അമ്പമ്പോ ഈ കൊക്കോയുടെ വിലയെ...

അ​ടി​മാ​ലി: വി​ല​യി​ൽ കു​തി​ച്ചു​ചാ​ട്ടം തു​ട​ർ​ന്ന് കൊ​ക്കോ വി​ല. തി​ങ്ക​ളാ​ഴ്ച ഹൈ​റേ​ഞ്ചി​ൽ വി​വി​ധ ഇ​ട​ങ്ങ​ളി​ൽ വി​ല 630ഉം ​ക​ട​ന്നു. ര​ണ്ട് മാ​സ​ത്തി​ല​ധി​ക​മാ​യി വി​ല ഉ​യ​രു​ന്നു​വെ​ങ്കി​ലും ഇ​ത്ര​യും വി​ല ഉ​യ​ർ​ന്ന​ത് ച​രി​ത്ര​ത്തി​ൽ ആ​ദ്യം. മു​ൻ വ​ർ​ഷ​ങ്ങ​ളി​ൽ 350ന് ​മു​ക​ളി​ൽ വി​ല ല​ഭി​ച്ചി​ട്ടി​ല്ല. കൊ​ക്കോ പ​ൾ​പ്പി​ന് 200ന് ​മു​ക​ളി​ലാ​ണ് വി​ല. കാ​ലാ​വ​സ്ഥ വ്യ​തി​യാ​നം​മൂ​ലം ഉ​ൽ​പാ​ദ​നം കു​റ​ഞ്ഞ​തും ഇ​റ​ക്കു​മ​തി കൊ​ക്കോ കാ​ര്യ​മാ​യി എ​ത്താ​ത്ത​തു​മാ​ണ് ഇ​ക്കു​റി കു​രു​മു​ള​കി​നെ മ​റി​ക​ട​ന്ന് കൊ​ക്കോ​യു​ടെ വി​ല ഉ​യ​രാ​ൻ കാ​ര​ണം. ഏ​ല​ക്ക മാ​ത്ര​മാ​ണ് വി​ല​യി​ൽ കൊ​ക്കോ​ക്ക്​ മു​ന്നി​ലു​ള്ള​ത്.

മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് ഏ​ല​ത്തി​നും വി​ല തീ​രെ​യി​ല്ല. ഉ​ൽ​പാ​ദ​ന തു​ട​ക്ക​ത്തി​ൽ കു​രു​മു​ള​കി​ന് 600 രൂ​പ വി​ല ഉ​ണ്ടാ​യി​രു​ന്നു. വി​ള​വെ​ടു​പ്പ് തു​ട​ങ്ങി​യ​തോ​ടെ കു​രു​മു​ള​ക് വി​ല 500ന് ​താ​ഴേ​ക്ക് പ​തി​ച്ചെ​ങ്കി​ലും തി​ങ്ക​ളാ​ഴ്ച 500ന് ​മു​ക​ളി​ലേ​ക്ക് തി​രി​ച്ചെ​ത്തി. എ​ന്നാ​ൽ, കൊ​ക്കോ​യു​ടെ വി​ല​യാ​ണ് എ​ല്ലാ​വ​രെ​യും ആ​ശ്ച​ര്യ​പ്പെ​ടു​ത്തു​ന്ന​ത്. മൊ​ത്തം ഉ​ല്‍പാ​ദി​പ്പി​ക്കു​ന്ന കൊ​ക്കോ​യു​ടെ 82 ശ​ത​മാ​ന​വും കേ​ര​ള​ത്തി​ലാ​ണ്. ഇ​തി​ല്‍ 70 ശ​ത​മാ​നം ഇ​ടു​ക്കി ജി​ല്ല​യി​ലാ​ണ്.

അ​ടി​മാ​ലി, കൊ​ന്ന​ത്ത​ടി, വെ​ള്ള​ത്തൂ​വ​ല്‍, രാ​ജാ​ക്കാ​ട്, ത​ങ്ക​മ​ണി, വാ​ത്തി​കു​ടി, വാ​ഴ​ത്തോ​പ്പ്, ക​ഞ്ഞി​ക്കു​ഴി മാ​ങ്കു​ളം തു​ട​ങ്ങി​യ പ​ഞ്ചാ​യ​ത്തു​ക​ളി​ലാ​ണ് ഏ​റ്റ​വും കൂ​ടു​ത​ല്‍ ഉ​ല്‍പാ​ദ​നം. ചോ​ക്ല​റ്റ് നി​ര്‍മാ​ണ​ത്തി​നാ​ണ് കൊ​ക്കോ കൂ​ടു​ത​ലാ​യും ഉ​പ​യോ​ഗി​ക്കു​ന്ന​ത്. കാ​ര്യ​മാ​യ പ്രോ​ത്സാ​ഹ​നം ല​ഭി​ക്കാ​തി​രു​ന്നി​ട്ടും സം​സ്ഥാ​ന​ത്ത് മെ​ച്ച​പ്പെ​ട്ട ഉ​ല്‍പാ​ദ​നം ന​ട​ക്കു​ന്നു​ണ്ട്. കാ​മ​റൂ​ണ്‍, നൈ​ജീ​രി​യ, ഐ​വ​റി​കോ​സ്റ്റ്, ഇ​ന്തോ​നേ​ഷ്യ തു​ട​ങ്ങി​യ രാ​ജ്യ​ങ്ങ​ളി​ല്‍നി​ന്നാ​ണ് പ്ര​ധാ​ന​മാ​യും ഇ​റ​ക്കു​മ​തി ചെ​യ്യു​ന്ന​ത്. ജി​ല്ല​യി​ൽ ഭൂ​രി​ഭാ​ഗം ക​ര്‍ഷ​ക​രും ഇ​ട​വി​ള​യാ​യി ചെ​യ്യു​ന്ന കൊ​ക്കോ കൃ​ഷി​യു​ടെ വി​ല ച​രി​ത്ര​ത്തി​ൽ ആ​ദ്യ​മാ​യാ​ണ് ഇ​ത്ര​യും കൂ​ടു​ന്ന​ത്.