മൂന്നാറിനെ മാറ്റിമറിച്ച പ്രളയത്തിന് 101 വയസ്സ്

ചെ​റു​തോ​ണി: മൂ​ന്നാ​റി​നെ മാ​റ്റി​മ​റി​ച്ച പ്ര​ള​യ​ത്തി​ന് 101 വ​യ​സ്സ്. 99ലെ ​വെ​ള്ള​പ്പൊ​ക്കം എ​ന്ന​റി​യ​പ്പെ​ടു​ന്ന 1924 ജൂ​ലൈ 17ന്​ ​ആ​രം​ഭി​ച്ച് ഒ​രാ​ഴ്ച നീ​ണ്ട പ്ര​ള​യ​ത്തി​നാ​ണ് 101 വ​യ​സ്സ്​ തി​ക​യു​ന്ന​ത്. കൊ​ല്ല​വ​ര്‍ഷം 1099ലെ ​പ്ര​ള​യം ഓ​ർ​ത്തെ​ടു​ക്കാ​ൻ പ്രാ​യം​ചെ​ന്ന ആ​രും ഇ​പ്പോ​ൾ ജീ​വി​ച്ചി​രി​പ്പി​ല്ല. പ്ര​ള​യം ത​ക​ര്‍ത്ത​ത് ബ്രി​ട്ടീ​ഷു​കാ​ര്‍ പ​ടു​ത്തു​യ​ര്‍ത്തി​യ മൂ​ന്നാ​ര്‍ പ​ട്ട​ണം കൂ​ടി​യാ​യി​രു​ന്നു. മ​ല​വെ​ള്ള​ത്തി​നൊ​പ്പം കു​തി​ച്ചെ​ത്തി​യ പാ​റ​ക​ളും മ​ര​ങ്ങ​ളും പ​ട്ട​ണ​ത്തെ തു​ട​ച്ചു​നീ​ക്കി​യ​തി​നൊ​പ്പം നൂ​റി​ല്‍പ​രം ജീ​വ​നു​മെ​ടു​ത്തു. ദി​വ​സ​ങ്ങ​ള്‍ക്കു​ശേ​ഷം വീ​ണ്ടും ഒ​രി​ക്ക​ല്‍ക്കൂ​ടി ഇ​ത് ആ​വ​ര്‍ത്തി​ച്ച​പ്പോ​ഴു​ണ്ടാ​യ വെ​ള്ള​പ്പാ​ച്ചി​ലി​ല്‍ പ​ട്ട​ണം ത​ന്നെ ഇ​ല്ലാ​താ​യി.

ആ ​ജൂ​ലൈ​യി​ല്‍ മാ​ത്രം മൂ​ന്നാ​ര്‍ മേ​ഖ​ല​യി​ല്‍ 485 സെ​ന്റീ​മീ​റ്റ​ര്‍ മ​ഴ പെ​യ്തു​വെ​ന്നാ​ണ് ക​ണ​ക്കു​ക​ള്‍ പ​റ​യു​ന്ന​ത്. മൂ​ന്നാ​റി​ല്‍ അ​ന്ന്‍ വൈ​ദ്യു​തി​യും ടെ​ലി​ഫോ​ണും റെ​യി​ല്‍വേ​യും റോ​പ് വേ​യും വീ​തി​യേ​റി​യ റോ​ഡു​ക​ളും വി​ദ്യാ​ല​യ​ങ്ങ​ളും, ആ​ശു​പ​ത്രി​യും ഉ​ണ്ടാ​യി​രു​ന്നു. തേ​യി​ല കൊ​ണ്ടു​പോ​കാ​ൻ 1902ല്‍ ​സ്ഥാ​പി​ച്ച റെ​യി​ൽ​പാ​ത മൂ​ന്നാ​റി​ല്‍നി​ന്ന് മാ​ട്ടു​പ്പെ​ട്ടി, കു​ണ്ട​ള വ​ഴി ത​മി​ഴ്നാ​ടി​ന്‍റെ അ​തി​ര്‍ത്തി​യാ​യ ടോ​പ്‌​സ്റ്റേ​ഷ​ന്‍ വ​രെ​യാ​യി​രു​ന്നു.

മൂ​ന്നാ​റി​ലെ തേ​യി​ല ടോ​പ്‌ സ്റ്റേ​ഷ​നി​ല്‍നി​ന്ന്‍ റോ​പ് വേ ​വ​ഴി ബോ​ഡി​നാ​യ്ക്ക​ന്നൂ​രി​ലേ​ക്കും തു​ട​ര്‍ന്ന് തൂ​ത്തു​ക്കു​ടി തു​റ​മു​ഖ​ത്തെ​ത്തി​ച്ച് ക​പ്പ​ല്‍ ക​യ​റ്റു​ക​യു​മാ​യി​രു​ന്നു പ​തി​വ്. പ​ള്ളി​വാ​സ​ല്‍ മ​ല​ക​ള്‍ക്ക് മു​ക​ളി​ലു​ണ്ടാ​യി​രു​ന്ന ത​ടാ​ക​ത്തി​ന്‍റെ നാ​ശ​ത്തെ​ത്തു​ട​ര്‍ന്ന് പ​ള്ളി​വാ​സ​ല്‍ പ​ട്ട​ണ​വും മൂ​ന്നാ​റി​ലേ​ക്ക്​ വൈ​ദ്യു​തി വി​ത​ര​ണ​ത്തി​ന്​ ഉ​പ​യോ​ഗി​ച്ചി​രു​ന്ന ഹൈ​ഡ്രോ-​ഇ​ല​ക്‌​ട്രി​ക് പ​വ​ര്‍സ്റ്റേ​ഷ​നും മ​ണ്ണി​ന​ടി​യി​ലാ​യി. മാ​ങ്കു​ള​ത്തി​നും മൂ​ന്നാ​റി​നും ഇ​ട​യി​ലെ ക​രി​ന്തി​രി മ​ല മ​ണ്ണി​ടി​ച്ചി​ലി​നെ തു​ട​ര്‍ന്ന് ഇ​ല്ലാ​താ​യി. പ​ഴ​യ ആ​ലു​വ-​മൂ​ന്നാ​ര്‍ റോ​ഡ്‌ എ​ന്ന് ഇ​പ്പോ​ള്‍ അ​റി​യ​പ്പെ​ടു​ന്ന പാ​ത ക​ട​ന്നു​പോ​യി​രു​ന്ന​ത് പെ​രി​യാ​റി​ന്‍റെ കൈ​വ​ഴി​യാ​യ ക​രി​ന്തി​രി ആ​റി​ന്‍റെ ക​ര​യി​ലു​ള്ള ഈ ​മ​ല​യോ​ര​ത്തു​കൂ​ടി​യാ​യി​രു​ന്നു.

പ​ഴ​യ മൂ​ന്നാ​റി​ൽ​നി​ന്ന് ഒ​രു കി​ലോ​മീ​റ്റ​ര്‍ മാ​റി പു​തി​യ മൂ​ന്നാ​ര്‍ പ​ട്ട​ണം പൂ​ര്‍ത്തി​യാ​യെ​ങ്കി​ലും റെ​യി​ല്‍ സം​വി​ധാ​നം പു​നഃ​സ്ഥാ​പി​ക്കാ​ന്‍ ക​ഴി​ ഞ്ഞി​ല്ല. വെ​ള്ള​പ്പൊ​ക്ക​ത്തി​ല്‍ രൂ​പം​കൊ​ണ്ട ത​ടാ​കം ഇ​പ്പോ​ഴും പ​ഴ​യ മൂ​ന്നാ​റി​ലു​ണ്ട്. ഒ​പ്പം പാ​ള​ങ്ങ​ളു​ടെ​യും സ്റ്റേ​ഷ​ന്‍റെ​യും അ​വ​ശി​ഷ്ട​ങ്ങ​ള്‍ ടോ​പ്‌​സ്റ്റേ​ഷ​നി​ലും മ​റ്റു പ​ല​ഭാ​ഗ​ങ്ങ​ളി​ലും ഇ​പ്പോ​ഴും കാ​ണാം. അ​ന്ന് പെ​രി​യാ​റി​ല്‍ ആ​കെ​യു​ണ്ടാ​യി​രു​ന്ന ഡാം ​മു​ല്ല​പ്പെ​രി​യാ​ര്‍ മാ​ത്ര​മാ​യി​രു​ന്നു.