തോട്ടിൽവീണ കുട്ടിക്ക് രക്ഷകനായി ആറാംക്ലാസുകാരൻ

പു​ന​ലൂ​ർ: സൈ​ക്കി​ളി​ന്‍റെ ബ്രേ​ക്ക് ന​ഷ്ട​പ്പെ​ട്ട് തോ​ട്ടി​ൽ വീ​ണു ത​ല​പൊ​ട്ടി അ​പ​ക​ടാ​വ​സ്ഥ​യി​ലാ​യ കു​ട്ടി​ക്ക് ര​ക്ഷ​യൊ​രു​ക്കി ആ​റാം ക്ലാ​സു​കാ​ര​ൻ. ഇ​ട​മ​ൺ അ​യ​ത്തി​ൽ വീ​ട്ടി​ൽ സു​ധീ​ർ- ശ്രീ​വി​ദ്യ ദ​മ്പ​തി​ക​ളു​ടെ മ​ക​ൻ ദേ​വ​നാ​രാ​യ​നാ​ണ് ര​ക്ഷ​ക​നാ​യ​ത്.

ഇ​ട​മ​ൺ കൃ​ഷ്ണ​വി​ലാ​സം വീ​ട്ടി​ൽ രാ​ജു​വി​ന്‍റെ മ​ക​ൻ റോ​ജ​ൻ (11) ആ​ണ് ര​ക്ഷ​പ്പെ​ടു​ത്തി​യ​ത്.

ക​ഴി​ഞ്ഞ ദി​വ​സം വൈ​കു​ന്നേ​ര​ത്ത് ഇ​ട​മ​ൺ ഉ​ദ​യ​ഗി​രി അ​യ​ത്തി​ൽ ഭാ​ഗ​ത്താ​യി​രു​ന്നു സം​ഭ​വം. റോ​ജ​നും കൂ​ട്ടു​കാ​ര​ൻ സു​ര്യ​നും സൈ​ക്കി​ൾ ച​വി​ട്ടി വ​രു​മ്പോ​ൾ ബ്രേ​ക്ക് പോ​യി. റോ​ജ​ൻ സൈ​ക്കി​ളു​മാ​യി തൊ​ട്ട​ടു​ത്ത തോ​ട്ടി​ലേ​ക്ക് മ​റി​ഞ്ഞു.

സൂ​ര്യ​ൻ ഈ ​വി​വ​രം അ​ടു​ത്ത്​ ക​ളി​ച്ചു​കൊ​ണ്ടു​നി​ന്ന ദേ​വ​നാ​ര​യ​ണ​നെ അ​റി​യി​ച്ചു. ഓ​ടി​വെ​ന്ന ദേ​വ​നാ​രാ​ണ​ൻ തോ​ട്ടി​ൽ ചാ​ടി​യി​റ​ങ്ങി സൈ​ക്കി​ൾ മാ​റ്റി അ​വ​ശ​നി​ല​യി​ലാ​യ റോ​ജ​നെ ക​ര​ക്കെ​ത്തി​ച്ചു. മു​റി​വ് തു​ണി​കൊ​ണ്ട് കെ​ട്ടി തു​ട​ർ​ന്ന് ബ​ന്ധു അ​ഭി​മ​ന്യു​വി​ന്‍റെ സ​ഹാ​യ​ത്തോ​ടെ കാ​റി​ൽ ഇ​ട​മ​ൺ 34ലെ ​ആ​ശു​പ​ത്രി​യി​ലും തു​ട​ർ​ന്ന് മാ​താ​വ് ശ്രീ​വി​ദ്യ​യും കൂ​ട്ടി പു​ന​ലൂ​ർ താ​ലൂ​ക്ക് ആ​ശു​പ​ത്രി​യി​ലും എ​ത്തി​ക്കു​ക​യാ​യി​രു​ന്നു. വി​ദ​ഗ്ധ ചി​കി​ത്സ​ക്കാ​യി റോ​ജ​നെ തി​രു​വ​ന​ന്ത​പു​രം എ​സ്.​എ.​ടി​യി​ലേ​ക്ക് മാ​റ്റി.

ദേ​വ​നാ​രാ​യ​ണ​ൻ ഇ​ട​മ​ൺ പു​ഷ്പ​ഗി​രി സ്കൂ​ളി​ലെ​യും റൊ​ജ​ൻ ഇ​ട​മ​ൺ യു.​പി.​എ​സി​ലെ​യും ആ​റാം​ക്ലാ​സ് വി​ദ്യാ​ർ​ഥി​ക​ളാ​ണ്.