ഉ​ത്ര​വ​ധം: വിധിയറിയാൻ​ വൻ ജനാവലി

കൊ​ല്ലം: കേ​ര​ള മ​നഃ​സാ​ക്ഷി​യെ ന​ടു​ക്കി​യ ഉ​ത്ര​വ​ധ​ക്കേ​സി​ലെ ശി​ക്ഷാ​വി​ധി കേ​ള്‍ക്കാ​നാ​യി കൊ​ല്ലം അ​ഡീ​ഷ​ന​ല്‍ സെ​ഷ​ന്‍സ് കോ​ട​തി പ​രി​സ​ര​ത്ത് ത​ടി​ച്ചു​കൂ​ടി​യ​ത് വ​ന്‍ജ​നാ​വ​ലി. പ്ര​തി​യാ​യ സൂ​ര​ജ് എ​സ്. കു​മാ​റിെൻറ ശി​ക്ഷ വി​ധി എ​ന്താ​കു​മെ​ന്ന​റി​യാ​നു​ള്ള ആ​കാം​ക്ഷ​യി​ലാ​യി​രു​ന്നു എ​ല്ലാ​വ​രും‍. പ്ര​തി കു​റ്റ​ക്കാ​ര​നെ​ന്ന്​ വി​ധി​ച്ച ദി​വ​സ​ത്തേ​തി​ന്​ സ​മാ​ന​മാ​യി വ​ന്‍ജ​ന​ക്കൂ​ട്ട​മാ​ണ് സി​വി​ല്‍സ്‌​റ്റേ​ഷ​ന്‍ ഉ​ള്‍പ്പെ​ടു​ന്ന കോ​ട​തി പ​രി​സ​ര​ത്ത് എ​ത്തി​യ​ത്.

കോ​വി​ഡ് മാ​ന​ദ​ണ്ഡ​ങ്ങ​ള്‍ നി​ല​നി​ല്‍ക്കു​ന്നു​ണ്ടെ​ങ്കി​ലും അ​തൊ​ന്നും ക​ണ​ക്കി​ലെ​ടു​ക്കാ​തെ​യാ​ണ് ജ​നം ത​ടി​ച്ചു​കൂ​ടി​യ​ത്. കേ​സി​െൻറ വി​ധി​യ​റി​യാ​നെ​ത്തി​യ ജ​ന​ക്കൂ​ട്ട​ത്തി​നൊ​പ്പം സി​വി​ല്‍ സ്‌​റ്റേ​ഷ​നി​ല്‍ വി​വി​ധ ആ​വ​ശ്യ​ങ്ങ​ള്‍ക്കെ​ത്തി​യ​വ​ർ കൂ​ടി ആ​യ​തോ​ടെ ആ​ൾ​ക്കൂ​ട്ടം നി​യ​ന്ത്രി​ക്കാ​ന്‍ പൊ​ലീ​സ് പാ​ടു​പെ​ട്ടു. മ​ഴ മാ​റി​നി​ന്ന​തി​നാ​ല്‍ ശി​ക്ഷാ​വി​ധി കേ​ള്‍ക്കാ​നെ​ത്തി​യ​വ​രു​ടെ എ​ണ്ണ​ത്തി​ലും വ​ർ​ധ​ന​യു​ണ്ടാ​യി. വി​ധി റിേ​പ്പാ​ര്‍ട്ട് ചെ​യ്യാ​നെ​ത്തി​യ മാ​ധ്യ​മ​പ്ര​വ​ര്‍ത്ത​ക​രു​ടെ മു​ന്നി​ല്‍ സ്വ​ന്തം അ​ഭി​പ്രാ​യം പ്ര​ക​ടി​പ്പി​ക്കാ​ൻ ​​മു​ന്നോ​ട്ടു​വ​ന്ന​വ​രു​മു​ണ്ട്. വ​ധ​ശി​ക്ഷ ന​ല്‍ക​ണ​മെ​ന്നാ​ണ് ഇ​ത്ത​ര​ക്കാ​രിേ​ല​റെ​യും അ​ഭി​പ്രാ​യ​പ്പെ​ട്ട​ത്.

കോ​ട​തി വ​ള​പ്പി​ലൊ​രു​ക്കി​യ​ത്​ ക​ന​ത്ത സു​ര​ക്ഷ

കൊ​ല്ലം: ഉ​ത്ര വ​ധ​ക്കേ​സ്​ പ്ര​തി സൂ​ര​ജി​നെ കൊ​ണ്ടു​വ​രു​മ്പോ​ള്‍ ജ​ന​ക്കൂ​ട്ടം കൈ​കാ​ര്യം ചെ​യ്യാ​നു​ള്ള സാ​ധ്യ​ത മു​ന്നി​ൽ​ക​ണ്ട്​ ക​ന​ത്ത സു​ര​ക്ഷ​യാ​ണ് കോ​ട​തി വ​ള​പ്പി​ൽ പൊ​ലീ​സ് ഒ​രു​ക്കി​യി​രു​ന്ന​ത്. കൊ​ല്ലം എ.​സി.​പി ജി.​ഡി. വി​ജ​യ​കു​മാ​റി​െൻറ നേ​തൃ​ത്വ​ത്തി​ലു​ള്ള സം​ഘ​മാ​ണ് കോ​ട​തി​യി​ലും പ​രി​സ​ര​ത്തും സു​ര​ക്ഷ ഒ​രു​ക്കി​യ​ത്. ദ്രു​ത​ക​ര്‍മ​സേ​നാം​ഗ​ങ്ങ​ളും സു​ര​ക്ഷ ഒ​രു​ക്കു​ന്ന​തി​ന് കോ​ട​തി പ​രി​സ​ര​ത്ത് നി​ല​യു​റ​പ്പി​ച്ചി​രു​ന്നു. ഉ​ച്ച​ക്ക് 12 നാ​ണ് കോ​ട​തി ന​ട​പ​ടി ആ​രം​ഭി​ച്ച​ത്. ഇ​തി​ന് 15 മി​നി​റ്റ്​ മു​മ്പ് കോ​ട​തി​ക്കു സ​മീ​പ​ത്തെ ജി​ല്ല ജ​യി​ലി​ലി​ല്‍നി​ന്ന് സൂ​ര​ജി​നെ കോ​ട​തി​വ​ള​പ്പി​ലെ​ത്തി​ച്ചു. ക​ഴി​ഞ്ഞ ത​വ​ണ കോ​ട​തി ന​ട​പ​ടി​ക​ള്‍ തു​ട​ങ്ങി 15 മി​നി​റ്റി​ന്​ ശേ​ഷ​മാ​യി​രു​ന്നു കോ​ട​തി​യ​ല്‍ ഹാ​ജ​രാ​ക്കി​യ​ത്.

ശി​ക്ഷാ വി​ധി​ക്കു ശേ​ഷം പൂ​ജ​പ്പു​ര സെ​ന്‍ട്ര​ല്‍ ജ​യി​ലി​ലേ​ക്ക് മാ​റു​മെ​ന്ന​തി​നാ​ല്‍ ജി​ല്ല ജ​യി​ലി​ല്‍ നി​ന്നെ​ടു​ത്ത പു​സ്ത​ക​ങ്ങ​ള്‍ തി​രി​കെ ഏ​ല്‍പി​ച്ച ശേ​ഷ​മാ​ണ് സൂ​ര​ജ് കോ​ട​തി​യി​ലേ​ക്കെ​ത്തി​യ​ത്. പൊ​ലീ​സ് ജീ​പ്പി​ല്‍ ര​ണ്ടു പൊ​ലീ​സു​കാ​രു​ടെ മ​ധ്യ​ത്തി​ല്‍ ഇ​രു​ത്തി​യാ​ണ് കോ​ട​തി പ​രി​സ​ര​ത്തേ​ക്കു​കൊ​ണ്ടു​വ​ന്ന​ത്. വാ​ഹ​നം കോ​ട​തി വ​ള​പ്പി​ലെ​ത്തി​യ​തോ​ടെ ജ​ന​ക്കൂ​ട്ടം പൊ​ലീ​സ് ജീ​പ്പി​നു ചു​റ്റും ത​ടി​ച്ചു​കൂ​ടി. ഇ​വ​രെ മാ​റ്റി​നി​ർ​ത്തി വ​ന്‍ പൊ​ലീ​സ് സ​ന്നാ​ഹ​ത്തി​െൻറ ന​ടു​വി​ലാ​ണ് മൂ​ന്നാം നി​ല​യി​ലു​ള്ള അ​ഡീ​ഷ​ന​ല്‍ സെ​ഷ​ന്‍സ് കോ​ട​തി- ആ​റി​ലേ​ക്ക് പ്ര​തി​യെ എ​ത്തി​ച്ച​ത്. കോ​ട​തി ന​ട​പ​ടി​ക​ള്‍ ന​ട​ക്കു​മ്പോ​ഴും സു​ര​ജ് നി​ര്‍വി​കാ​ര​നാ​യി നി​ല്‍ക്കു​ക​യാ​യി​രു​ന്നു.

ഉ​ത്ര​യു​ടെ മാ​താ​വും റി​ട്ട. അ​ധ്യാ​പി​ക​യു​മാ​യ മ​ണി​മേ​ഖ​ല അ​ഞ്ച​ലി​ലെ വീ​ട്ടി​ലി​രു​ന്ന് ടി.​വി​യി​ലാ​ണ് വി​ധി​പ്ര​സ്താ​വം കേ​ട്ട​ത്. ഉ​ത്ര​യു​ടെ പി​താ​വും സ​ഹോ​ദ​ര​നും അ​ന്വേ​ഷ​ണോ​ദ്യോ​ഗ​സ്ഥ​രു​മ​ട​ക്കം വ​ന്‍നി​ര​ത​ന്നെ കോ​ട​തി​മു​റി​ക്കു​ള്ളി​ലു​ണ്ടാ​യി​രു​ന്നു. തി​ര​ക്കു​മൂ​ലം കോ​ട​തി​മു​റി​ക്ക​ക​ത്ത്​ എ​ത്താ​ന്‍ ക​ഴി​യാ​തി​രു​ന്ന​വ​ര്‍ മൊ​ബൈ​ലി​ലൂ​ടെ ചാ​ന​ലു​ക​ളു​ടെ ത​ത്സ​മ​യ വി​വ​ര​ണം ക​ണ്ടാ​ണ് ശി​ക്ഷാ​വി​ധി മ​ന​സ്സി​ലാ​ക്കി​യ​ത്. തു​ട​ര്‍ന്ന്, 12.20 ഓ​ടെ​യാ​ണ് ശി​ക്ഷ വി​ധി​ച്ച​ത്.

പാമ്പിനെ കൈമാറുന്ന ദൃശ്യങ്ങൾ പുറത്ത്

കൊ​ല്ലം: കേ​സ​ന്വേ​ഷ​ണ​ത്തി​ല്‍ പൊ​ലീ​സിെൻറ കേ​സ് ഡ​യ​റി​യു​ടെ ഭാ​ഗ​മാ​യ പാ​മ്പി​നെ കൈ​മാ​റു​ന്ന ദൃ​ശ്യ​ങ്ങ​ൾ പു​റ​ത്തു​വ​ന്നു. ഉ​ത്ര വ​ധ​ക്കേ​സി​ലെ പ്ര​തി സൂ​ര​ജി​ന് പാ​മ്പു​പി​ടു​ത്ത​ക്കാ​ര​ന്‍ ചാ​വ​രു​കാ​വ് സു​രേ​ഷ് പാ​മ്പി​നെ കൈ​മാ​റു​ന്ന ദൃ​ശ്യ​ങ്ങ​ളാ​ണ് പു​റ​ത്തു​വ​ന്ന​ത്. സൂ​ര​ജി​ന് പാ​മ്പു​ക​ളെ​ക്കു​റി​ച്ച് പ​ഠി​ക്കാ​നു​ള്ള താ​ല്‍പ​ര്യം ക​ണ​ക്കി​ലെ​ടു​ത്താ​ണ് കൈ​മാ​റ്റ​മെ​ന്ന് വി​ഡി​യോ​യി​ല്‍ സു​രേ​ഷ് പ​റ​യു​ന്നു​ണ്ട്. അ​ണ​ലി​യെ പി​ടി​ക്കാ​നാ​യാ​ണ് സൂ​ര​ജിെൻറ വീ​ട്ടി​ല്‍ വ​ന്ന​തെ​ന്നും എ​ന്നാ​ല്‍ കി​ട്ടി​യി​ല്ലെ​ന്നും പ​റ​യു​ന്നു​ണ്ട്. വ​രു​മ്പോ​ള്‍ ഒ​രു പാ​മ്പി​നെ കൊ​ണ്ടു​വ​ര​ണ​മെ​ന്ന് പ​റ​ഞ്ഞി​രു​ന്നു. നാ​ഗ​ദൈ​വ​ങ്ങ​ളോ​ടു​ള്ള ആ​രാ​ധ​ന കൊ​ണ്ട് സാ​ധു​വാ​യ ഇ​തി​നെ സം​ര​ക്ഷി​ക്കാ​ന്‍ ഏ​ല്‍പ്പി​ക്കു​ന്നു എ​ന്നും സു​രേ​ഷ് പ​റ​യു​ന്നു. പാ​മ്പി​നെ അ​നാ​യാ​സ​മാ​യി സൂ​ര​ജ് കൈ​കാ​ര്യം ചെ​യ്യു​ന്ന​തും ദൃ​ശ്യ​ങ്ങ​ളി​ൽ കാ​ണാം.

അന്വേഷണ സംഘത്തിൽ ഇവർ

കൊ​ല്ലം: ഉ​ത്ര വ​ധ​ക്കേ​സി​ൽ പ്ര​തി സൂ​ര​ജി​ന് ശി​ക്ഷ ഉ​റ​പ്പാ​ക്കി​യ​ത് കു​റ്റ​മ​റ്റ അ​ന്വേ​ഷ​ണ​ത്തി​ലൂ​ടെ​യാ​ണ്. റൂ​റ​ൽ എ​സ്.​പി​യാ​യി​രു​ന്ന എ​സ്. ഹ​രി​ശ​ങ്ക​ർ, അ​ഡീ​ഷ​ന​ൽ എ​സ്.​പി മ​ധു​സൂ​ദ​ന​ൻ, ഡി​വൈ.​എ​സ്.​പി​യാ​യി​രു​ന്ന എ. ​അ​ശോ​ക​ൻ, സി.​ഐ അ​നൂ​പ് കൃ​ഷ്ണ​ൻ, എ​സ്.​ഐ ര​മേ​ശ്കു​മാ​ർ, എ.​എ​സ്.​ഐ സി. ​മ​നോ​ജ്കു​മാ​ർ, ആ​ശി​ഷ് കോ​ഹൂ​ർ, മ​ഹേ​ഷ് മോ​ഹ​ൻ, സ​ജീ​ന, ശി​വ​ശ​ങ്ക​ര​പി​ള്ള, അ​ജ​യ​കു​മാ​ർ, രാ​ധാ​കൃ​ഷ്ണ​പി​ള്ള, പ്ര​വീ​ൺ​കു​മാ​ർ, വി.​എ​സ്. അ​നി​ൽ​കു​മാ​ർ, അ​നി​ൽ​കു​മാ​ർ എ​ന്നി​വ​രാ​ണ് അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്ന​ത്. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ.​ജി. മോ​ഹ​ൻ​രാ​ജ്, അ​ഭി​ഭാ​ഷ​ക​രാ​യ കെ.​ഗോ​പീ​ഷ് കു​മാ​ർ, സി.​എ​സ്. സു​നി​ൽ​കു​മാ​ർ, എ.​ശ​ര​ൺ എ​ന്നി​വ​ർ ഹാ​ജ​രാ​യി. പ്ര​തി​ഭാ​ഗ​ത്തി​നു​വേ​ണ്ടി അ​ഭി​ഭാ​ഷ​ക​രാ​യ എ​സ്. അ​ജി​ത് പ്ര​ഭാ​വ്, ജി​ത്തു എ​സ്. നാ​യ​ർ, ബി​ജേ​ന്ദ്ര​ലാ​ൽ, എ.​അ​ശോ​ക് കു​മാ​ർ എ​ന്നി​വ​ർ കോ​ട​തി​യി​ലെ​ത്തി.

വിധിയിൽ നിരാശ

അ​ഞ്ച​ൽ: ഉ​ത്ര​വ​ധ​ക്കേ​സ് വി​ധി​യി​ൽ കു​ടും​ബാം​ഗ​ങ്ങ​ൾ​ക്കൊ​പ്പം നാ​ട്ടു​കാ​ർ​ക്കും നി​രാ​ശ. പ്ര​തി സൂ​ര​ജി​ന് വ​ധ​ശി​ക്ഷ വി​ധി​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു ഉ​ത്ര​യു​ടെ കു​ടും​ബ​വും ഏ​റം ഗ്രാ​മ​വും. പ​ഴു​ത​ട​ച്ച അ​ന്വേ​ഷ​ണ​വും തെ​ളി​വെ​ടു​പ്പു​മാ​ണ് കേ​സി​െൻറ എ​ല്ലാ ഘ​ട്ട​ങ്ങ​ളി​ലും ന​ട​ന്നി​രു​ന്ന​ത്. അ​പൂ​ർ​വ​ങ്ങ​ളി​ൽ അ​പൂ​ർ​വ​മാ​യ കേ​സാ​യി​രു​ന്നി​ട്ടും പ്ര​തി സൂ​ര​ജി​ന് ല​ഭി​ച്ച ശി​ക്ഷ​യി​ലെ നി​രാ​ശ നാ​ട്ടു​കാ​ർ പ​ങ്കു​െ​വ​ച്ചു.

ഏ​താ​നും വ​ർ​ഷം മു​മ്പ് ഏ​രൂ​രി​ൽ ഏ​ഴ് വ​യ​സ്സു​കാ​രി​യെ അ​മ്മ​യു​ടെ സ​ഹോ​ദ​രീ ഭ​ർ​ത്താ​വ് പീ​ഡി​പ്പി​ച്ച് കൊ​ല​പ്പെ​ടു​ത്തി​യ കേ​സി​ൽ പ്ര​തി​യെ ആ​ജീ​വ​നാ​ന്തം ക​ഠി​ന​ത​ട​വി​നാ​ണ് വി​ധി​ച്ച​ത്. അ​തും നാ​ട്ടു​കാ​ർ വ​ധ​ശി​ക്ഷ പ്ര​തീ​ക്ഷി​ച്ച കു​റ്റ​കൃ​ത്യ​മാ​യി​രു​ന്നു.

സ്വാഗതം ചെയ്യുന്നു –വാവ സുരേഷ്

കൊ​ല്ലം: ഉ​ത്ര വ​ധ​ക്കേ​സ് വി​ധി സ്വാ​ഗ​തം ചെ​യ്യു​ന്നു​വെ​ന്ന് പാ​മ്പ​ു പി​ടു​ത്ത വി​ദ​ഗ്ദ​ൻ വാ​വ സു​രേ​ഷ്. ഉ​ത്ര വ​ധ​ക്കേ​സ് ഉ​ൾ​പ്പെ​ടെ രാ​ജ്യ​ത്ത് മൂ​ന്ന് കേ​സു​ക​ളാ​ണ് ഇ​ത്ത​ര​ത്തി​ൽ റി​പ്പോ​ര്‍ട്ട് ചെ​യ്യ​പ്പെ​ട്ട​ത്. ര​ണ്ട് കേ​സ് വെ​റു​തെ​വി​ട്ടു. ഇ​തി​ൽ ശി​ക്ഷ നേ​ടി​ക്കൊ​ടു​ക്കാ​നാ​യ​ത് ടീം ​വ​ര്‍ക്കിെൻറ വി​ജ​യ​മാ​ണ്. കേ​ര​ള പൊ​ലീ​സി​നൊ​രു പൊ​ൻ​തൂ​വ​ല​മാ​ണി​ത്. മ​റ്റു​ള്ള​വ​ര്‍ക്ക് പാ​ഠ​മാ​കു​ന്ന വി​ധി​യാ​ണെ​ന്നും അ​ദ്ദേ​ഹം പ​റ​ഞ്ഞു.

ഉത്രവധം- നാൾവഴി

2018 മാ​ർ​ച്ച് 25: സൂ​ര​ജ്-​ഉ​ത്ര വി​വാ​ഹം

2020 ഫെ​ബ്രു​വ​രി 12: ചാ​വ​റു​കാ​വ് സു​രേ​ഷി​നെ ഫോ​ണി​ലൂ​ടെ സൂ​ര​ജ് വി​ളി​ക്കു​ന്നു

2020 ഫെ​ബ്രു​വ​രി 18: സൂ​ര​ജും സു​രേ​ഷും കൂ​ടി​ക്കാ​ഴ്ച ന​ട​ത്തു​ന്നു

2020 ഫെ​ബ്രു​വ​രി 29: അ​ടൂ​രി​ലെ വീ​ട്ടി​ലെ സ്​​റ്റെ​യ​ർ​കേ​സി​ൽ അ​ണ​ലി​യെ കൊ​ണ്ട് ക​ടി​പ്പി​ക്കാ​നു​ള്ള ആ​ദ്യ ശ്ര​മം പാ​ളി

2020 മാ​ർ​ച്ച് 2: അ​ടൂ​രി​ലെ വീ​ട്ടി​ൽ ഗു​ളി​ക​ക​ൾ ന​ൽ​കി ഉ​ത്ര​യെ മ​യ​ക്കി​യ ശേ​ഷം കാ​ലി​ൽ അ​ണ​ലി​യെ​ക്കൊ​ണ്ട് ക​ടി​പ്പി​ച്ചു.

2020 മാ​ർ​ച്ച് 3: തി​രു​വ​ല്ല പു​ഷ്പ​ഗി​രി ആ​ശു​പ​ത്രി​യി​ൽ അ​തീ​വ ഗു​രു​ത​രാ​വ​സ്ഥ​യി​ൽ

2020 ഏ​പ്രി​ൽ 22: ആ​ശു​പ​ത്രി​യി​ൽ​നി​ന്ന്​ ഡി​സ്ചാ​ർ​ജാ​യി ഉ​ത്ര അ​ഞ്ച​ലി​ലെ വീ​ട്ടി​ലെ​ത്തി.

2020 ഏ​പ്രി​ൽ 24: സൂ​ര​ജ് സു​രേ​ഷി​െൻറ പ​ക്ക​ൽ​നി​ന്ന്​ മൂ​ർ​ഖ​ൻ പാ​മ്പി​നെ വാ​ങ്ങി

2020 മേ​യ് 6: ഗു​ളി​ക​ക​ൾ കൊ​ടു​ത്ത്​ മ​യ​ക്കി​യ ശേ​ഷം ഉ​ത്ര​യു​ടെ ഇ​ട​തു കൈ​ത്ത​ണ്ട​യി​ൽ ര​ണ്ട് ത​വ​ണ പാ​മ്പി​നെ​ക്കൊ​ണ്ട്​ ക​ടി​പ്പി​ച്ചു

2020 മേ​യ് 7: രാ​വി​ലെ കി​ട​ക്ക​യി​ൽ അ​ന​ക്ക​മി​ല്ലാ​ത്ത നി​ല​യി​ൽ ഉ​ത്ര​യെ അ​മ്മ ക​ണ്ടെ​ത്തു​ന്നു. മ​ര​ണം സ്ഥി​രീ​ക​രി​ക്കു​ന്നു

2020 മേ​യ് 18: ഉ​ത്ര​യു​ടെ മാ​താ​പി​താ​ക്ക​ൾ റൂ​റ​ൽ എ​സ്.​പി ഹ​രി​ശ​ങ്ക​റി​ന്​ പ​രാ​തി ന​ൽ​കു​ന്നു. കേ​സ് ക്രൈം​ബ്രാ​ഞ്ച് ഏ​റ്റെ​ടു​ക്കു​ന്നു.

2020 മേ​യ് 24: സൂ​ര​ജ് പി​ടി​യി​ൽ

2020 ഓ​ഗ​സ്​​റ്റ്​ 14: കു​റ്റ​പ​ത്രം സ​മ​ർ​പ്പി​ച്ചു.

2021 ഒ​ക്ടോ​ബ​ർ 11: സൂ​ര​ജ് കു​റ്റ​ക്കാ​ര​നെ​ന്ന് കോ​ട​തി.

2021 ഒ​ക്ടോ​ബ​ർ 13: സൂ​ര​ജി​ന് ഇ​ര​ട്ട ജീ​വ​പ​ര്യ​ന്ത​വും 17 വ​ർ​ഷ​ത്തെ അ​ധി​ക​ത​ട​വും 5.85 ല​ക്ഷം രൂ​പ പി​ഴ​യും.