ദേവികുളത്ത് വീട്ടമ്മയെ ആക്രമിച്ച ശേഷം രക്ഷപ്പെട്ട പ്രതി പിടിയിൽ

മൂ​ന്നാ​ർ: ദേ​വി​കു​ള​ത്ത് വീ​ട്ട​മ്മ​യെ ത​ല​ക്ക​ടി​ച്ച് ഗു​രു​ത​ര പ​രി​ക്കേ​ൽ​പ്പി​ച്ച ശേ​ഷം ര​ക്ഷ​പ്പെ​ട്ട പ്ര​തി പി​ടി​യി​ൽ. ത​മി​ഴ്നാ​ട് സ്വ​ദേ​ശി രാം​കു​മാ​ർ ദാ​സി​നെ (40) ആ​ണ്​ ദേ​വി​കു​ളം പൊ​ലീ​സ് പി​ടി​കൂ​ടി​യ​ത്.

ദേ​വി​കു​ളം ടൗ​ണി​ൽ ദൂ​ര​ദ​ർ​ശ​ൻ കേ​ന്ദ്ര​ത്തി​ന് സ​മീ​പ​ത്തെ താ​മ​സ​ക്കാ​ര​നും ദേ​വി​കു​ളം കോ​ട​തി ജീ​വ​ന​ക്കാ​ര​നു​മാ​യ കെ.​കെ. റെ​ജി​മോ​ന്റെ ഭാ​ര്യ ടെ​സി​യാ​ണ്​ (31) ആ​ക്ര​മ​ണ​ത്തി​നി​ര​യാ​യ​ത്.

വെ​ള്ളി​യാ​ഴ്ച ഉ​ച്ച​ക്ക്​ ടെ​സി​യു​ടെ വീ​ട്ടി​ൽ അ​തി​ക്ര​മി​ച്ചു ക​യ​റി ആ​ക്ര​മ​ണം ന​ട​ത്തി​യ ശേ​ഷം സ​മീ​പ​ത്തെ തേ​യി​ല​ത്തോ​ട്ട​ത്തി​ലേ​ക്ക് ഓ​ടി​മ​റ​ഞ്ഞ ഇ​യാ​ളെ രാ​ത്രി ഏ​ഴു​മ​ണി​യോ​ടെ ദേ​വി​കു​ളം ടോ​ൾ പ്ലാ​സ​ക്ക് സ​മീ​പ​ത്തു​നി​ന്നാ​ണ് പി​ടി​കൂ​ടി​യ​ത്. പ​ക​ൽ തേ​യി​ല​ത്തോ​ട്ട​ത്തി​ൽ ഒ​ളി​ച്ചി​രു​ന്ന​ശേ​ഷം സ​ന്ധ്യ​ക്ക്​ റോ​ഡി​ലെ​ത്തി ബ​സ് ക​യ​റി​പ്പോ​കാ​നാ​യി​രു​ന്നു ഇ​യാ​ളു​ടെ പ​ദ്ധ​തി. കാ​ട്ടി​ൽ​നി​ന്ന് റോ​ഡി​ലേ​ക്ക് ഇ​റ​ങ്ങി​യ സ​മ​യ​ത്ത് പ​ട്രോ​ളി​ങ് ന​ട​ത്തു​ക​യാ​യി​രു​ന്ന പൊ​ലീ​സി​ന്‍റെ മു​ന്നി​ൽ​പെ​ടു​ക​യാ​യി​രു​ന്നു. മൂ​ന്നാ​ർ ഡി.​വൈ.​എ​സ്.​പി അ​ല​ക്സ്‌ ബേ​ബി​യു​ടെ നേ​തൃ​ത്വ​ത്തി​ൽ ചോ​ദ്യം ചെ​യ്തു​വ​രു​ന്നു.

ക​വ​ർ​ച്ച ല​ക്ഷ്യ​മി​ട്ടാ​ണ് ഇ​യാ​ൾ ടെ​സി​യെ ആ​ക്ര​മി​ച്ച​ത്. മു​മ്പ്​ ക​ണ്ണ​ൻ ദേ​വ​ൻ ക​മ്പ​നി​യു​ടെ ചൊ​ക്ക​നാ​ട് എ​സ്റ്റേ​റ്റി​ലെ ഈ​സ്റ്റ് ഡി​വി​ഷ​നി​ൽ താ​മ​സി​ച്ചി​രു​ന്ന ഇ​യാ​ൾ ത​ന്‍റെ വാ​ഹ​ന​ത്തി​ന്‍റെ വാ​യ്പാ കു​ടി​ശി​ക അ​ട​യ്ക്കാ​നാ​ണ് മൂ​ന്നാ​റി​ലെ​ത്തി​യ​തെ​ന്നാ​ണ് പൊ​ലീ​സി​നോ​ട് പ​റ​ഞ്ഞ​ത്. വീ​ടി​ന്റെ പി​ൻ​ഭാ​ഗ​ത്തെ മു​റ്റ​ത്ത് തു​ണി അ​ല​ക്കു​ക​യാ​യി​രു​ന്നു ടെ​സി. ഈ ​സ​മ​യ​ത്താ​ണ് മു​ഖം​മ​റ​ച്ച് അ​ക്ര​മി എ​ത്തി​യ​ത്. ക​യ്യി​ൽ ക​ല്ലും ത​ടി​ക്ക​ഷ​ണ​വു​മാ​യി വ​ന്ന ഇ​യാ​ൾ ക​ട​ന്നു​പി​ടി​ക്കാ​ൻ ശ്ര​മി​ച്ചു. എ​തി​ർ​ത്ത​തോ​ടെ മ​ൽ​പ്പി​ടി​ത്ത​മാ​യി. ഇ​തി​നി​ടെ ത​ല​യി​ൽ ക​ല്ലും ത​ടി​ക്ക​ഷ​ണ​വും​കൊ​ണ്ട് ആ​ക്ര​മി​ക്കു​ക​യാ​യി​രു​ന്നു. ടെ​സി​യു​ടെ ക​ര​ച്ചി​ൽ കേ​ട്ട് റോ​ഡി​ൽ​നി​ന്ന് ആ​ളു​ക​ൾ ഓ​ടി​യെ​ത്തി​യ​പ്പോ​ഴേ​ക്കും അ​ക്ര​മി ക​ട​ന്നു​ക​ള​ഞ്ഞു. ആ​ക്ര​മ​ണ​സ​മ​യ​ത്ത് ഇ​വ​രു​ടെ മൂ​ന്നു​വ​യ​സ്സു​ള്ള മ​ക​ൾ മാ​ത്ര​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ത​ല​ക്ക്​ ഗു​രു​ത​ര പ​രി​ക്കേ​റ്റ ടെ​സി​യെ മൂ​ന്നാ​ർ ടാ​റ്റ ജ​ന​റ​ൽ ആ​ശു​പ​ത്രി​യി​ലെ​ത്തി​ച്ച് പ്ര​ഥ​മ ശു​ശ്രൂ​ഷ ന​ൽ​കി​യ​ശേ​ഷം കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി.