തൃക്കാക്കരയിലെ ഇടറോഡുകൾ ഗതാഗതക്കുരുക്കിൽ

കാ​ക്ക​നാ​ട്: റോ​ഡി​ലെ അ​റ്റ​കു​റ്റ​പ്പ​ണി വൈ​കു​ന്ന​തും അ​ല​ക്ഷ്യ​മാ​യ പാ​ര്‍ക്കി​ങ്ങും ജി​ല്ല ആ​സ്ഥാ​ന​മാ​യ കാ​ക്ക​നാ​ടി​ന്‍റെ ഇ​ട​റോ​ഡു​ക​ൾ അ​നു​ദി​നം വീ​ര്‍പ്പു​മു​ട്ടി​ക്കു​ന്നു. മെ​ട്രോ റെ​യി​ൽ നി​ർ​മാ​ണം ആ​രം​ഭി​ക്കു​ന്ന​തോ​ടെ കൂ​ടു​ത​ൽ ഗ​താ​ഗ​ത​ക്കു​രു​ക്കി​ന് ഏ​റെ സാ​ധ്യ​ത​യു​ണ്ട്.

സ​മാ​ന്ത​ര​മാ​യ ഇ​ട​റോ​ഡു​ക​ളി​ലൂ​ടെ ഗ​താ​ഗ​തം സു​ഗ​മ​മാ​ക്കു​ക​യാ​ണ് ഇ​തി​നു പ​രി​ഹാ​രം. പ്ര​ദേ​ശ​ത്തെ ഇ​ട​റോ​ഡു​ക​ൾ ന​വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.

നി​ല​വി​ൽ പാ​ലാ​രി​വ​ട്ടം-​കാ​ക്ക​നാ​ട് സി​വി​ൽ ലൈ​ന്‍ റോ​ഡ് വാ​ഴ​ക്കാ​ല ജ​ങ്ഷ​ന്‍വ​ഴി ഐ.​ടി ന​ഗ​ര​ത്തി​ലെ​ത്തു​ന്ന​വ​ര്‍ക്കു മ​ണി​ക്കൂ​റു​ക​ളോ​ളം നീ​ളു​ന്ന കു​രു​ക്കി​ൽ​പെ​ടാ​നാ​ണ് വി​ധി.

കു​രു​ക്കി​ൽ​നി​ന്ന്​ ര​ക്ഷ​പ്പെ​ടാ​ൻ ബൈ​പാ​സി​ൽ​നി​ന്ന് വെ​ണ്ണ​ല, പാ​ല​ച്ചു​വ​ട്, ഈ​ച്ച​മു​ക്ക് വ​ഴി കാ​ക്ക​നാ​ട്ടേ​ക്കു​ള്ള റോ​ഡും ബൈ​പാ​സി​ൽ​നി​ന്ന് മ​രോ​ട്ടി​ച്ചോ​ട്, തോ​പ്പി​ൽ വ​ഴി കാ​ക്ക​നാ​ട്ടേ​ക്കു​ള്ള ഇ​ട​റോ​ഡു​ക​ളും പ്ര​യോ​ജ​ന​പ്പെ​ടു​ത്താ​ൻ ക​ഴി​യു​മെ​ങ്കി​ലും റോ​ഡു​ക​ളി​ലെ കൈ​യേ​റ്റ​ങ്ങ​ളും അ​ന​ധി​കൃ​ത പാ​ർ​ക്കി​ങ്ങും റോ​ഡി​ലെ അ​പ​ക​ട​ക്കെ​ണി​യും അ​ഴി​യും തോ​റും മു​റു​കു​ന്ന ഗ​താ​ഗ​ത​ക്കു​രു​ക്കാ​യി മാ​റു​ന്നു.

എ​ൻ.​ജി.​ഒ ക്വാ​ർ​ട്ടേ​ഴ്സ് മ​രോ​ട്ടി​ച്ചോ​ട് തോ​പ്പി​ൽ വ​ഴി ഇ​ട​പ്പ​ള്ളി​യി​ലേ​ക്ക് വേ​ഗ​ത്തി​ൽ എ​ത്താ​ൻ ക​ഴി​യു​ന്ന ഇ​ട​റോ​ഡി​ലെ ദേ​ശീ​യ ക​വ​ല​യി​ൽ ഒ​രാ​ഴ്ച മു​മ്പ് കു​ടി​വെ​ള്ള വി​ത​ര​ണ പൈ​പ്പ് പൊ​ട്ടി​യ​തി​നാ​ൽ റോ​ഡും ത​ക​ർ​ന്നി​രു​ന്നു. തോ​പ്പി​ൽ പ​മ്പ് ഹൗ​സി​ൽ​നി​ന്നു​ള്ള 400 എം.​എം പൈ​പ്പാ​ണ് പൊ​ട്ടി​യ​ത്. പൈ​പ്പ് അ​റ്റ​കു​റ്റ​പ്പ​ണി ന​ട​ത്തി കു​ടി​വെ​ള്ള വി​ത​ര​ണം പു​നഃ​സ്ഥാ​പി​ച്ചെ​ങ്കി​ലും റോ​ഡ്​ നി​ർ​മാ​ണം ഇ​തു​വ​രെ ആ​രം​ഭി​ക്കാ​ത്ത​തി​നാ​ൽ ഗ​താ​ഗ​തം വ​ഴി​മു​ട്ടി​യി​രി​ക്കു​ക​യാ​ണ്.