വ്യാപാര സ്ഥാപനങ്ങളില്‍ മിന്നല്‍ പരിശോധന; 30 കിലോ പ്ലാസ്റ്റിക് കാരിബാഗ്​ പിടിച്ചെടുത്തു

തൊ​ടു​പു​ഴ: ന​ഗ​ര​സ​ഭ പ​രി​ധി​യി​ലു​ള്ള വ്യാ​പാ​ര സ്ഥാ​പ​ന​ങ്ങ​ളി​ൽ ന​ഗ​ര​സ​ഭ ഹെ​ല്‍ത്ത് സ്‌​ക്വാ​ഡ് മി​ന്ന​ൽ പ​രി​ശോ​ധ​ന ന​ട​ത്തി. നി​രോ​ധി​ത പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ ക​ണ്ടെ​ത്താ​നും ലൈ​സ​ന്‍സ് ഇ​ല്ലാ​തെ പ്ര​വ​ര്‍ത്തി​ക്കു​ന്ന സ്ഥാ​പ​ന​ങ്ങ​ള്‍ക്ക് നോ​ട്ടീ​സ് ന​ല്‍കാ​നു​മാ​യി​രു​ന്നു പ​രി​ശോ​ധ​ന. ന​ഗ​ര​പ​രി​ധി​യി​ലു​ള്ള 20 വ്യാ​പാ​ര സ്ഥാ​പ​ന​ത്തി​ലാ​ണ് പ​രി​ശോ​ധ​ന ന​ട​ത്തി​യ​ത്.

പ​രി​ശോ​ധ​ന​യി​ൽ 30 കി​ലോ നി​രോ​ധി​ത പ്ലാ​സ്റ്റി​ക് കാ​രി​ബാ​ഗു​ക​ള്‍, 60 പാ​ക്ക​റ്റ്​ പേ​പ്പ​ര്‍ ക​പ്പു​ക​ള്‍, പേ​പ്പ​ര്‍ പ്ലേ​റ്റു​ക​ള്‍, റൗ​ണ്ട് ബൗ​ളു​ക​ള്‍, ഐ​സ്‌​ക്രീം ബൗ​ളു​ക​ള്‍ എ​ന്നി​വ പി​ടി​ച്ചെ​ടു​ത്തു. വെ​ങ്ങ​ല്ലൂ​ര്‍ സി​ഗ്ന​ലി​ന് പ​ടി​ഞ്ഞാ​റു​വ​ശ​ത്ത് ലൈ​സ​ന്‍സ് ഇ​ല്ലാ​തെ വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ല്‍ ഇ​റ​ച്ചി വ്യാ​പാ​രം ന​ട​ത്തി​യ ക​ട​ക്ക്​ കാ​ര​ണം കാ​ണി​ക്ക​ല്‍ നോ​ട്ടീ​സും ന​ല്‍കി.

ഹോ​ട്ട​ലു​ക​ള്‍, ബേ​ക്ക​റി​ക​ൾ, മ​ത്സ്യം, ഇ​റ​ച്ചി എ​ന്നി​വ ഉ​ള്‍പ്പെ​ടെ ഭ​ക്ഷ്യ​വ​സ്തു​ക്ക​ൾ വി​ല്‍ക്കു​ന്ന സ്ഥാ​പ​ന​ങ്ങ​ളി​ൽ ശു​ചി​ത്വം, മാ​ലി​ന്യ സം​സ്‌​ക​ര​ണ സം​വി​ധാ​ന​ങ്ങ​ൾ എ​ന്നി​വ​യി​ല്‍ വീ​ഴ്ച വ​രു​ത്തു​ന്ന​വ​ർ​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കും.

വ​രും​ദി​വ​സ​ങ്ങ​ളി​ലും പ​രി​ശോ​ധ​ന തു​ട​രു​മെ​ന്നും വീ​ഴ്ച വ​രു​ത്തു​ന്ന സ്ഥാ​പ​ന​ങ്ങ​ള്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്നും മു​നി​സി​പ്പ​ല്‍ ചെ​യ​ര്‍മാ​ന്‍ സ​നീ​ഷ് ജോ​ര്‍ജ്, സെ​ക്ര​ട്ട​റി ബി​ജു​മോ​ന്‍ ജേ​ക്ക​ബ് എ​ന്നി​വ​ര്‍ അ​റി​യി​ച്ചു.

സീ​നി​യ​ര്‍ പ​ബ്ലി​ക് ഹെ​ല്‍ത്ത് ഇ​ന്‍സ്പെ​ക്ട​ര്‍ ബി​ജോ മാ​ത്യു, പ​ബ്ലി​ക് ഹെ​ല്‍ത്ത് ഇ​ന്‍സ്പെ​ക്ട​ര്‍മാ​രാ​യ പി.​വി. ദീ​പ, എ​ന്‍.​എ​ച്ച്. പ്ര​ജീ​ഷ്‌​കു​മാ​ര്‍ എ​ന്നി​വ​ര്‍ നേ​തൃ​ത്വം ന​ല്‍കി.