മുനിസിപ്പൽ സ്​റ്റേഡിയം ചളിക്കുളമാക്കി അനധികൃത പാർക്കിങ്

മൂ​വാ​റ്റു​പു​ഴ: വാ​ഹ​ന​ങ്ങ​ളു​ടെ അ​ന​ധി​കൃ​ത പാ​ർ​ക്കി​ങ് മു​നി​സി​പ്പ​ൽ സ്​​റ്റേ​ഡി​യം പ​രി​സ​ര​ത്തെ ച​ളി​ക്കു​ള​മാ​ക്കി. ഇ​തി​നു പു​റ​മെ കാ​ന​ക​ൾ​ക്കു മീ​തെ ല​ക്ഷ​ങ്ങ​ൾ ചെ​ല​വ​ഴി​ച്ച്​ സ്ഥാ​പി​ച്ച കോ​ൺ​ക്രീ​റ്റ് സ്ലാ​ബു​ക​ൾ ത​ക​ർ​ത്ത് അ​പ​ക​ട​ക്കെ​ണി​യും സൃ​ഷ്ടി​ക്കു​ന്നു. ഇ.​ഇ.​സി, മാ​ർ​ക്ക​റ്റ് ബൈ​പാ​സി​ലെ കോ​ൺ​ക്രീ​റ്റ് സ്ലാ​ബു​ക​ളാ​ണ് നാ​ഷ​ന​ൽ പെ​ർ​മി​റ്റ് ലോ​റി​ക​ളു​ടെ അ​ന​ധി​കൃ​ത പാ​ർ​ക്കി​ങ് മൂ​ലം ത​ക​ർ​ന്ന​ത്.

മു​നി​സി​പ്പ​ൽ സ്റ്റേ​ഡി​യ​ത്തി​ൽ വാ​ഹ​ന​ങ്ങ​ളു​ടെ പാ​ർ​ക്കി​ങ് മൂ​ലം സ്റ്റേ​ഡി​യം പ​രി​സ​രം ച​ളി​നി​റ​ഞ്ഞു കു​ള​ത്തി​നു സ​മാ​ന​മാ​യി. ന​ഗ​ര​ത്തി​ലെ​ത്തു​ന്ന നാ​ഷ​ന​ൽ പെ​ർ​മി​റ്റ്​ ലോ​റി​ക​ൾ ഉ​ൾ​പ്പെ​ടെ ഇ​പ്പോ​ൾ സ്റ്റേ​ഡി​യം മൈ​താ​ന​ത്താ​ണ്​ അ​ന​ധി​കൃ​ത​മാ​യി പാ​ർ​ക്ക് ചെ​യ്യു​ന്ന​ത്. ടാ​ർ മി​ക്സി​ങ് വാ​ഹ​ന​ങ്ങ​ൾ എ​ന്നി​വ​യും പാ​ർ​ക്ക്​ ചെ​യ്യു​ന്നു​ണ്ട്. നേ​ര​ത്തേ ഇ​ത്ത​രം പാ​ർ​ക്കി​ങ്ങി​നെ​തി​രെ ഉ​യ​ർ​ന്ന പ്ര​തി​ഷേ​ധ​ങ്ങ​ൾ​ക്കും പ​രാ​തി​ക​ൾ​ക്കു​മൊ​ടു​വി​ൽ സം​ര​ക്ഷ​ണ​വേ​ലി കെ​ട്ടി​യി​രു​ന്നു. താ​മ​സി​യാ​തെ ഇ​ത്​ പൊ​ളി​ച്ചു​നീ​ക്കി വാ​ഹ​ന​ങ്ങ​ൾ പാ​ർ​ക്ക്​ ചെ​യ്യാ​ൻ ആ​രം​ഭി​ക്കു​ക​യാ​യി​രു​ന്നു. വാ​ഹ​ന​ങ്ങ​ളി​ൽ​നി​ന്ന് അ​ന​ധി​കൃ​ത​മാ​യി പാ​ർ​ക്കി​ങ് ഫീ​സും ഈ​ടാ​ക്കു​ന്നു​ണ്ട്.

ന​ഗ​ര​ത്തി​ലെ​ത്തു​ന്ന വാ​ഹ​ന​ങ്ങ​ൾ എ​വ​റ​സ്റ്റ് ക​വ​ല​യി​ലു​ള്ള വ​ണ്ടി​പ്പേ​ട്ട​യി​ലും ഹോ​മി​യോ ആ​ശു​പ​ത്രി​ക്ക് സ​മീ​പ​വും പാ​ർ​ക്ക് ചെ​യ്യ​ണ​മെ​ന്നാ​ണ് നി​ർ​ദേ​ശ​മെ​ങ്കി​ലും പാ​ലി​ക്ക​പ്പെ​ടു​ന്നി​ല്ല. സ്റ്റേ​ഡി​യം റോ​ഡി​ന്റെ ഇ​രു​വ​ശ​ത്തും പാ​ർ​ക്കി​ങ് വ്യാ​പി​ച്ചു. ഇ​തു​മൂ​ലം റോ​ഡി​ൽ ഗ​താ​ഗ​ത​ക്കു​രു​ക്കും പ​തി​വാ​ണ്.

സ്റ്റേ​ഡി​യ​ത്തി​ലെ പാ​ർ​ക്കി​ങ് ഒ​ഴി​വാ​ക്കു​മെ​ന്ന് മു​നി​സി​പ്പ​ൽ ചെ​യ​ർ​മാ​ൻ പ​റ​ഞ്ഞി​രു​ന്നു. എ​ന്നാ​ൽ, ഒ​ന്നും ന​ട​പ്പാ​യി​ട്ടി​ല്ല.