പണം പിരിയ്ക്കാത്ത ശുചിമുറിക്കായി പദയാത്ര

ഇരവിപുരം: പണപ്പിരിവില്ലാത്ത ശുചിത്വമുള്ള ശൗചാലയങ്ങൾ സംസ്ഥാനത്തൊട്ടാകെ സ്ഥാപിക്കുക എന്ന ആവശ്യവുമായി ‘ഭൂമിക്കാരൻ ജെ.പി’യുടെ ഒറ്റയാൻ സമര പദയാത്ര വെള്ളിയാഴ്ച കൊല്ലത്തെത്തി. കാസർകോട്നിന്ന് ഈ മാസം ആദ്യമാണ് നടത്തം ആരംഭിച്ചത്.

തലയിൽ ഓലക്കുടയും കഴുത്തിൽ മുന്നിലും പിന്നിലും ആവശ്യം ഉന്നയിച്ചുള്ള ബാനറും തൂക്കിയാണ് യാത്ര. പാരിപ്പള്ളി വേളമാനൂർ സ്വദേശിയായ ഈ അറുപതുകാരൻ ആവശ്യം ഉന്നയിക്കാൻ തുടങ്ങിയിട്ട് വർഷങ്ങളായി. പത്തുവർഷം മുമ്പ് വി.ഡി. സതീശനെകണ്ട് ആവശ്യം ഉന്നയിച്ചിരുന്നു.

സർക്കാരിന്‍റെ ശ്രദ്ധയിൽപ്പെടുത്താമെന്ന് അന്ന് പറഞ്ഞിരുന്നു. ഇപ്പോഴത്തെ യാത്രക്കിടെ ആലുവയിൽ മുഖ്യമന്ത്രി വി.ഡി. സതീശനെ കണ്ട് ആവശ്യം വീണ്ടും ഉന്നയിച്ചു. തലസ്ഥാനത്തെത്തി സർക്കാരിന്‍റെ മുന്നിൽ ആവശ്യം ഉന്നയിക്കും.