പേവിഷ ബാധയേറ്റ് കുട്ടി മരിച്ച സംഭവം; ഒ.പി ചികിത്സ രേഖകൾ സൂക്ഷിക്കാറില്ലെന്ന ‘വിചിത്ര’ ന്യായവുമായി അധികൃതർ

പ​ത്ത​നാ​പു​രം: വാ​ക്സി​നെ​ടു​ത്തി​ട്ടും പേ​വി​ഷ ബാ​ധ​യേ​റ്റ് എ​ട്ട് വ​യ​സു​കാ​രി മ​രി​ച്ച സം​ഭ​വ​ത്തി​ൽ, അ​ധി​കൃ​ത​രു​ടെ വീ​ഴ്ച മ​റ​ച്ചു​വെ​ക്കാ​ൻ ശ്ര​മം. കു​ട്ടി​യു​ടെ മാ​താ​വ് കു​ന്നി​ക്കോ​ട് ജാ​സ്മി​ൻ മ​ൻ​സി​ലി​ൽ ഹ​ബീ​റ ന​ൽ​കി​യ വി​വ​രാ​വ​കാ​ശ നി​യ​മ​പ്ര​കാ​ര​മു​ള്ള മ​റു​പ​ടി​യി​ലാ​ണ് വി​ചി​ത്ര​മാ​യ ന്യാ​യ​ങ്ങ​ൾ നി​ര​ത്തി​യി​ട്ടു​ള്ള​ത്. ഏ​പ്രി​ൽ എ​ട്ടി​നാ​ണ് നി​യ ഫൈ​സ​ലി​നെ ചി​കി​ത്സ​ക്കാ​യി പു​ന​ലൂ​ർ താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. അ​ന്നേ​ദി​വ​സം ഉ​ച്ച​ക്ക് 1.20ന് ​ടെ​സ്റ്റ്‌ ഡോ​സ് ഇ​ൻ​ജ​ക്ഷ​നും 2.20ന് ​ഫു​ൾ ഡോ​സ് ഇ​ൻ​ജ​ക്​​ഷ​നും ന​ൽ​കി.

ഒ. ​പി​യി​ൽ കു​ട്ടി​യെ ചി​കി​ത്സി​ച്ച ഡോ​ക്ട​ർ സം​ഭ​വം നി​സാ​ര​വ​ൽ​ക്ക​രി​ച്ചു​വെ​ന്നും അ​ത്യാ​ഹി​ത വി​ഭാ​ഗ​ത്തി​ൽ ഡ്യൂ​ട്ടി​യി​ൽ ഉ​ണ്ടാ​യി​രു​ന്ന ഡോ​ക്ട​ർ​മാ​ർ മു​റി​വി​ന്‍റെ ആ​ഴം പോ​ലും മ​ന​സി​ലാ​ക്കാ​തെ ഇ​ൻ​ജ​ക്​​ഷ​ൻ ന​ൽ​കി​യെ​ന്നു​മാ​ണ്​ മാ​താ​വി​ന്‍റെ പ​രാ​തി. പി​ന്നീ​ട് തി​രു​വ​ന​ന്ത​പു​രം എ​സ്.​എ.​ടി ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ മേ​യ്‌ അ​ഞ്ചി​നാ​ണ് നി​യ ഫൈ​സ​ൽ മ​ര​ണ​മ​ട​ഞ്ഞ​ത്. നി​യ ഫൈ​സ​ലി​ന് ചി​കി​ത്സ ന​ൽ​കി​യ​തി​ൽ പി​ഴ​വു​ണ്ടാ​യി​രു​ന്നു​വെ​ന്ന് മാ​താ​വ് ഹ​ബീ​റ ആ​ദ്യം​മു​ത​ൽ ത​ന്നെ പ​രാ​തി ഉ​ന്ന​യി​ച്ചി​രു​ന്നു. എ​ന്നാ​ൽ, ആ​രോ​ഗ്യ വ​കു​പ്പി​ന് വീ​ഴ്ച സം​ഭ​വി​ച്ചി​ട്ടി​ല്ലെ​ന്ന് മ​ന്ത്രി വീ​ണ ജോ​ർ​ജ് അ​ന്ന് പ​റ​ഞ്ഞി​രു​ന്നു. നി​യ ഫൈ​സ​ലി​നെ ഒ.​പി​യി​ൽ ചി​കി​ത്സി​ച്ച ഡോ​ക്ട​റു​ടെ പേ​രും ഇ​ൻ​ജ​ക്​​ഷ​ൻ ന​ൽ​കി​യ​വ​രു​ടെ പേ​രും മ​രു​ന്നി​ന്‍റെ ബാ​ച്ച് ന​മ്പ​റും ഉ​ൾ​പ്പെ​ടെ ആ​വ​ശ്യ​പ്പെ​ട്ട് ഹ​ബീ​റ മൂ​ന്ന് മാ​സം മു​മ്പ്​ വി​വ​രാ​വ​കാ​ശ നി​യ​മ​പ്ര​കാ​രം ക​ത്ത് ന​ൽ​കി. ഇ​തി​ന് താ​ലൂ​ക്ക് ആ​ശു​പ​ത്രി​യി​ലെ പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ എ​സ്.​ആ​ർ. സു​ജി​ത് കു​മാ​ർ ന​ൽ​കി​യ മ​റു​പ​ടി​യി​ലാ​ണ് ഒ.​പി ചി​കി​ത്സ രേ​ഖ​ക​ൾ ആ​ശു​പ​ത്രി​യി​ൽ സൂ​ക്ഷി​ക്കാ​റി​ല്ലെ​ന്ന വി​ചി​ത്ര മ​റു​പ​ടി ന​ൽ​കി​യ​ത്. നി​യ ഫൈ​സ​ലി​ന് ചി​കി​ത്സ ന​ൽ​കി​യ​ത് ഏ​ത് ഡോ​ക്ട​ർ ആ​ണെ​ന്ന് വ്യ​ക്ത​മ​ല്ലെ​ന്നും മ​റു​പ​ടി​യി​ലു​ണ്ട്.

പ​രാ​തി ശ​രി​വെ​ക്കു​ന്ന​താ​ണ് വി​വ​രാ​വ​കാ​ശ മ​റു​പ​ടി​യി​ലെ അ​വ്യ​ക്ത​ത​യെ​ന്ന് കു​ട്ടി​യു​ടെ മാ​താ​വ്

പ​ത്ത​നാ​പു​രം: ചി​കി​ത്സ പി​ഴ​വു​ണ്ടാ​യ​കാ​ര്യം താ​ൻ ആ​ദ്യം മു​ത​ലേ ചൂ​ണ്ടി​ക്കാ​ണി​ച്ചി​രു​ന്നു. ഇ​പ്പോ​ൾ വി​വ​രാ​വ​കാ​ശ നി​യ​മ​പ്ര​കാ​രം കി​ട്ടി​യ മ​റു​പ​ടി​യി​ലും ഒ​ളി​ച്ചു​ക​ളി തു​ട​രു​ക​യാ​ണ്. ഒ.​പി​യി​ൽ കു​ട്ടി​യെ ചി​കി​ത്സി​ച്ച ഡോ​ക്ട​റെ അ​റി​യി​ല്ലെ​ന്ന് പ​റ​യു​ന്ന​ത് എ​ന്ത​ടി​സ്ഥാ​ന​ത്തി​ലാ​ണ്. രേ​ഖ​ക​ൾ പ​രി​ശോ​ധി​ച്ചാ​ൽ എ​ല്ലാം വ്യ​ക്ത​മാ​കും. താ​ലൂ​ക്ക് ആ​ശു​പ​ത്രി​യി​ൽ ഉ​ണ്ടാ​യ വീ​ഴ്ച മ​റ​ച്ചു​വെ​ക്കാ​നാ​ണ് അ​ധി​കൃ​ത​രു​ടെ ശ്ര​മം. മ​ക​ളെ ചി​കി​ത്സി​ച്ച ഡോ​ക്ട​റെ ത​നി​ക്ക​റി​യാ​മെ​ന്നും തി​രി​ച്ച​റി​യ​ൽ പ​രേ​ഡി​ന് അ​വ​ർ ത​യാ​റാ​ക​ട്ടെ​യെ​ന്നും കു​ട്ടി​യു​ടെ മാ​താ​വ് ഹാ​ബി​റ പ​റ​ഞ്ഞു. വ്യ​ക്ത​മാ​യ മ​റു​പ​ടി​ക്കാ​യി അ​പ്പീ​ൽ ന​ൽ​കു​മെ​ന്നും ഹാ​ബി​റ കൂ​ട്ടി​ച്ചേ​ർ​ത്തു.