താ​രം തു​ട​ങ്ങി. പു​ന​ലൂ​ർ ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ് അ​മ്പി​ളി ച​ന്ദ്ര​ന്റെ കോ​ട​തി​യി​ൽ ന​ട​ക്കു​ന്ന വി​ചാ​ര​ണ​യി​ൽ പ്ര​തി​ക​ൾ​ക്ക് വേ​ണ്ടി​യു​ള്ള ക്രോ​സ് വി​സ്താ​രം ബു​ധ​നാ​ഴ്ച മൂ​ന്ന് മ​ണി​ക്കൂ​റി​ല​ധി​കം നീ​ണ്ടു. ബാ​ക്കി വി​സ്താ​ര​ത്തി​നാ​യി മാർച്ച്​ 15 ലേ​ക്ക് മാ​റ്റി. ആ​ദ്യം പ​രാ​തി ന​ൽ​കി​യ​പ്പോ​ഴൊ​ന്നും സ്ത്രീ​ധ​ന ആ​രോ​പ​ണ​വും ഗാ​ർ​ഹി​ക പീ​ഡ​ന​വും ഉ​ന്ന​യി​ക്കാ​ത്ത​തി​ലെ വൈ​രു​ധ്യത​യാ​ണ് പ്ര​ധാ​ന​മാ​യും പ്ര​തി​ഭാ​ഗം ഉ​യ​ർ​ത്തി​ക്കാ​ട്ടാ​ൻ ശ്ര​മി​ച്ച​ത്. ഉ​ത്ര​ക്ക്​ വി​വാ​ഹ​ത്തി​ന് ന​ൽ​കി​യ ബ​ലേ​നോ കാ​ർ ഉ​ത്ര​ക്ക് ​സ​ഞ്ച​രി​ക്കാ​ൻ വാ​ങ്ങി ന​ൽ​കി​യ​താ​ണെ​ന്നും സ്ത്രീ​ധ​ന​മാ​യി ന​ൽ​കി​യ​ത​ല്ലെ​ന്നും പ്ര​തി​ഭാ​ഗം വാ​ദി​ച്ചു.

സൂ​ര​ജി​ന് വി​വാ​ഹ​ത്തി​ന് മു​മ്പ് ന​ൽ​കി​യ മൂ​ന്നു​ല​ക്ഷം രൂ​പ, ക​ല്യാ​ണ​ത്തി​ൽ നി​ന്ന് പി​ന്മാ​റാ​തി​രി​ക്കാ​ൻ സൂ​ര​ജി​ന്റെ സാ​മ്പ​ത്തി​ക അ​ര​ക്ഷി​താ​വ​സ്ഥ ചൂ​ഷ​ണം ചെ​യ്ത് ഉ​ത്ര​യു​ടെ പി​താ​വ് സ​മ്മാ​ന​മാ​യി ന​ൽ​കി​യ​താ​ണെ​ന്നും പ്ര​തി​ഭാ​ഗം വാ​ദി​ച്ചു. ഉ​ത്രവ​ധ​ക്കേ​സി​ൽ ശി​ക്ഷ അ​നു​ഭ​വി​ച്ചു വ​രു​ന്ന ഭ​ർ​ത്താ​വ് സൂ​ര​ജ് എ​സ്. കു​മാ​ർ, ഭ​ർ​തൃ​പി​താ​വ് സു​രേ​ന്ദ്ര പ​ണി​ക്ക​ർ, ഭ​ർ​തൃ​മാ​താ​വ് രേ​ണു​ക, സ​ഹോ​ദ​രി സൂ​ര്യ എ​ന്നി​വ​രാ​ണ് പ്ര​തി​ക​ൾ.