കാടുമൂടി ക​ണ്ണൂ​ർ എയർപോർട്ട് റോഡ്, അനക്കമില്ലാതെ അധികൃതർ

അ​ഞ്ച​ര​ക്ക​ണ്ടി: ക​ണ്ണൂ​ർ വി​മാ​ന​ത്താ​വ​ള​ത്തി​ലേ​ക്കു​ള്ള അ​ഞ്ച​ര​ക്ക​ണ്ടി -മ​ട്ട​ന്നൂ​ർ റോ​ഡ് ഇ​രു​വ​ശ​ങ്ങ​ളി​ലും കാ​ടുമൂ​ടി​യ നി​ല​യി​ൽ. വീ​തി​കു​റ​ഞ്ഞ റോ​ഡി​ന്റെ ര​ണ്ട് വ​ശ​ങ്ങ​ളി​ലും കാ​ട് കൈയേ​റി​യ​തോ​ടെ യാ​ത്ര കൂ​ടു​ത​ൽ ദു​ഷ്ക​ര​മാ​വു​ക​യാ​ണ്. മൈ​ലാ​ടി, വെ​ൺ​മ​ണ​ൽ, ചെ​റി​യ​വ​ള​പ്പ്, കീ​ഴ​ല്ലൂ​ർ, കാ​ര തു​ട​ങ്ങി​യ സ്ഥ​ല​ങ്ങ​ളി​ലാ​ണ് വ​ലി​യ രീ​തി​യി​ൽ റോ​ഡി​ന്റെ വ​ശ​ങ്ങ​ൾ കാ​ട് പി​ടി​ച്ചി​രി​ക്കു​ന്ന​ത്. ഒ​രേ​സ​മ​യം ര​ണ്ട് വാ​ഹ​ന​ങ്ങ​ൾ ക​ട​ന്നുപോ​വു​മ്പോ​ൾ യാ​ത്ര​ക്കാ​ർ​ക്ക് കൂ​ടു​ത​ൽ പ്ര​യാ​സം ഉ​ണ്ടാ​ക്കു​ന്നു. കാ​ൽ​ന​ട​യാ​ത്ര​ക്കാ​ർ​ക്കും കാ​ടുപി​ടി​ച്ച റോ​ഡി​ന്റെ അ​രി​ക് ചേ​ർ​ന്ന് ന​ട​ക്കാ​ൻ പ​റ്റാ​ത്ത സ്ഥി​തി​യാ​ണ്. രാ​ത്രി സ​മ​യ​ങ്ങ​ളി​ൽ മാ​ലി​ന്യ​ങ്ങ​ൾ വ​ലി​ച്ചെ​റി​യു​ന്ന​തും പ​തി​വാ​കു​ക​യാ​ണെ​ന്ന് നാ​ട്ടു​കാ​ർ പ​റ​യു​ന്നു. മാ​ലി​ന്യ​ങ്ങ​ൾ നി​ക്ഷേ​പി​ക്കു​ന്ന​തോ​ടെ നാ​യ​ക​ൾ കൂ​ട്ട​ത്തോ​ടെ എ​ത്തു​ന്ന​ത് രാ​വി​ലെ​യു​ള്ള യാ​ത്ര​ക്കാ​ർ​ക്കും ഏ​റെ അ​പ​ക​ട​മാ​വു​ന്നു. സി​ഗ്ന​ൽ ബോ​ർ​ഡു​ക​ൾ പോ​ലും കാ​ടു​മൂ​ടി​യ നി​ല​യി​ലാ​ണ് മി​ക്ക​യി​ട​ങ്ങ​ളി​ലും ഉ​ള്ള​ത്. പ്ര​ധാ​ന റോ​ഡി​ന്റെ വ​ശ​ങ്ങ​ൾ കാ​ടുമൂ​ടി കി​ട​ന്നി​ട്ടും അ​ധി​കൃ​ത​ർ​ക്ക് അ​ന​ക്ക​മി​ല്ലെ​ന്നാ​ണ് പ​രി​സ​ര​വാ​സി​ക​ൾ പ​റ​യു​ന്ന​ത്.