വേനൽച്ചൂട്​; ഒഴുക്ക്​ നിലച്ച്​ നദികൾ

പീ​രു​മേ​ട്: വേ​ന​ൽ​ച്ചൂ​ടി​ൽ ഹൈ​റേ​ഞ്ചി​ലെ ന​ദി​ക​ൾ ഉ​ൾ​പ്പെ​ടെ​യു​ള്ള ജ​ല​സ്രോ​ത​സ്സു​ക​ൾ വ​റ്റി​വ​ര​ണ്ടു. ന​ദി​ക​ൾ, അ​രു​വി​ക​ൾ, കി​ണ​റു​ക​ൾ എ​ന്നി​വ​യെ​ല്ലാം വ​ര​ണ്ടു​ക​ഴി​ഞ്ഞു. പ്ര​ധാ​ന ന​ദി​ക​ളാ​യ അ​ഴു​ത​യാ​ർ, പെ​രി​യാ​ർ, ഏ​ല​പ്പാ​റ​യി​ലെ പു​ഴ എ​ന്നി​വ​യി​ലെ നീ​രൊ​ഴു​ക്ക് നി​ല​ച്ചു. ഈ ​ന​ദി​ക​ളി​ലെ വെ​ള്ളം ഇ​ടു​ക്കി അ​ണ​ക്കെ​ട്ടി​ലാ​ണ് എ​ത്തി​യി​രു​ന്ന​ത്. അ​ഴു​ത​യാ​റി​ലെ ജ​ലം പീ​രു​മേ​ട്ടി​ൽ ചെ​ക്ക്ഡാം നി​ർ​മി​ച്ച് മൂ​ന്ന്​ കി​ലോ​മീ​റ്റ​ർ ദൂ​ര​മു​ള്ള ട​ണ​ൽ വ​ഴി പെ​രി​യാ​റ്റി​ലും പെ​രി​യാ​റ്റി​ലെ വെ​ള്ളം ഉ​പ്പു​ത​റ വ​ഴി​യും എ​ല​പ്പാ​റ​യി​ലെ പു​ഴ​യി​ലെ ജ​ലം ച​പ്പാ​ത്തി​ലെ​ത്തി പെ​രി​യാ​റ്റി​ലും എ​ത്തി ഇ​ടു​ക്കി അ​ണ​ക്കെ​ട്ടി​ൽ എ​ത്തു​ക​യാ​ണ്.

മൂ​ന്ന് ന​ദി​ക​ളി​ൽ​നി​ന്നു​ള്ള വെ​ള്ള​ത്തി​ന്‍റെ ഒ​ഴു​ക്ക് നി​ല​ച്ച​തോ​ടെ ഇ​ടു​ക്കി അ​ണ​ക്കെ​ട്ടി​ൽ എ​ത്തു​ന്ന വെ​ള്ള​വും നി​ല​ച്ചു. ഇ​തോ​ടൊ​പ്പം ന​ദി​ക​ളി​ൽ​നി​ന്ന് വെ​ള്ളം ശേ​ഖ​രി​ച്ച് ഏ​ലം ഉ​ൾ​പ്പെ​ടെ കൃ​ഷി ചെ​യ്തി​രു​ന്ന​വ​രും ജ​ല​സേ​ച​ന സൗ​ക​ര്യ​മി​ല്ലാ​തെ പ്ര​തി​സ​ന്ധി​യി​ലാ​യി. പീ​രു​മേ​ട് മേ​ഖ​ല​യി​ൽ ക​ഴി​ഞ്ഞ ന​വം​ബ​റി​ലാ​ണ് ആ​വ​സാ​ന​മാ​യി മ​ഴ ല​ഭി​ച്ച​ത്. തു​ട​ച്ച​യാ​യ നാ​ലു​മാ​സം മ​ഴ ല​ഭി​ക്കാ​തെ വേ​ന​ൽ​ച്ചൂ​ടി​ൽ കൃ​ഷി​വി​ള​ക​ൾ ക​രി​ഞ്ഞു​ണ​ങ്ങു​ക​യാ​ണ്. പു​ഴ​ക​ൾ വ​റ്റി​വ​ര​ണ്ട​തോ​ടെ സ​മീ​പ​ത്തെ കി​ണ​റു​ക​ളും വ​റ്റി​വ​ര​ണ്ടു.