ഇടത്​ എം.എൽ.എയുടെ വീടിന്​ സമീപം കൃത്രിമക്കാൽ

ഉദുമ: ഉദുമ എം.എൽ.എ കെ. കുഞ്ഞിരാമ​െൻറ വീടിനുസമീപത്ത് കൃത്രിമക്കാൽ കണ്ടെത്തി. പെരിയ രക്തസാക്ഷിത്വത്തി​െൻറ രണ്ടാം വാർഷികദിനത്തിൽ കോൺഗ്രസ് പ്രവർത്തകർ നടത്തിയ പ്രതിഷേധ മാർച്ചിൽ എം.എൽ.എയുടെ കാല് വെട്ടുമെന്ന് ഭീഷണി മുഴക്കിയിരുന്നു.

ഇതുമായി ബന്ധപ്പെട്ട് പൊലീസ് അന്വേഷണം നടക്കുന്നതിനിടയിലാണ് വീട്ടിലേക്ക് പോകുന്ന വഴിയിൽ കൃത്രിമക്കാൽ കണ്ടെത്തിയത്.

എം.എൽ.എ വിവരമറിയിച്ചതിനെ തുടർന്ന് ബേക്കൽ പൊലീസ് എത്തി കൃത്രിമക്കാൽ കസ്​റ്റഡിയിലെടുത്തു. ബേക്കൽ സി.ഐയുടെ നേതൃത്വത്തിൽ അന്വേഷണം നടന്നുവരുകയാണ്.