നടപ്പാലം കടലാസിലൊതുങ്ങി; കമ്പനിപ്പടിയിലെ തിരക്കിൽ കുരുങ്ങി കാൽനടക്കാർ

ചൂ​ർ​ണി​ക്ക​ര: ദേ​ശീ​യ​പാ​ത​യി​ലെ തി​ര​ക്കേ​റി​യ ചൂ​ർ​ണി​ക്ക​ര ക​മ്പ​നി​പ്പ​ടി ക​വ​ല​യി​ൽ കാ​ൽ​ന​ട​ക്കാ​രു​ടെ ദു​രി​തം തു​ട​രു​ന്നു. ദേ​ശീ​യ​പാ​ത നാ​ലു​വ​രി​യാ​ക്കി​യ കാ​ലം മു​ത​ൽ തു​ട​ങ്ങി​യ ദു​രി​ത​ത്തി​ന് പ​തി​റ്റാ​ണ്ടു​ക​ളാ​യി​ട്ടും ഒ​രു പ​രി​ഹാ​ര​വു​മാ​യി​ല്ല. വാ​ഹ​ന തി​ര​ക്ക് കൂ​ടി​വ​രു​ന്ന ദേ​ശീ​യ​പാ​ത മു​റി​ച്ചു​ക​ട​ക്കാ​ൻ കാ​ൽ​ന​ട​ക്കാ​ർ പാ​ടു​പെ​ടു​ക​യാ​ണ്. പ​രി​ഹാ​ര​മാ​യി 2019 ഫു​ട് ഓ​വ​ർ​ബ്രി​ഡ്ജ് പ​ദ്ധ​തി​യു​മാ​യി പ​ഞ്ചാ​യ​ത്ത് രം​ഗ​ത്തു​വ​ന്നി​രു​ന്നു. എ​ന്നാ​ൽ, പ്ര​ഖ്യാ​പി​ച്ച് വ​ർ​ഷ​ങ്ങ​ളാ​യി​ട്ടും യാ​ഥാ​ർ​ഥ്യ​മാ​യി​ട്ടി​ല്ല. ലി​ഫ്റ്റോ​ടെ​യു​ള്ള ഫു​ട്​ ഓ​വ​ർ ബ്രി​ഡ്ജ് സ്ഥാ​പി​ക്കാ​നാ​ണ് ല​ക്ഷ്യ​മി​ട്ട​ത്. രൂ​പ​രേ​ഖ​യും ത​യാ​റാ​ക്കി​യി​രു​ന്നു.

അ​സൗ​ക​ര്യ​ങ്ങ​ളി​ൽ വീ​ർ​പ്പു​മു​ട്ടു​ന്ന ക​മ്പ​നി​പ്പ​ടി​യി​ൽ റോ​ഡ് മു​റി​ച്ചു​ക​ട​ക്ക​ൽ സാ​ഹ​സി​ക പ്ര​വൃ​ത്തി​യാ​ണ്. പ​ഞ്ചാ​യ​ത്ത് ഓ​ഫി​സ്, ഓ​ഡി​റ്റോ​റി​യം, മെ​ട്രോ സ്‌​റ്റേ​ഷ​ൻ, നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ, വാ​ഹ​ന​ങ്ങ​ളു​ടെ​യ​ട​ക്കം വ​ലി​യ ഷോ​റൂ​മു​ക​ൾ തു​ട​ങ്ങി​യ​വ ക​മ്പ​നി​പ്പ​ടി​യി​ലു​ണ്ട്. അ​തി​നാ​ൽ ഇ​വി​ടെ തി​ര​ക്കേ​റെ​യാ​ണ്. ഇ​ട​മു​ള പാ​ല​ത്തി​ലേ​ക്കു​ള്ള റോ​ഡ്, കു​ന്ന​ത്തേ​രി, താ​യി​ക്കാ​ട്ടു​ക​ര ഭാ​ഗ​ങ്ങ​ളി​ലേ​ക്കു​ള്ള റോ​ഡ് എ​ന്നി​വ ഈ ​ക​വ​ല​യി​ലാ​ണ് ദേ​ശീ​യ​പാ​ത​യി​ൽ സം​ഗ​മി​ക്കു​ന്ന​ത്. ഈ ​ഭാ​ഗ​ങ്ങ​ളി​ൽ​പോ​ലും വേ​ണ്ട​ത്ര വി​സ്‌​തൃ​തി​യി​ല്ല.

ദേ​ശീ​യ​പാ​ത വി​ക​സി​പ്പി​ച്ച​പ്പോ​ൾ ഈ ​ഭാ​ഗ​ത്ത് ആ​വ​ശ്യ​ത്തി​ന് സ്ഥ​ലം ഏ​റ്റെ​ടു​ത്തി​രു​ന്നി​ല്ല. ഉ​ള്ള സ്ഥ​ല​ത്തു​ത​ന്നെ നാ​ലു​വ​രി​യാ​ക്കി മാ​റ്റു​ക​യാ​യി​രു​ന്നു. അ​തി​നാ​ൽ ത​ന്നെ മീ​ഡി​യ​നു​പോ​ലും വീ​തി​കു​റ​വാ​യി​രു​ന്നു. മെ​ട്രോ വ​ന്ന​പ്പോ​ൾ ഈ ​ഭാ​ഗ​ത്ത് റോ​ഡ് മൂ​ന്നു​വ​രി​പ്പാ​ത​യാ​ക്കി​യ​പ്പോ​ഴും ആ​വ​ശ്യ​ത്തി​ന് സ്ഥ​ല​മെ​ടു​ത്തി​ല്ല. ഇ​തോ​ടെ ക​ട​ക​ളി​ൽ​നി​ന്ന് ഇ​റ​ങ്ങു​ന്ന​തു​പോ​ലും റോ​ഡി​ലേ​ക്കാ​ണ്.

ദേ​ശീ​യ​പാ​ത​യി​ലൂ​ടെ വാ​ഹ​ന​ങ്ങ​ൾ അ​മി​ത​വേ​ഗ​ത്തി​ലാ​ണ് പാ​യു​ന്ന​ത്. മ​റ്റ് റോ​ഡു​ക​ളി​ൽ​നി​ന്ന് ദേ​ശീ​യ​പാ​ത​യി​ലേ​ക്ക് ക​യ​റാ​നു​ള്ള വാ​ഹ​ന​ങ്ങ​ൾ​ക്ക് സു​ര​ക്ഷി​ത​ത്വം ല​ഭി​ക്കു​ന്നി​ല്ല. ഇ​തേ പ്ര​ശ്ന​മാ​ണ് കാ​ൽ​ന​ട​ഫ​ക്കാ​രും നേ​രി​ടു​ന്ന​ത്. ദേ​ശീ​യ​പാ​ത​യി​ൽ അ​ന​ധി​കൃ​ത​മാ​യി വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​ത് ദു​രി​തം ഇ​ര​ട്ടി​ക്കാ​നി​ട​യാ​ക്കു​ന്നു. മീ​ഡി​യ​ന് വീ​തി​കൂ​ട്ടി​യെ​ങ്കി​ലും സൗ​ക​ര്യം ഇ​ല്ലാ​ത്ത​തും പ്ര​ശ്‍ന​മാ​കു​ന്നു. നി​ല​വി​ൽ ഒ​രു മി​നി​റ്റി​ൽ 35-45 എ​ന്ന തോ​തി​ലാ​ണ് പ​ക​ൽ ജ​ന​ങ്ങ​ൾ റോ​ഡ് മു​റി​ച്ച് ക​ട​ക്കു​ന്ന​ത്. അ​തി​ൽ 80 ശ​ത​മാ​നം സ്ത്രീ​ക​ളും വി​ദ്യാ​ർ​ഥി​ക​ളും വ​യോ​ധി​ക​രു​മാ​ണ്.