അപകടകേന്ദ്രമായി തോട്ടക്കാട്ടുകര സിഗ്നൽ

ആ​ലു​വ: തോ​ട്ട​ക്കാ​ട്ടു​ക​ര ഭാ​ഗ​ത്ത് സ​ർ​വി​സ് റോ​ഡി​ൽ​നി​ന്നു​ള്ള വാ​ഹ​ന​ങ്ങ​ൾ സി​ഗ്ന​ലി​ല്ലാ​തെ ദേ​ശീ​യ​പാ​ത​യി​ൽ ക​യ​റു​ന്ന​ത് അ​പ​ക​ട​ങ്ങ​ൾ​ക്കി​ട​യാ​ക്കു​ന്ന​താ​യി ആ​ക്ഷേ​പം. തൃ​ശൂ​ർ ഭാ​ഗ​ത്തു​നി​ന്ന്​ വ​രു​ന്ന ഇ​രു​ച​ക്ര വാ​ഹ​ന​ങ്ങ​ളും കാ​റു​ക​ളും തോ​ട്ട​ക്കാ​ട്ടു​ക​ര​യി​ലെ സി​ഗ്ന​ൽ ലൈ​റ്റ് ഒ​ഴി​വാ​ക്കു​ന്ന​തി​ന് പ​റ​വൂ​ർ ക​വ​ല​ക്കു​ശേ​ഷം സ​ർ​വി​സ് റോ​ഡി​ലൂ​ടെ​യാ​ണ് യാ​ത്ര തു​ട​രു​ന്ന​ത്. ഇ​ത്ത​രം വാ​ഹ​ന​ങ്ങ​ൾ തോ​ട്ട​ക്കാ​ട്ടു​ക​ര​യി​ലെ​ത്തി തി​രി​കെ മെ​യി​ൻ റോ​ഡി​ലേ​ക്ക്‌ ക​യ​റു​ന്ന​താ​ണ് അ​പ​ക​ട​സാ​ധ്യ​ത ഉ​ണ്ടാ​ക്കു​ന്ന​ത്. ദേ​ശീ​യ​പാ​ത​യി​ൽ തോ​ട്ട​ക്കാ​ട്ടു​ക​ര സി​ഗ്ന​ൽ ക​ഴി​ഞ്ഞു​വ​രു​ന്ന വാ​ഹ​ന​ങ്ങ​ളെ ശ്ര​ദ്ധി​ക്കാ​തെ​യാ​ണ് ഇ​പ്ര​കാ​രം സ​ർ​വി​സ് റോ​ഡി​ൽ നി​ന്നു​ള്ള വാ​ഹ​ന​ങ്ങ​ൾ മെ​യി​ൻ റോ​ഡി​ലേ​ക്ക് ക​യ​റു​ന്ന​ത്. ഇ​ത്‌ ആ​ലു​വ, ക​ടു​ങ്ങ​ല്ലൂ​ർ ഭാ​ഗ​ങ്ങ​ളി​ൽ​നി​ന്ന്​ മ​ണ​പ്പു​റം റോ​ഡി​ലേ​ക്ക് പോ​കേ​ണ്ട വാ​ഹ​ന​ങ്ങ​ൾ​ക്കും പ്ര​യാ​സം ഉ​ണ്ടാ​ക്കു​ന്നു​മു​ണ്ട്. കു​റ​ച്ചു​നാ​ൾ​മു​മ്പ്​ വ​രെ സ​ർ​വി​സ് റോ​ഡ് വ​ഴി വ​ന്ന് മെ​യി​ൻ റോ​ഡി​ലേ​ക്കു​ള്ള പ്ര​വേ​ശ​നം നി​രോ​ധി​ച്ച്​ പൊ​ലീ​സ് ഇ​വി​ടെ അ​റി​യി​പ്പ് വെ​ക്കു​ക​യും ബാ​രി​ക്കേ​ഡ് സ്ഥാ​പി​ക്കു​ക​യും ചെ​യ്തി​രു​ന്നു. ഇ​ത് ലം​ഘി​ക്കു​ന്ന​വ​രി​ൽ​നി​ന്ന്​ പി​ഴ ഈ​ടാ​ക്കു​ക​യും ചെ​യ്തി​രു​ന്നു. എ​ന്നാ​ൽ, നി​ല​വി​ൽ പൊ​ലീ​സ് നി​യ​ന്ത്ര​ണ​ങ്ങ​ളി​ല്ല. ഇ​പ്പോ​ൾ ബാ​രി​ക്കേ​ഡ് എ​ടു​ത്തു​മാ​റ്റി​യ നി​ല​യി​ലു​മാ​ണ്.