ജൈവ മാലിന്യ സംസ്കരണം; വരുന്നു, ആധുനിക മെക്കനൈസ്​ഡ്​ കംപോസ്റ്റിങ്​ യൂനിറ്റ്

കൊ​ല്ലം: പ​ഴ​യ തു​മ്പൂ​ർ​മു​ഴി മോ​ഡ​ൽ ജൈ​വ​മാ​ലി​ന്യ സം​സ്ക​ര​ണ യൂ​നി​റ്റ്​ ആ​ധു​നി​ക മാ​ലി​ന്യ​സം​സ്ക​ര​ണ പ​ദ്ധ​തി​ക്ക്​ വ​ഴി​മാ​റു​ന്നു. കൊ​ല്ലം ന​ഗ​ര​ത്തി​ന്‍റെ ജൈ​വ​മാ​ലി​ന്യ സം​സ്ക​ര​ണ ​പ്ര​തി​സ​ന്ധി​ക്ക്​ പ​രി​ഹാ​ര​മാ​യി ആ​ധു​നി​ക ​മൊ​ബൈ​ൽ മെ​ക്ക​നൈ​സ്​​ഡ്​ എ​യ​റോ​ബി​ക്​ കം​പോ​സ്റ്റി​ങ്​ യൂ​നി​റ്റ്​ വൈ​കാ​തെ യാ​ഥാ​ർ​ഥ്യ​മാ​കും. ​ഇ​തോ​ടെ ജൈ​വ​മാ​ലി​ന്യ സം​സ്​​ക​ര​ണം കൂ​ടു​ത​ൽ വേ​ഗ​ത​യി​ലും ശാ​സ്ത്രീ​യ​മാ​യും നി​ർ​വ​ഹി​ക്കാ​നാ​കും എ​ന്ന​താ​ണ്​ പ​ദ്ധ​തി​യു​ടെ പ്ര​ത്യേ​ക​ത.

ന​ഗ​ര​ത്തി​ൽ പോ​ള​യ​ത്തോ​ട്ടി​ൽ തു​മ്പൂ​ർ​മു​ഴി പ്ലാ​ന്‍റ്​ പ്ര​വ​ർ​ത്തി​ച്ചി​രു​ന്ന സ്ഥ​ല​ത്താ​ണ്​​ കോ​ർ​പ​റേ​ഷ​ന്‍റെ മേ​ൽ​നോ​ട്ട​ത്തി​ൽ പു​തി​യ ജൈ​വ​മാ​ലി​ന്യ സം​സ്ക​ര​ണ യൂ​നി​റ്റ്​ ഉ​യ​രു​ന്ന​ത്. പ്ര​വ​ർ​ത്ത​ന സൗ​ക​ര്യാ​ർ​ഥം മാ​റ്റി​സ്ഥാ​പി​ക്കാ​ൻ ക​ഴി​യു​ന്ന പോ​ർ​ട്ട​ബി​ൾ ക​ണ്ടെ​യ്​​ന​റോ​ടു​കൂ​ടി​യ കം​പോ​സ്റ്റി​ങ്​ യൂ​നി​റ്റാ​ണ്​ ഇ​വി​ടെ സ്ഥാ​പി​ക്കു​ന്ന​ത്. മാസങ്ങൾക്ക് മുന്നേ ഇതിന്‍റെ കരാർ ധാരണയായിരുന്നു. പു​തി​യ യൂ​നി​റ്റി​ന്‍റെ നി​ർ​മാ​ണം പോ​ള​യ​ത്തോ​ട്ട്​ ഏ​താ​നും ആ​ഴ്ച​ക​ൾ​ക്ക്​ മു​മ്പ്​ ആ​രം​ഭി​ച്ചു.

പ​ഴ​യ തു​മ്പൂ​ർ​മു​ഴി പ്ലാ​ന്‍റ്​ ഇ​ള​ക്കി​മാ​റ്റി​യ സ്ഥ​ല​ത്ത്​ ഇ​തി​നാ​യു​ള്ള സ്റ്റീ​ൽ ച​ട്ട​ക്കൂ​ട്​ സ്ഥാ​പി​ച്ചു. എ​ന്നാ​ൽ, തു​ട​ർ​ന്നു​ള്ള പ്ര​വ​ർ​ത്ത​ന​ങ്ങ​ൾ മു​ന്നോ​ട്ടു​നീ​ക്കു​ന്ന​തി​ന്​ മ​ഴ ത​ട​സ്സ​മാ​യ​തോ​ടെ നി​ർ​മാ​ണം നി​ർ​ത്തി​വെ​ക്കേ​ണ്ടി​വ​ന്ന​താ​യും ഉ​ട​ൻ നി​ർ​മാ​ണം പു​ന​രാ​രം​ഭി​ക്കു​മെ​ന്നു​മാ​ണ്​ കോ​ർ​പ​റേ​ഷ​ൻ അ​ധി​കൃ​ത​ർ വ്യ​ക്ത​മാ​ക്കു​ന്ന​ത്​. എ​യ​റോ​ബി​ക്​ വി​ൻ​ഡ്രോ കം​പോ​സ്റ്റി​ങ്​ വ​ഴി 30 ദി​വ​സം കൊ​ണ്ട്​ മാ​ലി​ന്യം വ​ള​മാ​ക്കി മാ​റ്റാ​നാ​കു​ന്ന യൂ​നി​റ്റ്​ ആ​ണ്​ സ്ഥാ​പി​ക്കു​ന്ന​ത്. നി​ല​വി​ൽ തു​മ്പൂ​ർ​മു​ഴി പ്ലാ​ന്‍റി​ൽ 45 ദി​വ​സ​മെ​ടു​ത്താ​ണ്​ മാ​ലി​ന്യം വ​ള​മാ​ക്കു​ന്ന​ത്.

ത​ങ്ക​ശ്ശേ​രി​യി​ൽ സ്ഥാ​പി​ച്ച മെ​ക്ക​നൈ​സ്​​ഡ്​ കം​പോ​സ്റ്റി​ങ്​ യൂ​നി​റ്റി​ന്​ സ​മാ​ന​മാ​ണ്​ പോ​ള​യ​ത്തോ​ട്ടും ഒ​രു​ങ്ങു​ന്ന​ത്. കോ​ർ​പ​റേ​ഷ​ൻ താ​ൽ​പ​ര്യ​പ​ത്രം ക്ഷ​ണി​ച്ച​തി​ന്‍റെ ഭാ​ഗ​മാ​യി, ത​ങ്ക​ശ്ശേ​രി​യി​ൽ യൂ​നി​റ്റ്​ സ്ഥാ​പി​ച്ച ടെ​ക്​ ഫാം ​ഇ​ന്ത്യ എ​ന്ന ക​മ്പ​നി​യാ​ണ്​ പ​ദ്ധ​തി സ​മ​ർ​പ്പി​ച്ച​ത്. ത​ങ്ക​ശ്ശേ​രി​യി​ലെ സം​സ്​​ക​ര​ണ യൂ​നി​റ്റി​ൽ നി​ന്ന്​ വ്യ​ത്യ​സ്ത​മാ​യി​ മ​ലി​ന​ജ​ലം പു​റ​ത്തു​വ​രാ​ത്ത രീ​തി​യി​ൽ ആ​ണ്​ പോ​ള​യ​ത്തോ​ട്ട്​ യൂ​നി​റ്റ്​ ആ​രം​ഭി​ക്കു​ന്ന​തി​ന്​ ധാ​ര​ണ​യാ​യ​ത്.

ആ​ധു​നി​ക രീ​തി​യി​ൽ ചു​റ്റും മ​റ​ച്ച 15 അ​ടി നീ​ള​വും 6.5 അ​ടി വീ​തി​യും എ​ട്ട്​ അ​ടി ഉ​യ​ര​വു​മു​ള്ള ശീ​തീ​ക​രി​ച്ച പോ​ർ​ട്ട​ബി​ൾ ക​ണ്ടെ​യ്​​ന​ർ കാ​ബി​നു​ക​ളും അ​തി​നു​ള്ളി​ൽ ജൈ​വ​മാ​ലി​ന്യം സം​സ്ക​രി​ക്കു​ന്ന യ​ന്ത്ര​വും ആ​ണ്​ യൂ​നി​റ്റി​ന്‍റെ ഭാ​ഗ​മാ​യി സ്ഥാ​പി​ക്കു​ന്ന​ത്. മാ​ലി​ന്യ സം​സ്ക​ര​ണ യ​ന്ത്ര​ത്തി​ന്​ എ​ട്ട​ര അ​ടി നീ​ള​വും ര​ണ്ട്​ അ​ടി വീ​തി​യും നാ​ല്​ അ​ടി ഉ​യ​ര​വും ആ​ണ്​ ഉ​ള്ള​ത്. മാ​ലി​ന്യം സം​സ്ക​രി​ക്കു​മ്പോ​ൾ ദു​ർ​ഗ​ന്ധ​മോ മ​ലി​ന​ജ​ല​മോ പു​റ​ത്തേ​ക്ക്​ വ​രി​ല്ല എ​ന്ന​താ​ണ്​ 20 ട​ൺ ക​പ്പാ​സി​റ്റി​യു​ള്ള ഈ ​ആ​ധു​നി​ക യൂ​നി​റ്റി​ന്‍റെ സ​വി​ശേ​ഷ​ത. 24 മ​ണി​ക്കൂ​റും ജീ​വ​ന​ക്കാ​ർ ഉ​ണ്ടാ​കും. ക​മ്പ​നി ഡി​സൈ​ൻ ചെ​യ്ത്​ നി​ർ​മി​ച്ച്, പ്ര​വ​ർ​ത്തി​പ്പി​ക്കു​ന്ന രീ​തി​യി​ൽ ആ​ണ്​ പ​ദ്ധ​തി വി​ഭാ​വ​നം ചെ​യ്തി​രി​ക്കു​ന്ന​ത്. സു​ര​ക്ഷ കാ​മ​റ, സു​ര​ക്ഷ അ​ലാം എ​ന്നി​വ സ്ഥാ​പി​ക്കും.

സ​ർ​വി​സ്​ ചാ​ർ​ജ്​ ഉ​ണ്ടാ​കും

​വേ​ർ​തി​രി​ച്ച്​ എ​ത്തി​ക്കു​ന്ന ജൈ​വ​മാ​ലി​ന്യ​മാ​ണ്​ ഈ ​യൂ​നി​റ്റി​ൽ സം​സ്ക​രി​ക്കു​ന്ന​തി​ന്​ സ്വീ​ക​രി​ക്കു​ക. എ​ത്തി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ വീ​ടു​ക​ളി​ൽ ഉ​ൾ​പ്പെ​ടെ എ​ത്തി​യും മാ​ലി​ന്യം ശേ​ഖ​രി​ക്കും. മാ​ലി​ന്യ​ത്തി​ന്‍റെ തൂ​ക്കം അ​നു​സ​രി​ച്ച്​ സ​ർ​വി​സ്​ ചാ​ർ​ജ്​ ഈ​ടാ​ക്കും. ഒ​രു​കി​ലോ മാ​ലി​ന്യ​ത്തി​ന്​ അ​ഞ്ച്​ രൂ​പ​യാ​ണ്​ ഈ​ടാ​ക്കു​ക.