ക​ല്യോ​ട്ട് ഇ​ര​ട്ട കൊ​ല​ക്കേ​സ്; വി​ധി നാ​ളെ

കാ​ഞ്ഞ​ങ്ങാ​ട്: സം​സ്ഥാ​ന രാ​ഷ്ട്രീ​യ​ത്തി​ൽ കോ​ളി​ള​ക്ക​മു​ണ്ടാ​ക്കി​യ പെ​രി​യ ക​ല്യോ​ട്ട് ഇ​ര​ട്ട കൊ​ല​ക്കേ​സി​ൽ നാ​ളെ വി​ധി. 28ന് ​കോ​ട​തി വി​ധി പ​റ​യ​ുന്ന​ത് മു​ൻ​നി​ർ​ത്തി പൊ​ലീ​സ് ക​ന​ത്ത മു​ൻ​ക​രു​ത​ൽ ന​ട​പ​ടി സ്വീ​ക​രി​ക്കും. പെ​രി​യ​യി​ലും ക​ല്യോ​ട്ടുമ​ട​ക്കം മു​ൻ​ക​രു​ത​ൽ സ്വീ​ക​രി​ക്കാ​ൻ ര​ഹ​സ്യാ​ന്വേ​ഷ​ണ റി​പ്പോ​ർ​ട്ടു​ണ്ട്.

യൂ​ത്ത് കോ​ണ്‍ഗ്ര​സ് പ്ര​വ​ര്‍ത്ത​ക​രാ​യ പെ​രി​യ ക​ല്യോ​ട്ടെ ശ​ര​ത് ലാ​ലി​നെ​യും കൃ​പേ​ഷി​നെ​യും കൊ​ല​പ്പെ​ടു​ത്തി​യ കേ​സി​ല്‍ എ​റ​ണാ​കു​ളം സി.​ബി.​ഐ കോ​ട​തി​യാ​ണ് വി​ധി പ​റ​യു​ന്ന​ത്. കേ​സി​ൽ വി​ധി ഇ​രു​പ​ക്ഷ​ത്തി​നും അ​നു​കൂ​ല​മാ​യാ​ലും പ്ര​തി​കൂ​ല​മാ​യാ​ലും സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്താ​ണ് മു​ൻക​രുത​ൽ ന​ട​പ​ടി​ക്ക് നി​ർ​ദേ​ശ​മു​ള്ള​ത്. വി​ധി​ക്ക് പി​ന്നാ​ലെ ഇ​രു വി​ഭാ​ഗ​വും ആ​ഹ്ലാ​ദ പ്ര​ക​ട​ന​ത്തി​നും പ്ര​തി​ഷേ​ധ​ത്തി​നും തു​നി​ഞ്ഞേ​ക്കു​മെ​ന്നാ​ണ് ക​രു​തു​ന്ന​ത്.

കേ​സി​ൽ പ്ര​തി​ക​ളാ​യി സി.​പി.​എ​മ്മി​ന്റെ പ്ര​ധാ​ന നേ​താ​ക്ക​ളും ജ​നപ്ര​തി​നി​ധി​ക​ളു​മു​ണ്ട്. മു​ന്‍ എം.​എ​ല്‍.​എ​യും സി.​പി.​എം ജി​ല്ല സെ​ക്രേ​ട്ട​റി​യ​റ്റം​ഗ​വു​മാ​യ കെ.​വി. കു​ഞ്ഞി​രാ​മ​ന്‍, കാ​ഞ്ഞ​ങ്ങാ​ട് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റും സി.​പി.​എം മു​ന്‍ ഉ​ദു​മ ഏ​രി​യ സെ​ക്ര​ട്ട​റി​യു​മാ​യ കെ. ​മ​ണി​ക​ണ്ഠ​ന്‍, മു​ന്‍ പെ​രി​യ ലോ​ക്ക​ല്‍ സെ​ക്ര​ട്ട​റി എ​ന്‍. ബാ​ല​കൃ​ഷ്ണ​ന്‍, മു​ന്‍ പാ​ക്കം ലോ​ക്ക​ല്‍ സെ​ക്ര​ട്ട​റി രാ​ഘ​വ​ന്‍ വെ​ളു​ത്തോ​ളി ഉ​ൾ​പ്പെ​ടെ 24 പേ​ർ പ്ര​തി​ക​ളാ​യു​ണ്ട്. മു​ന്‍ ലോ​ക്ക​ൽ ക​മ്മി​റ്റി​യം​ഗം എ. ​പീ​താം​ബ​ര​നാ​ണ് കേ​സി​ലെ ഒ​ന്നാം പ്ര​തി. 2019 ഫെ​ബ്രു​വ​രി 17നാ​യി​രു​ന്നു കൊ​ല​പാ​ത​കം.

ഇ​ര​ട്ട കൊ​ല​പാ​ത​ക​ത്തി​ന് ശേ​ഷം വ്യാ​പ​ക സം​ഘ​ർ​ഷ​വും പ്ര​തി​ഷേ​ധ​വു​മു​ണ്ടാ​യി​രു​ന്നു. ഈ ​സ​ാഹ​ച​ര്യ​ത്തി​ൽ കൂ​ടി​യാ​ണ് വി​ധി വ​രു​ന്ന ദി​വ​സ​വും പൊ​ലീ​സ് മു​ൻ​ക​രു​ത​ൽ ന​ട​പ​ടി ശ​ക്ത​മാ​ക്കു​ന്ന​ത്. പെ​രി​യ​യി​ലും ക​ല്യോ​ട്ടും പൊ​ലീ​സ് നി​രീ​ക്ഷ​ണം ശ​ക്ത​മാ​ക്കും. കേ​സി​ൽ പ്ര​തി​ക​ളാ​യി​ട്ടു​ള്ള​വ​രു​ടെ​യും പ​രാ​തി​ക്കാ​രു​ടെ​യും പ്ര​ദേ​ശ​ങ്ങ​ളി​ലും പൊ​ലീ​സ് നി​രീ​ക്ഷ​ണ​ത്തി​ന് നി​ർ​ദേ​ശ​മു​ണ്ട്.

അ​ടു​ത്ത മ​ണി​ക്കൂ​റി​ൽ ത​ന്നെ പൊ​ലീ​സി​ന്റെ ഭാ​ഗ​ത്തുനി​ന്ന് കൂ​ടു​ത​ൽ ക​ർ​ശ​ന മു​ൻ​ക​രു​ത​ലു​ണ്ടാ​കും. കോ​ൺ​ഗ്ര​സ് നേ​താ​വാ​യി​രു​ന്ന അ​ഡ്വ. സി.​കെ. ശ്രീ​ധ​ര​ൻ പി​ന്നീ​ട് സി.​പി.​എം പ​ക്ഷ​ത്തെ​ത്തു​ക​യും ഈ ​കേ​സി​ലെ പ്ര​തി​ക​ൾ​ക്ക് വേ​ണ്ടി ഹാ​ജ​രാ​വു​ക​യും ചെ​യ്ത സം​ഭ​വം ഏ​റെ ച​ർ​ച്ച ചെ​യ്യ​പ്പെ​ട്ടി​രു​ന്നു. ഇ​തി​നെ​തി​രെ കോ​ൺ​ഗ്ര​സ് നേ​താ​ക്ക​ൾ രം​ഗ​ത്ത് വ​രു​ക​യും ചെ​യ്തി​രു​ന്നു. വി​ധി ദി​വ​സം പ്ര​ദേ​ശ​ങ്ങ​ളി​ൽ കൂ​ടു​ത​ൽ പൊ​ലീ​സി​നെ വി​ന്യ​സി​ക്കും.