ആറ്​ കിലോയുടെ മത്തങ്ങക്ക്​ 47,000 രൂപ; ആവേശക്കൊടുമുടിയിൽ ലേലം

നെ​ടു​ങ്ക​ണ്ടം: ഹൈ​റേ​ഞ്ചി​ൽ ന​ട​ന്ന ഓ​ണാ​ഘോ​ഷ​ത്തി​ന്‍റെ ആ​വേ​ശം മു​ഴു​വ​ൻ പ്ര​ക​ട​മാ​യ​ത്​ ജ​ന​കീ​യ ലേ​ല ആ​ഘോ​ഷ​ത്തി​ൽ. ആ​റ്​ കി​ലോ വ​രു​ന്ന മ​ത്ത​ങ്ങ ലേ​ല​ത്തി​ൽ പോ​യ​ത് 47,000 രൂ​പ​ക്ക്. ഓ​ണാ​ഘോ​ഷ​ത്തി​ന്‍റെ ഭാ​ഗ​മാ​യി കു​ടി​യേ​റ്റ ഗ്രാ​മ​മാ​യ ചെ​മ്മ​ണ്ണാ​റി​ൽ ന​ട​ന്ന ജ​ന​കീ​യ ലേ​ല​ത്തി​ലാ​ണ് മ​ത്ത​ങ്ങ ഇ​ത്ര​യും തു​ക​ക്ക്​ ലേ​ല​ത്തി​ൽ പോ​യ​ത്. ചെ​മ്മ​ണ്ണാ​ർ പൗ​രാ​വ​ലി​യു​ടെ നേ​തൃ​ത്വ​ത്തി​ൽ ന​ട​ന്ന ഓ​ണാ​ഘോ​ഷ പ​രി​പാ​ടി​യി​ലാ​യി​രു​ന്നു ലേ​ലം.

ഹൈ​റേ​ഞ്ചി​ലും മ​റ്റും സാ​ധാ​ര​ണ ലേ​ലം​വി​ളി​യി​ൽ മു​ട്ട​നാ​ടും പൂ​വ​ൻ കോ​ഴി​യു​മൊ​ക്കെ പ​തി​നാ​യി​ര​ത്തി​ന് മു​ക​ളി​ൽ ലേ​ലം വി​ളി​ച്ച് പോ​കാ​റു​ണ്ടെ​ങ്കി​ലും മ​ല​യോ​ര​ത്തി​ന്‍റെ വ​ള​ക്കൂ​റു​ള്ള മ​ണ്ണി​ൽ വി​ള​ഞ്ഞ മ​ത്ത​ങ്ങ ച​രി​ത്രം സൃ​ഷ്ടി​ക്കു​ന്ന​ത് ഇ​താ​ദ്യ​മാ​യാ​ണ്. 10 രൂ​പ​യി​ൽ തു​ട​ങ്ങി​യ ലേ​ല​ത്തി​ൽ മ​ത്ത​ങ്ങ വി​ല ഉ​യ​ർ​ന്ന് ആ​യി​ര​ങ്ങ​ളും പ​തി​നാ​യി​ര​ങ്ങ​ളും ക​ട​ന്ന​തോ​ടെ പ​ങ്കെ​ടു​ക്കാ​നെ​ത്തി​യ ആ​ളു​ക​ളി​ൽ ലേ​ലം ഹ​ര​മാ​യി മാ​റു​ക​യാ​യി​രു​ന്നു. ഓ​ണാ​ഘോ​ഷ​ത്തി​ന്റെ ചെ​ല​വ് ക​ണ്ടെ​ത്താ​ൻ സ​മ്മാ​ന​ക്കൂ​പ്പ​ണും സം​ഭാ​വ​ന​യും പി​രി​ച്ച് നെ​ട്ടോ​ട്ട​മോ​ടി​യ സം​ഘാ​ട​ക​ർ​ക്ക് മു​ന്നി​ൽ ഭാ​ഗ്യം മ​ത്ത​ങ്ങ രൂ​പ​ത്തി​ൽ എ​ത്തി​യ​തും ഏ​റെ സ​ന്തോ​ഷ​മാ​യി. ഉ​ടു​മ്പ​ൻ​ചോ​ല സ്വ​ദേ​ശി സി​ബി എ​ബ്ര​ഹാ​മാ​ണ് മ​ത്ത​ങ്ങ സ്വ​ന്ത​മാ​ക്കി​യ​ത്.