ഉള്‍നാടന്‍ ജലഗതാഗതം; എട്ട് ബോട്ട് ജെട്ടികള്‍ ഒരുങ്ങി

ക​ണ്ണൂ​ർ: ഉ​ള്‍നാ​ട​ന്‍ പ്ര​ദേ​ശ​ങ്ങ​ളി​ലെ ന​ദി​ക​ളു​ടെ സൗ​ന്ദ​ര്യ​വും നാ​ട​ന്‍ക​ല​ക​ളും കൈ​ത്ത​റി​യും കൈ​ത്തൊ​ഴി​ലു​മെ​ല്ലാം ലോ​ക​ത്തി​ന് മു​ന്നി​ല്‍ അ​വ​ത​രി​പ്പി​ക്കാ​നൊ​രു​ങ്ങി ജി​ല്ല. ഇ​ത് കൂ​ടു​ത​ല്‍ സു​ഗ​മ​മാ​ക്കാ​നാ​യി ആ​വി​ഷ്‌​ക​രി​ച്ച മ​ല​നാ​ട് മ​ല​ബാ​ര്‍ ടൂ​റി​സം പ​ദ്ധ​തി​യു​ടെ ഭാ​ഗ​മാ​യി ഒ​രു​ക്കു​ന്ന ബോ​ട്ട് ജെ​ട്ടി​ക​ള്‍ ഉ​ദ്ഘാ​ട​ന​സ​ജ്ജ​മാ​യി.

പ്രാ​ദേ​ശി​ക വി​നോ​ദ​സ​ഞ്ചാ​ര മേ​ഖ​ല​യെ ഏ​കോ​പി​പ്പി​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യം. ഉ​ള്‍പ്ര​ദേ​ശ​ങ്ങ​ളി​ലെ ടൂ​റി​സം സാ​ധ്യ​ത​ക​ള്‍ വി​പു​ലീ​ക​രി​ച്ച് വി​നോ​ദ​സ​ഞ്ചാ​രി​ക​ളെ ആ​ക​ര്‍ഷി​ക്കാ​നാ​ണ് ടൂ​റി​സം വ​കു​പ്പ് ശ്ര​മി​ക്കു​ന്ന​ത്.

ക​വ്വാ​യി കാ​ലി​ക​ട​പ്പു​റം മു​ക്കു​വ​ച്ചേ​രി, പു​ന്ന​ക്ക​ട​വ്, മ​യ്യ​ഴി​പ്പു​ഴ​യോ​ട് ചേ​ര്‍ന്ന് ചൊ​ക്ലി പ​ഞ്ചാ​യ​ത്തി​ലെ ഒ​ള​വി​ലം പ്ര​ദേ​ശ​ത്തു​ള്ള പാ​ത്തി​ക്ക​ല്‍, ക​ക്ക​ട​വ്, അ​ഞ്ച​ര​ക്ക​ണ്ടി പു​ഴ​യി​ലെ ചേ​രി​ക്ക​ല്‍, മ​മ്പ​റം, പാ​നൂ​ര്‍ ന​ഗ​ര​സ​ഭ പ​രി​ധി​യി​ലെ ക​രി​യാ​ട്, പെ​രി​ങ്ങ​ത്തൂ​ര്‍ എ​ന്നീ ബോ​ട്ട് ജെ​ട്ടി​ക​ളാ​ണ് നി​ർ​മാ​ണം പൂ​ര്‍ത്തി​യാ​ക്കി ഉ​ദ്ഘാ​ട​ന​ത്തി​നൊ​രു​ങ്ങു​ന്ന​ത്. ബോ​ട്ട്‌​ജെ​ട്ടി​ക​ളു​ടെ പ്ര​വ​ര്‍ത്ത​ന​മാ​രം​ഭി​ക്കു​ന്ന​തി​ലൂ​ടെ ഉ​ള്‍നാ​ട​ന്‍ ജ​ല​ഗ​താ​ഗ​തം എ​ളു​പ്പ​മാ​വും. അ​തി​ലൂ​ടെ ഈ ​പ്ര​ദേ​ശ​ങ്ങ​ളി​ലെ വി​നോ​ദ​സ​ഞ്ചാ​ര മേ​ഖ​ല​യു​ടെ വി​ക​സ​ന​ത്തോ​ടൊ​പ്പം ക​ച്ച​വ​ട സാ​ധ്യ​ത​ക​ള്‍ കൂ​ടി മെ​ച്ച​പ്പെ​ടും.

4.5 കോ​ടി രൂ​പ ചെ​ല​വി​ലാ​ണ് മു​ക്കു​വ​ച്ചേ​രി ബോ​ട്ട് ​ജെ​ട്ടി നി​ർ​മാ​ണം പൂ​ര്‍ത്തീ​ക​രി​ച്ച​ത്. അ​ഞ്ച​ര​ക്ക​ണ്ടി പു​ഴ​യി​ല്‍ നി​ർ​മി​ക്കു​ന്ന ചേ​രി​ക്ക​ല്‍ ബോ​ട്ട് ​ജെ​ട്ടി നി​ർ​മാ​ണം പൂ​ര്‍ത്തി​യാ​ക്കി​യ​ത് 3.2 കോ​ടി രൂ​പ ചെ​ല​വി​ലായി​രു​ന്നു.

ടൂ​റി​സ്റ്റു​ക​ളെ ആ​ക​ര്‍ഷി​ക്കാ​ന്‍ ക​ഴി​യുംവി​ധ​ത്തി​ല്‍ ഹൗ​സ് ബോ​ട്ടു​ക​ളും ചെ​റു​ബോ​ട്ടു​ക​ളു​മ​ട​ക്കം അ​ടു​പ്പി​ക്കാ​ന്‍ ക​ഴി​യും വി​ധ​മാ​ണ് ചേ​രി​ക്ക​ലി​ല്‍ ബോ​ട്ട് ജെ​ട്ടി നി​ർമി​ച്ചി​ട്ടു​ള്ള​ത്. ക​ക്ക​ട​വ്, ക​രി​യാ​ട് ബോ​ട്ട് ജെ​ട്ടി​ക​ളു​ടെ നി​ർമാ​ണം പൂ​ര്‍ത്തി​യാ​ക്കി​യ​ത് 2.8 കോ​ടി രൂ​പ വീ​തം ചെ​ല​വി​ട്ടാ​യി​രു​ന്നു.പാ​ത്തി​ക്ക​ല്‍, പു​ന്ന​ക്ക​ട​വ് ബോ​ട്ട് ജെ​ട്ടി​ക​ള്‍ 1.7 കോ​ടി രൂ​പ വീ​തം ചെ​ല​വി​ട്ടാ​ണ് പൂ​ര്‍ത്തി​യാ​ക്കി​യ​ത്. പെ​രി​ങ്ങ​ത്തൂ​ര്‍ ബോ​ട്ട് ജെ​ട്ടി നി​ര്‍മാ​ണ​ത്തിന് 96 ല​ക്ഷം രൂ​പ​യും മ​മ്പ​റം ബോ​ട്ട് ജെ​ട്ടി​ക്ക് 91 ല​ക്ഷം രൂ​പ​യു​മാ​ണ് ചെ​ല​വാ​ക്കി​യ​ത്.

ആ​സ്വ​ദി​ക്കാം...

ഉ​ത്ത​ര കേ​ര​ള​ത്തി​ലെ പു​ഴ​ക​ളി​ലൂ​ടെ ബോ​ട്ട് യാ​ത്ര​ക്കൊ​പ്പം അ​വ​യോ​ട് ചേ​ര്‍ന്നു​കി​ട​ക്കു​ന്ന പ്ര​ദേ​ശ​ങ്ങ​ളു​ടെ ച​രി​ത്രം, സം​സ്‌​കാ​രം, ക​ല, സം​ഗീ​തം, ആ​ചാ​ര​ങ്ങ​ള്‍, അ​നു​ഷ്ഠാ​ന​ങ്ങ​ള്‍, ആ​രാ​ധ​ന കേ​ന്ദ്ര​ങ്ങ​ള്‍, ആ​യോ​ധ​ന​ക​ല​ക​ള്‍, ക​ര​കൗ​ശ​ല വ​സ്തു​ക്ക​ള്‍, പ്ര​കൃ​തി ഭം​ഗി, ക​ണ്ട​ല്‍ക്കാ​ടു​ക​ള്‍, ഭ​ക്ഷ്യ​വി​ഭ​വ​ങ്ങ​ള്‍ തു​ട​ങ്ങി വി​നോ​ദ​സ​ഞ്ചാ​രി​ക​ളെ ആ​ക​ര്‍ഷി​ക്കു​ന്ന ഘ​ട​ക​ങ്ങ​ൾ കോ​ര്‍ത്തി​ണ​ക്കി​യാ​ണ് മ​ല​ബാ​ര്‍ റി​വ​ര്‍ ക്രൂ​യി​സ് ടൂ​റി​സം പ​ദ്ധ​തി ന​ട​പ്പാ​ക്കു​ന്ന​ത്. ഓ​രോ പ്ര​ദേ​ശ​ങ്ങ​ളി​ലെ​യും ടൂ​റി​സം സാ​ധ്യ​ത​ക​ള്‍ മ​ന​സ്സി​ലാ​ക്കി അ​തി​ന​നു​സ​രി​ച്ചു​ള്ള പ​ദ്ധ​തി​ക​ളാ​ണ് ടൂ​റി​സം വ​കു​പ്പ് ആ​വി​ഷ്‌​ക​രി​ക്കു​ന്ന​ത്.

വി​ദേ​ശ ആ​ഭ്യ​ന്ത​ര സ​ഞ്ചാ​രി​ക​ളെ ആ​ക​ര്‍ഷി​ക്കാ​നു​ള്ള സം​വി​ധാ​ന​ങ്ങ​ളാ​ണ് ന​ട​പ്പാക്കുന്നത്. വാ​ട്ട​ര്‍, ഹെ​റി​റ്റേ​ജ്, തീ​ര​ദേ​ശം തു​ട​ങ്ങി​യ മേ​ഖ​ല​ക​ളി​ല്‍ ജി​ല്ല​യി​ലെ ടൂ​റി​സം രം​ഗം വി​ക​സ​ന​പാ​ത​യി​ലാ​ണ്.