ഗ്രാമീണ റോഡുകൾ കുളമായി; ജൽജീവൻ പദ്ധതി പാതിവഴിയിൽ

ചെ​ങ്ങ​മ​നാ​ട്: പ​ഞ്ചാ​യ​ത്തി​ൽ ജ​ൽ​ജീ​വ​ൻ മി​ഷ​ൻ പ​ദ്ധ​തി പാ​തി​വ​ഴി​യി​ൽ ഉ​പേ​ക്ഷി​ച്ച​തി​നാ​ൽ കാ​ല​വ​ർ​ഷം ശ​ക്തി പ്രാ​പി​ച്ച​തോ​ടെ ജ​നം ദു​രി​ത​ക്ക​യ​ത്തി​ൽ. മാ​സ​ങ്ങ​ൾ​ക്കു​മു​മ്പ് എ​ക്സ്ക​വേ​റ്റ​റു​പ​യോ​ഗി​ച്ച് അ​ല​ക്ഷ്യ​മാ​യി കു​ത്തി​പ്പൊ​ളി​ച്ച റോ​ഡു​ക​ളി​ൽ പൈ​പ്പ് സ്ഥാ​പി​ച്ച ശേ​ഷം യ​ഥാ​വി​ധം മൂ​ടു​ക​യോ നി​ര​പ്പാ​ക്കു​ക​യോ മെ​റ്റ​ൽ നി​ര​ത്തു​ക​യോ ചെ​യ്യാ​ത്ത​തി​നാ​ൽ റോ​ഡി​ലു​ട​നീ​ളം കു​ണ്ടും കു​ഴി​യും വെ​ള്ള​ക്കെ​ട്ടു​മാ​ണ്.

പ​ഞ്ചാ​യ​ത്തി​ലെ 13 വാ​ർ​ഡു​ക​ളി​ലാ​ണ് പ​ദ്ധ​തി ന​ട​പ്പാ​ക്കാ​ൻ പ്രാ​രം​ഭ ന​ട​പ​ടി ആ​രം​ഭി​ച്ച​ത്. ഒ​രു മു​ന്ന​റി​യി​പ്പു​മി​ല്ലാ​തെ അ​ടു​ത്ത​കാ​ല​ത്ത് ടാ​റി​ങ് പൂ​ർ​ത്തി​യാ​ക്കി​യ റോ​ഡു​ക​ള​ട​ക്കം ജ​ൽ​ജീ​വ​ൻ പ​ദ്ധ​തി​യു​ടെ പേ​രി​ൽ കു​ത്തി​പ്പൊ​ളി​ക്കു​ക​യാ​യി​രു​ന്നു. ജ​ല​ജീ​വ​ൻ പ​ദ്ധ​തി അ​ധി​കൃ​ത​ർ​ക്ക് പ​ല​ത​വ​ണ രേ​ഖാ​മൂ​ലം പ​രാ​തി ന​ൽ​കി​യെ​ങ്കി​ലും ചെ​യ്ത പ​ണി​പൂ​ർ​ത്തി​യാ​ക്കു​ക​യോ, ക​ണ​ക്ഷ​ൻ ന​ൽ​കു​ക​യോ ചെ​യ്തി​ല്ലെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ് ജ​യ മു​ര​ളീ​ധ​ര​ൻ പ​റ​ഞ്ഞു.

അ​തേ സ​മ​യം ഹൈ​ദ​രാ​ബാ​ദ് കേ​ന്ദ്രീ​ക​രി​ച്ച ‘ഓം​ദാ​ർ’ ക​മ്പ​നി​യാ​ണ് പ​ഞ്ചാ​യ​ത്തി​ലെ പ​ദ്ധ​തി​യു​ടെ ക​രാ​ർ ഏ​റ്റെ​ടു​ത്തി​ട്ടു​ള്ള​തെ​ന്നും അ​വ​രു​ടെ സ​ബ് ഏ​ജ​ൻ​സി​ക​ളാ​ണ് പ​ദ്ധ​തി നി​ർ​മാ​ണം തു​ട​ങ്ങി​യ​തെ​ന്നും കേ​ന്ദ്ര, സം​സ്ഥാ​ന സ​ർ​ക്കാ​റു​ക​ളു​ടെ സം​യു​ക്ത പ​ദ്ധ​തി​യാ​ണെ​ങ്കി​ലും സം​സ്ഥാ​ന സ​ർ​ക്കാ​ർ പ​ദ്ധ​തി വി​ഹി​തം അ​നു​വ​ദി​ക്കാ​ത്ത​തി​നാ​ലാ​ണ് നി​ർ​മാ​ണ ജോ​ലി​ക​ൾ സ്തം​ഭി​ച്ചി​രി​ക്കു​ന്ന​തെ​ന്നു​മാ​ണ് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം.

പ്ര​ശ്നം ജ​ല​വി​ഭ​വ​മ​ന്ത്രി​യു​ടെ​യും ഉ​ന്ന​ത ഉ​ദ്യോ​ഗ​സ്ഥ​രു​ടെ​യും ശ്ര​ദ്ധ​യി​ൽ​പെ​ടു​ത്തു​മെ​ന്ന്​ അ​ൻ​വ​ർ സാ​ദ​ത്ത്​ എം.​എ​ൽ.​എ അ​റി​യി​ച്ചു.